Luke 12:13 - De Beebaa Dabu

¹³ Dahi dangada i magavaa o dangada ne hai ange gi Iesu, “Tangada Agoago, hai ange gi dogu daina daane gi vaaea gimaau i mee a demaau damana.”

Luke 12:13 Iomraidhean Croise

Psalm 17:14

Tagi Maolunga, hagaola ina ngau mai i de gau bee nei, ma mai i dangada o henua i lalo nei, go gilaadeu e kave olaadeu hagaoanga i de mouli nei. Gai koe gaavange gi gilaadeu de hagaduasala aau gu hagadabena ange gi gilaadeu; alaadeu dama e duadonu, gai gilaadeu e dugu ange olaadeu goloa lagolago gi alaadeu dama.

Ezekiel 33:31

Gilaadeu e loomai gi oo daha, bei alaadeu mee e hai i de laa tubua. Gilaadeu e loomai ga nnoho i oo mada i mua ga hagallongo ai au muna e tala, aagai gilaadeu e dee hai hegau ai donu. Gilaadeu e tala bolo gilaadeu e aaloha, aagai olaadeu lodo e hoohonu i de nnoo hagamau mee.

Luke 12:12

Go hiidinga de Hagasaalunga Dabu e gaavadu naa donu gi goodou mee e heohi doodou tala i de aoaa laa donu huu.”

Luke 12:14

Iesu ne hai ange gi de ia, “Taane nei, goai ne haia ngau gi se dangada hagamodu muna aabe se dangada e vaaea ooluu mee ma doo daina?”

Luke 6:45

Tangada danuaa e hai tanuaa i hiidinga ono lodo e honu i tanuaa, gai tangada baubau e hai de baubau i hiidinga ono lodo e honu i de baubau. Gai muna a tangada e hagaago mai donu mee i ono lodo.

1 Timothy 6:5

ma tee heloongoi magavaa de gau maanadu baubau, e dee iloo laa e gilaadeu de muna abodonu. Gilaadeu e maanadu bolo alaadeu hai daumaha e hai ga maua e gilaadeu sseene lagolago.