Luke 13:25 - De Beebaa Dabu

²⁵ De masavaa naa huu o tangada niiona de hale e pono ai de haitoga, gai goodou e tuu naa i duaahaho ga dugidugi ai de haitoga, ga hai ange, ‘Tagi Maolunga, huugea mai de haitoga e ulu adu ai gimaadeu!’ Gai ia e hai adu naa gi goodou, ‘Au e dee iloo donu be go hee oodou ne loomai ai!’

Luke 13:25 Iomraidhean Croise

Genesis 7:16

Gai e hanu manu daane ma manu hahine, mai i denga mee e mouli ne ulu gi lodo, bei de hai a de Maadua gu tala ange ai gi Noah. Gai Tagi Maolunga ga pono de haitoga.

Psalm 32:6

Deenei ai, dangada alodahi e heohi gi dalodalo adu gi de goe i de masavaa alaadeu e maua ai goe; ni muna abodonu, de masavaa naa huu e hagahonu age ai de vai mmahi, gai gilaadeu gu dee maua gi daea adu ia.

Isaiah 55:6

Saalaa Tagi Maolunga i de masavaa e maua ai gi gidee ia; dalodalo ange gi de ia i de masavaa oona e baa mai ai.

Matthew 25:41

Aagai ia e hai ange naa gi dangada i dono masui, ‘Goodou hulo gee mai i ogu daha, goodou gu hagamalaia, e tili ange gi lo te ahi e deai laa se ngado mai, gu hagadabena ange laa gi de ia hagabaubau laa ma ono dangada de langi!

Luke 13:27

Gai ia e hai adu naa gi goodou, ‘Au e dee iloo donu goodou, goodou ni dangada mai i hee. Goodou hulo gee mai i ogu daha, goodou alodahi ni dangada e haia mee dee heohi!’

Luke 3:8

Goodou hagaagona mai i oodou hegau bolo goodou gu daahuli abodonu oodou lodo. Gai goodou aude hagataba, ‘Gimaadeu ni dama nii Abraham.’ Au e hai adu gi goodou, de Maadua e maua i de hai hadu nei e hai ai dama a Abraham!

Luke 6:46

“Gu aha goodou gu hagahi mai ai naa, ‘Tagi Maolunga, Tagi Maolunga,’ gai goodou e dee daudali i agu muna e tala adu gi goodou?

2 Corinthians 6:2

Gai ia e hagadaba, “Au ne hagallongo dau dangidangi i de masavaa heohi, gai au ne bale adu goe i de laangi o de hagamouli.” Tilo, de masavaa heohi go iainei; tilo, go iainei donu de laangi hagamouli.

Hebrews 12:17

Gai goodou e iloo bolo dana masavaa ne lodo ai e kave de manuuia laa i muli mai, gai ia tee maua. Gai ia ne hagaduu ngae ga ssala de dahuli ono lodo ma de dangi, aagai ia tee dahuli ono lodo.