Luke 13:8 - De Beebaa Dabu

⁸ Aagai tangada boli laa ne hai ange gi de ia, ‘Tangada aamua, dugua mai de fig nei i de ngadau nei; gai au ga geli luu baasi e boli ange i mee e hagassomo ai manu.

Luke 13:8 Iomraidhean Croise

Psalm 106:23

Gai ia ne hagadaba bolo e daa gilaadeu gi maakau; aagai Moses, dana daane ne hili, ne dangidangi i olaadeu hiidinga i ono mada i mua, ga hai ia gi dee daia gilaadeu gi maakau i dono bole.

Exodus 34:9

Gai ia ga hai ange, “Dogu Ia Aamua, noo koe e abodonu mai gi de au, gai au e dangidangi adu gi de goe, dogu Ia Aamua, koe gi humai madali gimaadeu. Ni muna abodonu gimaadeu ni dangada e makaga omaadeu lodo; aagai koe degi mai gi omaadeu baubau ma omaadeu haisala, mage haia gimaadeu go oo dangada donu.”

Jeremiah 15:1

Gai Tagi Maolunga ne hai mai gi de au, “E dee galemu naa donu de tuu o Moses ma Samuel i ogu mada i mua, gai au e dee anga ange naa donu gi de huaadangada nei. Haia gilaadeu gi hulo gee mai i ogu daha! Gilaadeu gi hulo donu!

Jeremiah 18:20

E aha, e heohi de sui ange tanuaa i de baubau? Aagai gilaadeu gu geli dahi geelinga moogu. Koe gi manadua dogu duu i mada luoo mada ga dangidangi ai i olaadeu hiidinga gi dee humai ai doo lili i gilaadeu.

Joel 2:17

De gau haimeedabu e hai hegau laa i mada luu mada o Tagi Maolunga gi tangi i magavaa o de velanda o de temple ma de mommee o ssigidaumaha. Gilaadeu gi hagataba, “Tagi Maolunga, hagaola ina oo dangada. Koe gi dee haia gi hagangadi mee ina dangada o doo boolonga, aabe gi daalaa hakadanga i daho denga huaahenua. Gai gu aha gu hagataba ai denga huaahenua, ‘I hee iai delaadeu Maadua?’ ”

Luke 13:7

Aagai ia ne hai ange gi tangada e diiloo ange de veelengaa grape, ‘Gu dolu ngadau oogu ne aheahe mai ai e sala hanu hua i de fig nei, gai au tee gidee hanu. Selea iho! Gu aha gu dugu ai de manu naa e hagamuimui ai de gelegele nei?’

Luke 13:9

Aagai noo e hua i de ngadau e humai nei, gai gu danuaa; aagai noo e deai, gai koe ga sele iho.’ ”

Luke 14:35

Gu dee haigamaiana ange gi de gelegele be go de boli ange ai denga manu ssomo, gai go de tili donu huu e doe. Be goai e hanu ono dalinga e hagallongo ai, gai ia gi hagalaangona!”

Romans 10:1

Denga daina, dogu lodo donu ma dagu dalodalo ange gi de Maadua, i hiidinga o dangada o Israel, deenei: gilaadeu gi hagamouli.

Romans 11:14

gai au ga hai ai gi llodo gaiaa ogu dangada go de gau Ssuu, gi hagamouli ai hanu gilaadeu.

2 Peter 3:9

Gai Tagi Maolunga e dee hai mee mudumudu i de hagassula dana mee gu hagatoo donu ai, bei de hai a hanu e maanadu ai, gai e golomagi ono lodo i oodou hiidinga; ia e dee lodo dahi dangada daudahi gi magau, aagai dangada alodahi gi daahuli olaadeu lodo.