Luke 12:20 - De Beebaa Dabu

²⁰ Aagai de Maadua ga hai ange gi de ia, ‘Taane lodo senga! Aaboo nei gai au ga kave nei doo mouli, gai goai ai naa e hagadanuaa i mee aau gu hagadabena adu naa gi de goe?’

Luke 12:20 Iomraidhean Croise

Esther 5:11

ga tala hagasoenga ange gi gilaadeu dagodo o dono lava, ma de soa ana dama, aama de hagaamua a de hodooligi ia, ma de hai ia gi maolunga ange i denga dagi o de henua ma de gau hai hegau o de hodooligi.

De Beebaa go Job 27:8

Gai e dahi naa donu tali a tangada baubau i de masavaa a de Maadua e hagalilo ai ia, ma de kave dono mouli?

Psalm 39:6

Ni muna abodonu, tangada e seesee saele bei dagodo o dahi goohunga; ni muna abodonu, ana hegau e deai donu haigamaiana; ia e hagabudu goloa lagolago, gai ia e dee iloo be goai e mee ai.

Psalm 49:10

Gai ia e gidee bolo tangada heiangi e magau, gai e bei ai hogi tangada lodo senga ma tangada e deai ana mee e iloo, gai gilaau e dugu ange olaau goloa lagolago gi hanu dangada gee.

Psalm 73:19

Gai ne daa hagalele donu delaadeu maakau, ma de gaavee gee alodahi i de mee hagamaakau!

Psalm 78:30

Gai mua delaadeu gaimee ga boobosu, ma de masavaa olaadeu goi gaimee ai,

Proverbs 10:2

Goloa hagamogomogo e maua laa i de mee dee heohi e deai donu ono haigamaiana, aagai de mee heohi e hagaola mai i de magau.

Proverbs 11:4

Goloa lagolago e deai ono haigamaiana i de laangi o de bole, aagai de mee heohi e hagaola tangada mai i de magau.

Proverbs 13:7

Dahi dangada e hai bolo ia se dangada lava, aagai e deai donu ana mee; gai dahi e hai bolo ia e hagaau aloha, aagai e lagolago donu ono goloa.

Proverbs 27:1

Aude basa hagasoenga i dagodo o daiao, go hiidinga koe e dee iloo be ni aha e hai i dahi laangi.

Proverbs 28:8

Tangada e haia dangada gi hagao dahi mee laa honga mee aama mee gaavange gi kii ange ai dono lava, e hagabudu naa donu huu mee laa ga dugu ange gi dahi dangada gee, go tangada e ngadi gaavange mee gi de gau hagaau aloha.

Isaiah 56:12

Gilaadeu e hagataba, “Loomai, gidaadeu ga gaamai uvaini! Gidaadeu ga unu gi ssenga i mee mmahi! Gai daiao gidaadeu ga aahe ange hogi e hai mee mau, aabe e hai gi dubu ange i mee anailaa nei.”

Jeremiah 17:11

Tangada e hagaduulia dono lava i hegau dee heohi, e bei dagodo o de manu lele go de partridge e baalasi laa ga masae denga ngago aana tee haanau. Gai de masavaa oona goi mmahi ai, gai gilaadeu ga tili ia, gai dono hagaodi e bei dagodo o tangada lodo senga.

Amos 6:13

goodou e malangilangi laa i de hagadee kii ina o Lo Debar, ma de hagataba, “E aha, e dee go omaadeu mahi amaadeu ne hagadee kii ai Karnaim?”

Nahum 1:10

Gilaadeu e vinia naa i magavaa manu daladala, bei de gau ssenga e unumia laa uvaini; gilaadeu e dudu naa donu ga odi, bei denga helii mmasa.

Luke 11:40

Goodou ni dangada llodo ssenga! E dee go de Maadua ne haia ngaadahi oodou lodo ma oodou angaanga?

1 Thessalonians 5:3

De masavaa a dangada e hagataba ai, “Gu nnoho paba dangada ma tee manavasaa,” gai gu moolau donu de dae mai de hagaduasala, bei dagodo o de hai hagalangona o de hine gu dai haanau, aagai e deai donu e maua i de saavini e hulo gee.

1 Timothy 6:17

Aagai koe daalaa ange gi de gau lava o henua i lalo, gilaadeu gi dee llodo maolunga aabe gi tali hagalodolodo ange gi de lava e dee maua laa gi dagodo daulooloa, aagai gi haia go de Maadua delaadeu tali hagalodolodo, go de ia e gaamai mee alodahi odaadeu e mouli ai ma de malangilangi ai.

1 Timothy 6:7

go hiidinga teai donu adaadeu mee ne gaamai gi henua i lalo madali gidaadeu, gai gidaadeu e dee maua naa hogi i de kave hanu mee e hulo gee mai ai i henua i lalo.

James 4:14

Gai goodou e dee iloo donu be ni aha e hai daiao. Aahee dagodo o oodou mouli? Oodou mouli e bei dagodo o de mama o vai e hanage laa i dahi masavaa bodobodo gai e moolau donu de lilo.