Luke 10:19 - De Beebaa Dabu

¹⁹ Tilo, au ne gaavadu gi goodou ssauaa e dagadagahi ai denga labodo hagammau ma manu manga lua gi lalo oodou vae, aama ssauaa e mmahi ange laa i ssauaa o de ia hagabaubau, gai e deai donu se mee daudahi e maua i de hagammae goodou.

Luke 10:19 Iomraidhean Croise

2 Chronicles 10:11

Dogu damana ne hagauda adu gi goodou de laagau hagahai hegau daemaha, aagai au e hai naa gi kii ange de daemaha. Dogu damana ne hagailiili goodou i denga daula, aagai au e hagailiili naa goodou i denga manu manga lua!’ ”

Psalm 91:13

Koe e dagadagahi naa de laiono ma de labodo, ma de laiono mmahi aama de labodo hagammau gi lalo oodou vae.

Isaiah 11:8

De gaagaa goi unuunu laa e hagadaahao naa i ma te haonga o de labodo hagammau, gai tamaa gauligi gu dee unuunu laa e velo ange naa dono lima gi lo te haonga o de labodo gadigadi.

Ezekiel 2:6

Gai koe, tama a tangada, aude madagu i gilaadeu ma alaadeu muna, e dee galemu donu de duuli a denga manu duiduia ma manu daladala goe, ma doo noho i magavaa o denga manu manga lua. Gai koe aude madagu donu i alaadeu muna e tala adu gi de goe, aabe gi madagu i olaadeu mada, e dee galemu donu gilaadeu ni dangada hagamaanege.

Mark 16:18

gilaadeu e booboo naa denga labodo hagammau, ma de unu mee hagammau, gai mee nei e dee maua donu i de hagammae gilaadeu; gilaadeu e dugu ange naa olaadeu lima gi honga o denga magi, gai gilaadeu e ieiangi donu.”

Luke 11:12

Aabe dana dama e dangidangi ange i dahi ngago, gai ia ga gaavange gi de ia dahi manu manga lua?

Acts 28:5

Gai a Paul ga luuluu de labodo laa gu doo ange gi lo te ahi. Gai ia tee beaha donu.

Romans 16:20

De Maadua o de baba e moolau naa donu dana dagadagahi Satan gi lalo luoono vae. De abodonu o Iesu Klisdo taadeu Dagi Maolunga gi dagodo i oodou daha.

Revelation 11:5

Gai noo hanu e hagatale de hagalagolagohia gilaau, gai de ahi ga sao mai i lodo olaau ngudu ga daa gu maakau dangada e hai baasi ange gi gilaau. Gai deenei de hai e daa ai gi magau tangada e lodo e hagalagolagohia gilaau.