Luke 11:34 - De Beebaa Dabu

³⁴ De ganomada go de laama o de angaanga; ga danuaa naa huu doo ganomada gai doo angaanga alodahi gu maalama; aagai ga magi naa huu doo ganomada gai doo angaanga alodahi e gohu.

Luke 11:34 Iomraidhean Croise

Genesis 19:11

Gai gilaau ga hai gu dee kide denga daane i tua de haitoga o de hale, mai i tama daane ga dae ai gi taane madua, gai gilaadeu ne hagammahi ga haahaa saele e ssala de haitoga.

Psalm 119:18

Koe gi huugea luoogu ganomada, gi donu ange ai au gi mee hagalele mouli i lodo au hainga.

Psalm 81:12

Deelaa ai, au e dugu ange naa gilaadeu gi daudali i alaadeu hagasaele hagamaolunga.

Proverbs 21:4

Luu mada hagamaolunga ma de lodo maolunga go de laama a tangada baubau, gai e haisala donu.

Proverbs 28:22

Tangada gailalopoli e kona de lodo gi moolau dono lava, gai ia e dee iloo bolo ia e duu ange naa donu gi tuasala.

Isaiah 29:10

Tagi Maolunga gu hai goodou gi bei tangada seni magau: ia gu haoli oodou ganomada (bei denga pelaabisi), ia gu haoli oodou biho (bei dangada e daalaa mee e loomai).

Isaiah 42:19

Goai e dee gide, e dee go dogu dangada hai hegau? Gai goai e longoduli bei tangada hagailoo aagu ne hai gi hano? Goai e dee gide bei tangada gu vvae mai gi de au, ma tee gide bei tangada hai hegau o Tagi Maolunga?

Isaiah 44:18

Gilaadeu e haia mee nei e dee tonu ange; gai de Maadua gu pono olaadeu ganomada, gi dee gidee ai e gilaadeu, gai alaadeu maanadu gu pono hogi, gi dee tonu ange ai gilaadeu.

Isaiah 5:20

E vakaa naa gilaadeu e daalaa bolo de baubau go tanuaa, gai tanuaa go de baubau, gilaadeu e tala bolo de gohu go de maalama gai de maalama go de gohu, gai gilaadeu e tala bolo de mee mmala e mee maimai, gai de mee maimai e mmala.

Isaiah 6:10

Hagamakaga ina lodo o de huaadangada nei, haia olaadeu dalinga gi longoduli, gai haia olaadeu ganomada gi dee kide. Kana gidee e gilaadeu i olaadeu ganomada ma de langona i olaadeu dalinga, gai gilaadeu gu tonu ange i olaadeu lodo, ga daahuli olaadeu lodo, gai gilaadeu gu ieiangi.”

Jeremiah 5:21

Goodou hagalaangona muna nei, e de gau llodo ssenga ma de ssenga, goodou e hanu oodou ganomada, aagai e dee gidee, goodou e hanu oodou dalinga, aagai e dee langona.

Mark 4:12

‘gi gidee ai e gilaadeu gai e dee madea; gai gi langona ai e gilaadeu, gai e dee tonu ange aagena, gi dee daahuli ai olaadeu lodo gai de Maadua ga degi ange gi olaadeu haisala.’ ”

Mark 7:22

ma de nnoo hagamau mee, ma de baubau laumalie, ma de hadu muna, ma dahulinga hakino gee, ma de magiaa, ma de hai samu, ma de lodo maolunga, aama de lodo senga.

Mark 8:18

E hanu oodou ganomada, gai goodou e dee gidee? E hanu oodou dalinga gai goodou e dee langona? Goodou gu ngalo naa donu,

Luke 11:35

Gai goodou dagidiiloo gi dee hagagohu de maalama i oodou lodo.

Acts 13:11

Iainei gai de lima o Tagi Maolunga gu hai baasi adu gi de goe. Koe e dee gide naa i hanu laangi.” De masavaa laa donu huu gai gu hano iho de gohu gi ono elunga; gai ia ga hano ga haahaa saele dahi dangada gi boogia dono lima gi dagina ai ia.

Acts 2:46

Laangi alodahi gilaadeu e hagabuni i de temple i de lodo daudahi, ma de hagabuni ga gaimee i olaadeu hale ma de malangilangi aama de hagadau abodonu,

Acts 26:18

gi maahuge ai olaadeu mada, ma de hulo gee i de gohu ga daudali i de maalama, aama de hulo gee mai i lalo ssauaa o Satan ga daudali ange i de Maadua, gai ia ga degi ange ai gi olaadeu haisala gai gilaadeu gu dau madali gilaadeu gu vvae gee i de kai i ogu lodo.’

2 Corinthians 1:12

Gai deenei demaau mee e tala tuhi ai, ma de tala hagadonu o tagi i omaau lodo: bolo gimaau ne hai hegau i de mee heohi i henua i lalo ma adu hogi gi goodou, i de lodo se muna abodonu, gai e dee se mee ne hai i de heiangi o henua i lalo, aagai mai i de abodonu o de Maadua.

2 Corinthians 11:3

Aagai au e manavasaa kana hagasengalia goodou, bei de hai a de labodo ne daahanga ai laa Eve i dono heiangi vaivai dagodo, gai oodou lodo abodonu ma de gilimalali ga daahuli gee i Klisdo.

2 Corinthians 4:4

Gai de maadua o henua i lalo nei gu lava i de hai gi dee kide lodo o dangada e dee hagadonusia, gi dee gidee ai e gilaadeu de maalama o de longo danuaa ma de mahamaha o Klisdo, go ia de hagadulagi o de Maadua.

Ephesians 1:17

Au e dalodalo ange gi de Maadua o Iesu Klisdo taadeu Dagi Maolunga, Tamana o de mahamaha, ia gi gaavadu gi goodou de Hagasaalunga o de heiangi ma de hagaago adu gi iloo e goodou ono dagodo,

Ephesians 6:5

De gau hai hegau, goodou hagallongo ange gi oodou dangada aamua i henua i lalo nei, i de maatagu ma de bolebole, i de lodo se muna abodonu, bei doodou hagallongo ange gi Klisdo.

Colossians 3:22

De gau hai hegau, goodou hagallongo ange gi oodou dangada aamua i mee alodahi. Gai goodou gi dee hagallongo ange donu huu i de masavaa alaadeu e gidee ai goodou, gi malangilangi ai gilaadeu i goodou, aagai goodou hai hegau i de lodo se muna abodonu i doodou maatagu i Tagi Maolunga.