Luke 12:48 - De Beebaa Dabu

⁴⁸ Aagai tangada e dee iloo, gai ia ga hai mee e heohi ai dono hagailiilia, e dee kona naa donu dono hagailiili. Gai be goai ne gaavange aagena mee lagolago, aagai e hai naa hogi ia gi gaavange mee lagolago. Gai tangada ne lanea mee ne gaavange gi de ia, e kii ange naa hogi de lanea mee e hai ia gi gaavange.

Luke 12:48 Iomraidhean Croise

Leviticus 5:17

Noo dahi dangada e haisala i dahi mee a Tagi Maolunga gu tala adu goodou gi dee haia, gai ia tee iloo, ia gu haisala donu gai ia e hagaduasala donu i ono baubau.

Numbers 15:27

Noo dahi dangada gu haisala gai e dee se hagabau, gai ia gi gaamai dahi guudi hahine gu dahi laa ono ngadau e hai ai ssigidaumaha o haisala.

Matthew 13:12

Go hiidinga be goai e hanu ana mee, gai e gaavange donu gi kii ange de lagolago ana mee. Gai be goai e deai ana mee, aagai e kave gee donu momo mee e hanu i ono daha.

Matthew 23:14

E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e gaiaa mee a denga haahine gu maakau olaadeu bodu, ma de hai gi lloa oodou dalodalo gi gidee ai e dangada. Deenei ai, goodou e kave naa de hagaduasala laumalie.]

Luke 12:41

Peter ne ssili ange gi de ia, “Tagi Maolunga, koe ne tala mai naa donu huu de mee hagasengasenga naa gi gimaadeu aabe ange gi dangada alodahi?”

Luke 12:49

“Au ne humai e tili ange de ahi gi honga henua i lalo, gai mee naa de ahi gu lava donu i de haula!

Luke 16:2

Gai taane lava laa ga hagahi dono dangada hai hegau ga ssili ange, ‘Ni aha aagu gu langona nei bolo koe gu hai? Hagaagona mai be ni aha aau gu hai i mee aau e tilo ange ai ogu goloa alodahi, go hiidinga gu dee go koe e diiloo ange agu mee.’

John 15:22

Noo au tee humai ga tala ange muna nei gi gilaadeu, gai gilaadeu e dee haisala. Aagai iainei gilaadeu gu dee maua i de hagaheohi olaadeu haisala.

Acts 17:30

I mua gai de Maadua tee anga ange gi de ssenga o dangada, aagai iainei ia e hai ange gi dangada i mommee alodahi gilaadeu gi daahuli olaadeu lodo.

Deuteronomy 25:2

Gai noo gu modu e hagailiili tangada iai ssala, gai tangada hagamodu muna gi haia ia gi dagodo gi lalo, gai dahi dangada gi hagailiilihia ia, gi odi ange hanonga oona e hagailiili ai, gi bei dagodo o dana hegau baubau gu hai laa.

1 Timothy 1:11

bei dagodo muna o de longo danuaa mahamaha a de Maadua e heohi laa taadeu tuhi, go mee ne gaamai gi de au.

1 Timothy 1:13

I mua gai au se dangada e basa baubau i de ia, ma de vaivai hai dangada ma de alasala. Gai de Maadua ne lodo aloha mai gi de au, i hiidinga au ne hai mee nei i dogu dee donu ma tee hagadonusia.

1 Timothy 6:20

Timothy, koe gi daohia mee alodahi gu lava i de gaavadu gi de goe. Huli gee i denga ngadi muna o dangada e hagadaumee ai ma de tala bolo go de iloo mee abodonu;

Titus 1:3

gai ga dae huu de masavaa, gai ia ga hagaago mai i ana muna i agu agoago gu lava i de tala adu ai goodou, bei de hai a de Maadua taadeu Ia Hagaola gu tala mai ai gi de au.

James 3:1

Denga daina, gi dee soa goodou e hai gi ni dangada agoago, go hiidinga goodou e iloo bolo gidaadeu e agoagona ange dangada e kona ange de hai e hagamodu ai odaadeu muna.