Luke 14:11 - De Beebaa Dabu

¹¹ Be goai e hagamaolunga e hai naa ga maolalo, gai be goai e hagamaolalo e hai naa ga maolunga.”

Luke 14:11 Iomraidhean Croise

2 Samuel 22:28

Koe e hagaola gilaadeu e llodo maolalo, aagai koe e hagamaolalo gilaadeu e llodo maolunga.

Esther 6:10

Gai de hodooligi ga hai ange gi Haman, “Hagamoolau hannoo gaavee de malo ma de hoosa naa, bei dau hai gu tala mai ai naa, ma gi haia ange mee naa gi Mordecai, taane Ssuu, go de ia e noho laa i gaogao de haitoga o de hale o de hodooligi. Gai koe haia donu gi bei muna alodahi aau gu tala mai naa.”

De Beebaa go Job 22:29

De masavaa naa huu e hagamaolalo ina ai dangada, gai koe e hagadaba, ‘Hagahiihidia age gilaadeu!’ gai ia e hagaola naa gilaadeu e lodo maolalo.

Psalm 138:6

Tagi Maolunga e galo ange gi gilaadeu e maolalo, e dee galemu donu ia e maolunga mmao, aagai ia e hagammao gee i de gau hagamaolunga.

Psalm 18:27

Koe e hagaola gilaadeu e llodo maolalo, aagai e hagamaolalo gilaadeu e llodo maolunga.

Proverbs 15:33

De madagu i Tagi Maolunga e agoago ange tangada i de heiangi, gai de lodo maolalo e humai i mua de hagadubu.

Proverbs 18:12

De hagaodi o de lodo maolunga o tangada go de magau, gai de hagaodi o de lodo maolalo go de hagadubu.

Proverbs 25:27

E dee danuaa de gai gi lagolago hooni, e dee danuaa hogi ssala doo hagadubu i daho tangada.

Proverbs 29:23

De lodo maolunga o tangada e hai ga maolalo ia, aagai tangada lodo maolalo e kave naa de hagadubu.

Isaiah 2:11

Tangada lodo maolunga e hagamaolalo ina naa, gai de gau hagamaolunga e hai naa ga maolalo, gai go Tagi Maolunga donu huu e hagaamua i de laangi laa.

Isaiah 2:17

Gai tangada hagamaolunga e hai naa ga maolalo, de gau lodo maolunga e hai naa ga ni dangada maolalo; gai go Tagi Maolunga donu huu e maolunga i de laangi laa,

Isaiah 57:15

E hagadaba de Ia Maolunga Mmao go de Ia Aamua — go de ia e mouli ga hano ai, gai dono ingoo e dabu: “Au e noho i de mommee maolunga ma de dabu, aagai au e noho hogi i daho tangada e dahuli ono lodo ma de lodo maolalo, gai au ga hagamouli de hagasaalunga o tangada lodo maolalo aama de hagammahi lodo o dangada gu daahuli olaadeu lodo.

Matthew 23:12

Be goai e hagamaolunga e hai naa ga maolalo, gai be goai e hagamaolalo e hai naa ga maolunga.

Luke 1:51

Ia gu hagaago mai ssauaa mmahi o dono lima, ia gu hagamavaevae saele gilaadeu e maanadu hagamaolunga i olaadeu lodo.

Luke 1:52

Ia gu aau gee gilaadeu e mmahi mai i olaadeu duulanga maolunga, aagai gu hagaamua gilaadeu e maolalo.

Luke 14:12

Gai Iesu ne hai ange gi taane ne saalaa ange laa ia, “De masavaa naa huu aau e hai ai dahi gaimee i de ahiahi aabe se daonga, gai koe aude saalaa ange oo soa be go oo daina daane ma oo dangada, aabe go de gau lava e paa adu gi de goe; gilaadeu kana ssala adu hogi goe, e hagao adu ai goe.

Luke 18:14

Au e hai adu gi goodou, taane nei ne ahe gi dono hale gu hagaheohi, aagai taane ange laa teai. Be goai e hagamaolunga e hai naa ga maolalo, gai be goai e hagamaolalo e hai naa ga maolunga.”

James 1:9

Taina e maolalo laa gi duuhia dagodo o dono hagamaolunga ina,

James 4:10

Goodou hagamaolalo i mada luu mada o Tagi Maolunga, gai ia ga hagaamua ai goodou.

James 4:6

Aagai ia e abodonu mmao; deelaa ai, gu sisi e hai ange, “De Maadua e hai baasi ange gi gilaadeu e llodo maolunga, aagai e abodonu ange gi gilaadeu e llodo maolalo.”

1 Peter 5:5

E bei ai hogi goodou denga dama daane, goodou hagallongo ange gi denga daane maatua. Gai goodou alodahi gi hagadau hagamaolalo i oodou magavaa, go hiidinga “De Maadua e hai baasi ange gi gilaadeu e llodo maolunga, aagai e abodonu ange gi gilaadeu e llodo maolalo.”

1 Peter 5:6

Deenei ai, goodou gi hagamaolalo i lalo de lima sauaa o de Maadua, gai ia ga hagaamua ai goodou i de masavaa heohi.

1 Samuel 15:17

Gai Samuel ne hai ange, “E dee galemu donu koe ne maanadu bolo koe se dangada e dee dau, aagai iainei koe gu hai go tagi o denga aamuli o Israel. Gai Tagi Maolunga gu hagadabu goe i de lolo gi hodooligi i Israel.