Luke 13:15 - De Beebaa Dabu

¹⁵ Tagi Maolunga ne hai ange gi de ia, “Goodou ni dangada e daahanga ina dangada! Dahi ma dahi i goodou e dee tala laa dana kaau aabe go dana donkey ga dagi gee mai i lo tono buibui ga kave e hagaunu i de laangi o Sabbath?

Luke 13:15 Iomraidhean Croise

De Beebaa go Job 34:30

gi dee maua ai e tangada baubau i de dagi, gai ia ga hagahaisala ai dangada.

Proverbs 11:9

De ngudu o tangada baubau e hagaduasala tangada e paa ange gi de ia, aagai de iloo mee e hai naa ga ola gilaadeu e heohi.

Isaiah 29:20

Tangada e vaivai haia dangada e lilo naa donu, gai de gau doo mee e dee maaleva naa hogi, gai dangada alodahi e maanadu de hai de baubau e daa naa gi maakau —

Matthew 15:14

Goodou aude anga ange, gilaadeu ni dagi e dee kide, e dagina de gau dee kide. Noo dahi dangada dee gide e dagidahi dangada dee gide, gai gilaau ngaadahi e too ange donu gi dahi geelinga.”

Matthew 15:7

Goodou e daahangadia dangada! E heohi donu muna a Isaiah gu tala ai oodou dagodo, i dana hagadaba,

Matthew 23:13

“E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e pono de nohoanga hodooligi o de langi i dangada. Goodou e dee ulu ai, aagai goodou e buibui hogi dangada e llodo laa e ulu ai! [

Matthew 23:28

Aanei donu oodou dagodo, goodou e tilo danuaa i madamada o dangada, gai oodou lodo e hoohonu i de daahanga dangada ma de baubau.

Matthew 7:5

Koe se dangada e daahangadia dangada! Aaua mai i mua tuudangaa laagau i lo too ganomada donu, gi gidee danuaa ai e goe i de aau mai talaa gainga i lo te ganomada o doo daina.

Luke 12:1

De masavaa huu ne kona ai de soa dangada ne hagabuni mai, gai gu dee oo dangada, gai ia ga daamada de hai ange gi ana dangada agoago, “Goodou dagidiiloo goodou i mee hagahua a denga Pharisee, go delaadeu daahanga dangada.

Luke 14:5

Aagai ia ga ssili ange gi gilaadeu, “Goai i oodou magavaa e dahi ana dama aabe se kaau gu doo ange gi lo te vai geli i de laangi o Sabbath, gai e aha, ia e dee dada age naa ia i de masavaa laa donu huu?”

Luke 6:42

Gai dee hee dau hai e hai ange ai naa gi doo daina, ‘Dogu daina, humai gai au ga aau mai talaa gainga i lo too ganomada,’ gai koe e dee gidee tuudangaa laagau i lo too ganomada donu? Koe se dangada e daahangadia dangada! Aaua mai i mua tuudangaa laagau i lo too ganomada donu, gi gidee danuaa ai e goe i de aau mai talaa gainga i lo te ganomada o doo daina.

Luke 7:13

Gai de masavaa huu a Tagi Maolunga ne gidee ai de hine laa, gai ia gu lodo aloha i de ia, gai ia ga hai ange gi de ia, “Aude dangi.”

Luke 7:19

ga hai gilaau gi hulo gi siilia ange gi Iesu, gi hai ange, “Go koe de ia gu tala laa bolo e humai, aabe gimaadeu e tali ange dahi dangada gee?”