Luke 13:11 - De Beebaa Dabu

¹¹ Aagai e dahi hahine i kilaa gu iai de hagasaalunga baubau i e madaangahulu ma valu ngadau, gai ia e gogo gi mua gu dee maua i de duu gi soe gi lunga.

Luke 13:11 Iomraidhean Croise

De Beebaa go Job 2:7

Gai Satan ne hano gee mai i mada i mua o Tagi Maolunga, ga hai gu ssomo hanu hagahoa hagammae i de angaanga alodahi o Job, mai i luoono vae ga dae ai gi dono biho.

Psalm 145:14

Tagi Maolunga e bale ange gilaadeu alodahi e baakuu, gai e hagadaangage age gilaadeu gu ino gi lalo.

Psalm 146:8

Tagi Maolunga e hai gi kide gilaadeu e dee kide; Tagi Maolunga e hai gi daangage age gilaadeu e ino gi lalo; Tagi Maolunga e aloha i gilaadeu e heohi.

Psalm 38:6

Au gu ino luoogu mada gi honga de gelegele; gai au e daemaha mai i taiao ga boo ai.

Psalm 42:5

Dogu hagasaalunga, gu aha gu daemaha ai naa goe, gai gu aha gu manavasaa ai naa goe? Haia go de Maadua dau tali hagalodolodo; go hiidinga au e ahe ange naa donu ga tuhi ia, dogu Ia Hagaola

Psalm 6:2

Tagi Maolunga, abodonu mai gi de au, au gu deai ogu mahi. Tagi Maolunga, hagaieiangi ina ngau, au gu duasala mmao.

Matthew 4:23

Gai Iesu ne hagadaga i Galilee alodahi ga agoago i denga synagogue, ga tala de longo danuaa o de nohoanga hodooligi ma de hagaieiangi denga hagadaagangaa magi ma mee hagabaageaa alodahi i daho dangada.

Mark 9:21

Gai Iesu ga ssili ange gi tamana o tama daane laa, “Dee hee maa taulooloa dono dagodo bee nei?” Gai tamana ga hai ange, “Mai loo i dono gauligi.

Luke 13:12

Gai de masavaa huu a Iesu ne gidee ai ia, gai ia ga hagahi ia ga hai ange, “De hine nei, koe gu ieiangi mai i doo magi!”

Luke 13:16

Gai de hine nei se dama donu nii Abraham gai ne noodia e Satan i e madaangahulu ma valu ngadau; gai e dee kii ange laa de heohi de hai gi ilaage de hine nei mai i dono magi i de laangi o Sabbath?”

Luke 21:28

Gai de masavaa naa huu e daamada ai de hai mee nei, aagai goodou tuu mage daangage age oodou biho, go hiidinga gu baa mai donu doodou hagamouli.”

Luke 8:2

gai e hanu hogi haahine ne hai ga hulo gee denga hagasaalunga baubau mai i olaadeu daha ma de hagaieiangi mai i denga magi ne hulo madali gilaadeu: Mary (dahi ono ingoo laa go Magdalene), deenei de hine ne hulo gee mai i ono daha e hidu hagasaalunga baubau;

Luke 8:27

Gai de masavaa o Iesu ne hanage ai gi uda, gai ia gu hedae ange gi dahi daane iai denga hagasaalunga baubau mai i de aduhale. Gai gu daulooloa dono dee gahu aama tee noho i lodo hale, aagai e noho i magavaa denga daanunga.

Luke 8:43

Gai e dahi hahine ne magi dodo i e madaangahulu ma lua ngadau; ia ne gaavange ana mee alodahi gi de gau hai magi, gai teai donu se gilaadeu ne maua i de hagaieiangi ia.

Acts 3:2

Gai e dahi daane ne balagelage mai i dono haanau gu sabaia mai ma gu hagadagodo i gaogao de haitoga o de temple i laangi alodahi. Deenei de haitoga e hagaingoo ange laa bolo go de Haitoga Mahamaha. Gai ia e noho ma e dangidangi i mee ngadi gaavange mai i daho dangada e ulu laa i de temple.

Acts 4:22

Go hiidinga taane ne ieiangi laa i ssauaa laa gu madahaa duumaa ono ngadau.