Luke 10:21 - De Beebaa Dabu

²¹ De masavaa laa gai Iesu ne malangilangi mmao i daho de Hagasaalunga Dabu, ga hagadaba, “Au e tuhi goe, Tamana, Tagi Maolunga o de langi ma henua i lalo, go hiidinga koe ne hagammuni mee nei i gilaadeu e heiangi ma de iloo mee, gai gu hagaago ange gi denga gauligi vaaligiligi. Uaa, Tamana, aanei donu oo lodo.

Luke 10:21 Iomraidhean Croise

Psalm 24:1

Henua i lalo ma mee alodahi iai nii Tagi Maolunga, ma honga henua ma dangada alodahi e nnoho ai;

Psalm 25:14

Tagi Maolunga e tala ange ono lodo gi gilaadeu e maatagu i de ia; ia e hai gi iloo e gilaadeu dana hagatoo donu hagaheloongoi.

Psalm 8:2

Koe gu hai denga gauligi vaaligiligi ma denga gaagaa gi daalaa dagodo oo mmahi, i hiidinga o dangada e kino i de goe, gi dee mmuu ai oo hagadaumee ma dangada e suuia ange de baubau.

Isaiah 29:14

Deenei ai, au e ahe ange naa e hai gi llele mouli de gau nei, i mee hagalele mouli lagolago; gai de iloo mee o de gau iloo mee e dee maaleva naa, gai de heiangi o de gau heiangi e lilo naa hogi.”

Isaiah 35:8

Gai e hai naa dahi haiava laumalie i kilaa, gai e hagaingoo ange naa go de Haiava Dabu. De gau hakino gee e dee maua donu i de seesee i de haiava laa, gai de haiava laa se mee ange gi gilaadeu e seesee ai, aagai de gau llodo senga e dee maua donu i de seesee i kilaa.

Isaiah 53:11

Gai ia e malangilangi naa i dana gidee hua o de hagaduasala o dono mouli, gai de iloo mee o dogu dangada hai hegau heohi e hai naa ga heohi dangada soa, gai ia e hagauda naa olaadeu baubau.

Isaiah 62:5

Dahi dama daane e hai bodu ange gi dahi damaa hine, gai e bei ai hogi au dama e hai bodu adu naa gi de goe. Gai de Maadua e malangilangi naa hogi i de goe, bei de malangilangi o tama daane i dono bodu.

Isaiah 66:1

E hagadaba Tagi Maolunga: “De langi go dogu nohoanga, gai henua i lalo go de mommee e dugu ange aagena luoogu vae. Gai i hee iai de hale oodou e hagaduu moogu? Gai i hee iai dogu mommee e hagamabu ai?

Zephaniah 3:17

Tagi Maolunga, doo Maadua e noho madali goe, gai e mmahi i de hagaola goe. Ia e malangilangi mmao donu i de goe, gai ia e hagaaneane naa goe i dono aloha; ia e malangilangi naa ma de daahili i oo hiidinga.”

Matthew 16:17

Iesu ne hai ange gi de ia, “Simon tama daane a Jonah, koe gu manuuia! Go hiidinga e dee go dangada ne hagaagona adu mee nei gi de goe, aagai go dogu Damana i de langi laa.

Matthew 21:16

gai gilaadeu ga hai ange gi de ia, “Koe e langona naa muna a dangada e tala laa?” Iesu ne hai ange gi gilaadeu, “Uaa, gai goodou tigi dau ange naa donu bolo e hai ange, ‘Koe gu hai denga gauligi ma gaagaa gi hevaalogi gi duuhia’?”

Matthew 3:7

Aagai de masavaa huu a John ne gidee ai denga Pharisee ma Sadducee gu loomai hogi e babudaisi i ono daha, gai ia ga hai ange gi gilaadeu, “Goodou dama a denga labodo hagammau, goai ne hai adu goodou gi hagaola ina goodou mai i de bole gu dai humai laa?

Mark 10:15

Ni muna abodonu aagu e hai adu nei gi goodou, be goai e dee gaavee de nohoanga hodooligi o de Maadua bei dagodo o tamaa gauligi, aagai ia e dee maua donu i de ulu ai.”

Luke 15:5

Gai de masavaa naa huu aana e gidee ai dana ssiibi, gai ia e hagauda ange naa gi honga dono eu gu lodo malangilangi,

Luke 15:9

Gai de masavaa naa huu aana e gidee ai tibaa selevaa laa, gai ia ga hagabuni ono soa ma gilaadeu e paa ange gi de ia, ga hai ange, ‘Goodou malangilangi madali au, au gu gidee tibaa selevaa aagu gu dee maleva laa!’

John 11:41

Gai hanu ga aau de hadu laa. Gai Iesu ga galo age gi de langi ga hai ange, “Tamana, au e hagaahe adu de abodonu gi de goe, go hiidinga koe e langona donu agu muna.

2 Corinthians 4:3

Gai noo de longo danuaa omaadeu e agoago ai nei e hagammuni, gai e hagammuni donu huu i gilaadeu e dee hagamouli.

Ephesians 1:11

Go ia odaadeu ne maua ai nei i de kave dahi boolonga, gai gu lava donu i de hagamodu i mua, bei dagodo de hagatau a de Maadua e hagahai hegau ina laa mee alodahi, gi bei dagodo o ono lodo,

Ephesians 1:5

Gai ia gu hagatau i mua e hai gidaadeu gi ni dama niiana, i dono aloha i gidaadeu, i hiidinga hegau a Iesu Klisdo, bei dagodo o dono malangilangi ma dono lodo —