Luke 12:28 - De Beebaa Dabu

²⁸ Aagai noo de Maadua e hakahu denga helii, e mouli laa ailaa nei i lo te duu malaelae, gai daiao gu tili ange gi lo te ahi, gai dee hee maa naa de kii ange dana lodo e hakahu goodou — goodou e vaaligiligi oodou kai!

Luke 12:28 Iomraidhean Croise

Isaiah 40:6

De leo o dahi e hagadaba, “Oo gi laumalie doo leo!” Gai au ne ssili ange, “Aahee agu muna e oo e tala?” “Dangada alodahi e bei dagodo o denga helii, gai olaadeu mahamaha alodahi e bei denga huaala i lo te duu malaelae.

Matthew 14:31

De masavaa laa donu huu gai Iesu ga haalo ange dono lima ga poo Peter, ga hai ange gi de ia, “E damaa mee mmao doo gai. Gu aha gu lua lodo ai naa goe?”

Matthew 16:8

Aagai Iesu gu iloo e ia alaadeu maanadu, gai ia ga hai ange, “Goodou ni dangada e vaaligiligi oodou kai, gu aha gu pasa ai naa goodou i teai oodou pelaoaa?

Matthew 17:17

Gai Iesu ne basa ange ga hai ange, “Goodou se atangada e dee hagadonusia ma de baubau, dee hee maa taulooloa dogu noho i oodou daha? Gai dee hee maa taulooloa de golomagi ogu lodo i goodou? Dagina mai ia gi ogu daha.”

Matthew 17:20

Ia ne hai ange gi gilaadeu, “Go hiidinga de kona de vaaligiligi oodou kai. Ni muna abodonu aagu e hai adu nei gi goodou, noo oodou kai e vaaligiligi bei de golee o de mustard, gai goodou e maua i de hai ange gi de mounga nei, ‘Ngalue gee mai i kinei hannoo gi kilaa!’, gai e ngalue donu. E deai donu se mee daudahi oodou e dee maua i de hai! [

Matthew 6:30

Aagai noo de Maadua e hakahu danuaa denga helii i lo te duu malaelae, go mee e ssomo laa ailaa nei, gai daiao gu tili ange gi lo te ahi, aagai e dee kii ange naa donu dana hakahu goodou — goodou de gau vaaligiligi oodou kai?

Matthew 8:26

Iesu ne hai ange gi gilaadeu, “Gu aha gu maatagu ai naa goodou? Oodou kai e vaaligiligi mmao!” Aagai ia ga hagasee de madangi ma de vai, gai gu malino ange hogi.

Luke 8:25

Ia ne hai ange hogi gi ana dangada agoago, “I hee ai oodou kai?” Gai gilaadeu gu llele mouli ma de maatagu ga hagataba i olaadeu magavaa, “Goai taane nei? Ia ne hagasee de madangi ma beau gai gilaau gu hagallongo ange gi de ia!”

Hebrews 6:7

Gai de gelegele e dee modu de hagamaluulu i de langi e pala iho laa gi ono elunga, ma de ssomo ai manu e haigamaiana ange gi gilaadeu ne dooa, e hagamanuuia i daho de Maadua.

1 Peter 1:24

go hiidinga, “Dangada alodahi e bei dagodo o denga helii, olaadeu mahamaha alodahi e bei huaala o denga helii; denga helii e mmae, gai denga huaala e malili,