Luke 10:31 - De Beebaa Dabu

³¹ Gai dahi dangada haimeedabu ne humai hogi i de haiava mau, ga gidee e ia taane laa, gai ia ga daa gi de baasi gee de haiava ga hano ai.

Luke 10:31 Iomraidhean Croise

2 Samuel 1:6

Tama daane laa ne tala ange gi de ia, ga hai ange, “Au nogo i honga de mounga go Gilboa, gai au ne gidee a Saul gu baguu ange gi honga dono dao, gai denga hada hebagi ma gilaadeu e saavini gu paa mai donu gi dono mommee iai laa.

Psalm 142:4

Galo ange gi dogu madau ma gi diiloo, gu deai donu dangada e kalo mai gi de au. Gu deai sogu mommee e buibui ai, gu deai donu dangada e aloha mai gi de au.

Psalm 69:20

Au gu kona mmao de mmae ogu lodo i dogu hagadogaa ina, gai au gu dee baba ogu lodo. Au ne ssala dahi gi lodo aloha mai gi de au, aagai au tee gidee dahi dangada daudahi; au ne ssala dahi dangada gi hagaaneane ina ogu lodo, gai au tee gidee dahi dangada daudahi.

Proverbs 21:13

Be goai e bonodia luoono dalinga, i de masavaa o de gau hagaau aloha e tangi ai, gai e deai naa hogi dangada e balea ange ia, i de masavaa oona e dangi ai.

Ecclesiastes 9:11

Au ne gidee ange dahi mee i lalo de laa: de saavini houhou e dee se mee ange donu huu gi tangada gemo, taua e dee se mee ange donu huu gi tangada mmahi; denga gai e dee ni mee ange donu huu gi tangada heiangi, gai de lava e dee se mee ange donu huu gi tangada iloo mee, gai de abodonu e dee se mee ange donu huu gi tangada gu agoagona; aagai de masavaa ma mee e hai ni mee ange gi gilaadeu alodahi.

Isaiah 58:7

E aha, e dee go dau duha ange au gai gi gilaadeu e hiikai, ma de gaavange dahi mommee moo tangada e deai sono hale — ma de hakahu tangada e deai ono malo, i de masavaa aau e gidee ai dono gilisau, gai koe e dee hano e mmuni e dee bale ange doo dangada donu?

Jeremiah 5:31

denga pelaabisi e hadu muna i delaadeu pasa pelaabisi, gai de gau haimeedabu e dagi i olaadeu sauaa donu huu; gai ogu dangada e malangilangi donu i mee nei! Aagai ni aha naa oodou ga hai i dua mee nei?

Hosea 5:1

De gau haimeedabu, nnoho mai hagalaangona muna nei! Dangada o Israel, goodou nnoho mai hagalaangona! Huaabodu o denga hodooligi, nnoho mai hagalaangona! De hagaduasala nei e hai adu donu gi goodou; go hiidinga goodou ne hagasengalia i Mizpah, gai dahi sele gu doha i honga de mounga go Tabor.

Hosea 6:9

De gau haimeedabu soa gu bei de gau daa dangada e mmuni laa ma e tali, e daa gi magau tangada i honga de haiava e hano laa gi Shechem, gilaadeu se hagabau donu e hai hegau baubau nei.

Malachi 1:10

Mee naa dahi goodou gi bonodia denga abaaba o de temple, gi dee duungia ai e goodou denga ahi dee haigamaiana naa i honga dagu mommee o ssigidaumaha! Au e dee malangilangi i goodou, go Tagi o denga hagabuulinga hebagi e hagadaba, gai au e dee kave naa donu oodou sigidaumaha e gaamai.

Luke 10:30

Iesu ne hai ange gi de ia, “E dahi daane ne humai i Jerusalem e hano gi Jericho, gai de gau gaiaa ne daa ia gu dai magau ga hagaui ono malo, ga tili ia i kilaa gai ga saavini ga hulo gee.

Luke 10:32

Aagai e bei ai hogi dahi dangada de aamuli o Levi, de masavaa huu oona ne humai ai laa kilaa ga gidee e ia taane laa, gai ia ga daa hogi gi de baasi gee de haiava ga hano ai.

Ruth 2:3

Gai ia ne hano gi lo te veelenga ga ogo ai denga huamanu, i dua o de gau hagihagi. Gai de mommee oona ne hano aagena go de veelenga a Boaz, ia se daane niio de huaabodu o Elimelek.