Luke 13:24 - De Beebaa Dabu

²⁴ “Goodou hagaduu ngae gi ulu goodou i de haitoga mada damaa mee; go hiidinga e soa naa dangada e hagatale de ulu ai gai e dee maua e gilaadeu.

Luke 13:24 Iomraidhean Croise

Proverbs 14:6

Tangada doo mee e ssala de heiangi, gai e dee gidee e ia, aagai de iloo mee e hai ngaohie ange gi tangada e donu ange laa.

Proverbs 21:25

Mee o tangada vaiduu e lodo ai, e daa donu ia gi magau, go hiidinga ia e dee lodo e hai hegau.

Ecclesiastes 10:15

Hegau a tangada lodo senga e hagadalea donu huu ia, ia e dee iloo de haiava e hano ai gi de aduhale.

Isaiah 1:15

De masavaa oodou e hhola ai oodou lima ga dalodalo ai, gai au e hagammuni naa luoogu mada i goodou; gai ga dalodalo mai naa donu goodou i hanonga lagolago, gai au e dee hagallongo donu oodou dalodalo. Oodou lima e hoohonu i dodo;

Ezekiel 33:31

Gilaadeu e loomai gi oo daha, bei alaadeu mee e hai i de laa tubua. Gilaadeu e loomai ga nnoho i oo mada i mua ga hagallongo ai au muna e tala, aagai gilaadeu e dee hai hegau ai donu. Gilaadeu e tala bolo gilaadeu e aaloha, aagai olaadeu lodo e hoohonu i de nnoo hagamau mee.

Matthew 11:12

Mai i de masavaa o John taane Babudaisi ga dae mai ai gi iainei, aagai de nohoanga hodooligi o de langi e vaivai haia, aama de haia gi de mahi i daho olaadeu e mmahi.

Luke 13:23

Gai dahi dangada ne ssili ange gi de ia, “Tagi Maolunga, e sogoisi naa donu huu dangada e hagamouli?” Iesu ne hai ange gi dangada,

Luke 21:36

Aagai goodou dagitilo ma de dalodalo i masavaa alodahi gi mmahi ai goodou i de saavini e hulo gee i mee alodahi e loomai, ma de tuu i mada luu mada o Tama a Tangada.”

John 13:33

Agu gauligi, gu bodobodo donu dogu masavaa e noho ai i oodou daha. Gai goodou e ssala naa donu au, gai e bei dagu hai gu tala ange ai laa gi de gau Ssuu, gai au e tala adu hogi gi goodou iainei: ‘Goodou e dee maua i de loomai gi dogu mommee ga hano nei aagena.’

John 5:4

Go hiidinga dahi dangada de langi e hano iho i hanu masavaa ga hai gi kai age lo te vai laa; gai be goai naa huu ne iho i mua gi lo te vai laa i dua de kai age, gai ia e ieiangi mai i de hagadaagangaa magi oona e magi ai laa.]

John 6:27

Goodou aude hai hegau ange gi gai e odi laa, aagai hai hegau ange gi gai e daakodo ange laa gi de mouli e dee ngado mai, go gai a Tama a Tangada e gaavadu gi goodou, i hiidinga Tamana go de Maadua gu lava donu i de hagailonga ia.”

John 7:34

Gai goodou e ssala naa au, gai goodou e dee maua gi gidee au. Gai de mommee oogu e hano ai goodou e dee maua i de loadu aagena.”

John 8:21

Iesu ne ahe ange hogi ga hai ange gi gilaadeu, “Au gu dai hano gee mai i kinei, gai goodou ga ssala naa au, gai goodou e maakau i lodo oodou baubau. Gai de mommee oogu e hano gi aagena, gai goodou e dee maua i de loadu aagena.”

Romans 10:3

Go hiidinga gilaadeu tigi tonu ange gi de hai a de Maadua e hagaheohi ai dangada, gai e ssala donu huu delaadeu hai e hagaheohi ai, gilaadeu e dee llodo e dugu ange gilaadeu gi de hagaheohi a de Maadua.

Colossians 1:29

Gai au e hagaduu ngae e hai mee nei alodahi i ssauaa mahi o de Maadua gu hagahai hegau laa i ogu daha.

Hebrews 4:11

Deenei ai, gidaadeu ga hagammahi gi ulu gidaadeu i de hagamaabunga laa, kana dee maua e gidaadeu i de ulu ai i taadeu dee hagallongo ange gi de Maadua.

Joshua 7:3

Gai gilaadeu ne aahe mai ga hai ange gi Joshua, “E dee go denga daane alodahi e hulo e hebagi ange gi Ai, gai hilia donu huu e luamano aabe dolumano daane gi hulo. E dee go denga daane alodahi e loage, go hiidinga e sogoisi donu huu dangada i kilaa.”

2 Peter 1:10

Deenei ai, denga daina, goodou hagaduu ngae haia gi too donu doodou hagahia aama doodou hilihilia. Noo goodou e hai mee nei, gai goodou e dee aahe dua donu.