Luke 12:32 - De Beebaa Dabu

³² “Dagu hagabuulingaa ssiibi damaa mee, goodou gi dee maatagu, go hiidinga doodou Damana e malangilangi donu i de gaavadu gi goodou de nohoanga hodooligi.

Luke 12:32 Iomraidhean Croise

Isaiah 40:11

Ia e tilo ange naa dana hagabuulingaa ssiibi bei tangada hagaloosi ssiibi, ia e hagabudu naa ana ssiibi gauligi i luoono lima, ma de saabai gilaadeu i ono hadahada; gai ia e dagi maalie naa denga ssiibi e hanu laa alaadeu dama.

Isaiah 41:14

De ilo go Jacob, aama Israel damaa mee, koe gi dee madagu, i hiidinga go au donu e bale adu goe, go Tagi Maolunga e hagadaba, de ia ne hagaola ina goe, go de Ia Dabu o Israel.

Isaiah 53:6

Gidaadeu alodahi e bei denga ssiibi, gu ssenga saele laa, dahi ma dahi gu hano donu huu i dono haiava; gai Tagi Maolunga gu hagauda ange gi de ia odaadeu baubau alodahi.

Jeremiah 3:19

Au ne hagadaba, ‘Au e lodo mmao e hai goodou gi ni dama niiagu, ma de gaavadu gi goodou dahi henua danuaa, gai se boolonga e mahamaha ange i denga huaahenua alodahi!’ Gai au ne maanadu bolo goodou e hagahi mai naa Tamana gi de au, ma tee huuhuli gee i de daudali mai i de au.

Matthew 14:27

De masavaa laa donu huu gai Iesu ga basa ange, ga hai ange, “Goodou gi lodo mmahi; go au donu deenei. Goodou gi dee maatagu!”

Matthew 20:16

Deenei ai, gilaadeu e hagaodia e hai naa go gilaadeu i mua, gai gilaadeu i mua e hai naa go gilaadeu e hagaodia.”

Matthew 25:34

Gai de Hodooligi e hai ange naa gi dangada i dono baasi madau, ‘Loomai, goodou gu lava i de hagamanuuia i daho dogu Damana. Goodou gaavee de nohoanga hodooligi gu hagadabena adu laa gi goodou, mai i taamada age de hai o henua i lalo.

Matthew 7:15

“Goodou kana ange dagidiiloo denga pelaabisi hadu muna, gilaadeu e kahu naa bei denga ssiibi e loomai ai gi oodou daha, aagai olaadeu lodo e bei denga wolf.

Luke 10:21

De masavaa laa gai Iesu ne malangilangi mmao i daho de Hagasaalunga Dabu, ga hagadaba, “Au e tuhi goe, Tamana, Tagi Maolunga o de langi ma henua i lalo, go hiidinga koe ne hagammuni mee nei i gilaadeu e heiangi ma de iloo mee, gai gu hagaago ange gi denga gauligi vaaligiligi. Uaa, Tamana, aanei donu oo lodo.

John 18:36

Iesu ne hai ange, “Dogu nohoanga hodooligi e dee se mee mai i henua i lalo. Noo dogu nohoanga hodooligi se mee mai i henua i lalo, gai ogu dangada hai hegau ga hebagi, gi dee gaavange ai au gi de gau Ssuu. Aagai dogu nohoanga hodooligi se mee mai i dahi mommee gee.”

Acts 20:28

Goodou diiloo iho goodou aama de hagabuulingaa ssiibi alodahi, go gilaadeu a de Hagasaalunga Dabu gu dugu adu goodou gi dagina, gai goodou ga hagaloosi ange ai de nohoanga dabu o de Maadua, aana ne hagao laa i ono dodo donu.

Acts 20:29

Au e iloo bolo dua naa huu dogu hano gee i oodou daha, gai denga wolf alasala e loomai naa gi oodou magavaa, gai gilaadeu e dee hagaola naa donu denga ssiibi.

Romans 6:23

Gai de hagaoanga o de haisala go de magau, gai de mee ngadi gaavange a de Maadua go de mouli e dee ngado mai i lodo o Klisdo Iesu taadeu Dagi Maolunga.

1 Corinthians 1:21

Gai go hiidinga de heiangi o de Maadua, henua i lalo tee maua gi iloo de Maadua i olaadeu heiangi donu huu, gai de Maadua ne malangilangi i de hagamouli dangada gu hagadonusia laa, i muna e deai ono haigamaiana, go mee omaadeu e agoago ai nei.

Philippians 2:13

i hiidinga go de Maadua donu e hai hegau i oodou lodo, ga hai ai goodou gi llodo ma de maua i de hai ono mee e malangilangi ai.

2 Thessalonians 1:11

Deenei ai, gimaadeu e dalodalo i goodou i masavaa alodahi, gai de Maadua ga hai ai gi heohi ange goodou gi de kave dana hagahi, ma de hagammahi goodou gi haia tanuaa aama hegau alodahi o de gai i dono sauaa,

2 Thessalonians 1:5

Gai mee nei e hagaago danuaa mai de hagamodu heohi a de Maadua, gai e hai gi heohi ange goodou gi de ulu i de nohoanga hodooligi o de Maadua, gai de mee nei ne hai ga vaivai haia goodou.

Hebrews 12:28

Deenei ai, go hiidinga gidaadeu e kave de nohoanga hodooligi e dee maua laa i de hagangalungalue, gidaadeu ga hagaahe ange de abodonu ma de daumaha ange gi de Maadua e hagamalangilangi ai ia, i de hagadubu ma de maatagu,

James 2:5

Denga daina hagamogomogo, goodou nnoho hagasaelea age! E dee go gilaadeu e hagaau aloha i henua i lalo a de Maadua ne hai laa gi lava i de gai, aama de henua i de nohoanga hodooligi, gu lava laa i dana hagatoo donu ange gi gilaadeu e aaloha i de ia?

2 Peter 1:11

Go hiidinga deenei de hai e mahuge adu ai de haitoga gi goodou, e ulu ai i de nohoanga hodooligi dee ngado mai o taadeu Dagi Maolunga ma de Ia Hagaola go Iesu Klisdo.

Revelation 1:6

ma de hai gidaadeu gi se nohoanga hodooligi, gai gi ni dangada haimeedabu e hai hegau ange gi dono Maadua ma Tamana — gai ia e bau ange i de kave taadeu tuhi ma de mahamaha aama ssauaa ga hano ai e dee ngado mai. Amen.

Revelation 22:5

Gai e deai naa donu se boo i kilaa. Gai dangada i kilaa e dee hagamaalama hogi i de laama aabe go de maalama o de laa, go hiidinga Tagi Maolunga de Maadua go de maalama e hagamaalama ina gilaadeu, gai gilaadeu e hodooligi naa ga hano ai e dee ngado mai.