Luke 12:14 - De Beebaa Dabu

¹⁴ Iesu ne hai ange gi de ia, “Taane nei, goai ne haia ngau gi se dangada hagamodu muna aabe se dangada e vaaea ooluu mee ma doo daina?”

Luke 12:14 Iomraidhean Croise

Exodus 2:14

Gai taane laa ga ssili ange gi de ia, “Goai ne gaavadu gi de goe ssauaa e hagamodu ai amaadeu mee e hai? Gai koe ga daa naa hogi au gi magau, bei dau hai ne hai ai taane Egypt anaahi?” Gai Moses gu madagu, ga hagadaba i ono lodo, “Dangada gu iloo donu agu mee ne hai!”

Micah 6:8

Koe tangada, ia gu hagaago adu gi de goe de mee danuaa, gai se aha a Tagi Maolunga e lodo koe gi haia? E dee go de hai hegau i de mee heohi, ma de lodo aloha, aama de seesee i de lodo maolalo madali doo Maadua?

Luke 12:13

Dahi dangada i magavaa o dangada ne hai ange gi Iesu, “Tangada Agoago, hai ange gi dogu daina daane gi vaaea gimaau i mee a demaau damana.”

Luke 22:58

Muli mai ange gai dahi dangada ne gidee hogi ia, ga hai ange, “Koe se dangada donu hogi madali gilaadeu!” Aagai Peter ga hai ange, “Taane nei, e deai!”

Luke 5:20

Gai ga gidee huu e Iesu dagodo olaadeu kai, gai ia ga hai ange gi taane laa, “Taane nei, gu maatala oo haisala.”

John 6:15

Gai ga iloo huu e Iesu bolo dangada gu paba ange e loomai e hai gi de mahi ia, e hai ai delaadeu hodooligi, gai ia ga hagalilo ange hogi ga hanage sogosogo gi de mounga.

John 8:11

Gai de hine laa ne hai ange, “Tangada aamua, teai donu.” Iesu ne hai ange gi de ia, “Au e dee buu adu hogi ssala gi de goe. Hannoo, gai koe aude ahe ange gi haisala.”]

Romans 2:1

Deenei ai, koe, tangada e hagabaubau ina laa tangada ange laa, koe e deai donu soo heohi e hagabaubau ai dahi dangada. Koe e hagaduasala naa donu i dau hagabaubau dahi dangada, aagai koe e haisala hogi i mee nei.

Romans 2:3

Gai koe, tangada e hagabaubau ina gilaadeu e haia hegau bee nei, aagai koe e hai donu hogi mee nei, koe e maanadu naa bolo koe e maua gi ola mai i de hagaduasala a de Maadua?

Romans 9:20

Koe se dangada, gai go koe goai, gai koe ga tugi ange ai muna a de Maadua? E maua e de gumedi hadu i de hai ange gi tangada hai gumedi, “Gu aha goe gu hai ai nei au gi dagodo bee nei?”