Luke 11:44 - De Beebaa Dabu

⁴⁴ E vakaa naa goodou! Go hiidinga goodou e bei dagodo o denga daanunga e dee gidee laa e dangada, gai dangada e dee iloo bolo gilaadeu e seesee i olaadeu elunga.”

Luke 11:44 Iomraidhean Croise

Psalm 5:9

E deai se gilaadeu e maua i de tala de muna abodonu, gilaadeu e maanadu donu huu de daa dangada. Olaadeu holomanga e bei taanunga e mahuge laa; gilaadeu e hagasegesege ange i alaadeu muna.

Ezekiel 39:15

Gai de masavaa olaadeu e hagadaga saele ai i honga de henua, gai tangada naa huu e gidee hanu ivi, gai ia e hai naa dahi hagailonga ga hagaduu i kilaa, ga dae ai gi de masavaa a dangada e danumia dangada, e danu ai ivi laa i lo te Geelonga o Hamon Gog,

Hosea 9:8

De pelaabisi, go de ia dagitilo o Ephraim madali dogu Maadua, gai sele e dada ai ia gu dugu i honga ono haiava alodahi, gai de hagadau kino gu dagodo i lo te hale o dono Maadua.

Numbers 19:16

Gai be goai e poo ange gi tangada gu daia ma gu magau i de gadilaasa i lo te duu malaelae, be se dangada ne magau donu huu i de ia, be go ivi o dahi dangada magau, aabe go dahi daanunga, gai ia e dee gilimalali i e hidu laangi.

Matthew 13:32

De golee laa e damaa mee ange i denga golee alodahi, aagai de masavaa huu ne somo age ai, gai gu laumalie ange i denga manu ssomo ange laa, gai denga manu llele ga loomai ga hai olaadeu hoohanga i honga ono laa.”

Acts 23:3

Gai a Paul ne hai ange gi de ia, “De Maadua gi hagailihia hogi goe! Koe e bei donu dagodo o de buibui gu lebu tea laa! Koe e noho ma e hagamodu ogu muna i de hainga, gai koe e oha hogi de hainga, i dau hai gilaadeu gi hagailihia dogu ngudu!”