Luke 13:7 - De Beebaa Dabu

⁷ Aagai ia ne hai ange gi tangada e diiloo ange de veelengaa grape, ‘Gu dolu ngadau oogu ne aheahe mai ai e sala hanu hua i de fig nei, gai au tee gidee hanu. Selea iho! Gu aha gu dugu ai de manu naa e hagamuimui ai de gelegele nei?’

Luke 13:7 Iomraidhean Croise

Exodus 32:10

Deenei ai, hano gee mai i ogu daha, gai au ga daa gilaadeu gi odi i de maakau i hiidinga au gu lili mmao i gilaadeu, gai au ga hai goe gi se huaahenua soa.”

Daniel 4:14

Gai ia ne hagadaba i de leo mmahi, ‘Selea iho de manu somo naa ma gi duuduudia ono laa; gai hagihagia ono lau ma de hagassii saele ono hua. Gai dugia gi hulo denga manu dolodolo i ono lalo ma manu llele i honga ono laa.

Leviticus 19:23

De masavaa naa huu oodou e tae ai gi de henua, gai goodou ga doo denga hagadaagangaa manu ssomo iai hua gai, gai goodou e dee alaange de gai olaadeu hua. E dolu ngadau oodou e dee gai ai olaadeu hua.

Leviticus 25:21

Au e hagamanuuia naa goodou i de ono ngadau, gai de gelegele e hhua lagolago naa gi dohu ange gi e dolu ngadau.

Matthew 7:19

Manu ssomo alodahi e dee maua gi hhua e sele donu ga tili ange gi lo te ahi.

Luke 13:8

Aagai tangada boli laa ne hai ange gi de ia, ‘Tangada aamua, dugua mai de fig nei i de ngadau nei; gai au ga geli luu baasi e boli ange i mee e hagassomo ai manu.

Luke 3:9

Iainei gai de hagadaguu gu dagodo donu i daahido o denga manu ssomo. Deenei ai, manu ssomo alodahi e deai hua danuaa iai e sele iho naa donu ga tili ange gi lo te ahi.”

John 15:2

Laa alodahi e deai olaadeu hua, gai ia e duuduu ga tili, aagai laa alodahi iai hua, gai ia e velevele gi kii ange ai de hhua lagolago.

John 15:6

Noo tangada e dee noho i ogu lodo, gai ia e bei de laa gu tuu laa ma gu tili, gai gu mmae; laa bee nei e hagabudu ga tili ange gi lo te ahi ga dudu ai.