Luke 10:15 - De Beebaa Dabu

¹⁵ Gai koe, Capernaum! Koe gu hai gi maolunga goe bei de maolunga o de langi? Gai koe e tili iho naa donu gi Hades.

Luke 10:15 Iomraidhean Croise

Genesis 11:4

Gai gilaadeu ga hagataba, “Loomai, gidaadeu ga hagaduu dahi aduhale moodaadeu, ma dahi hale maolunga, ga hai de ulu gi dae age gi lo te langi i lunga, gai gi duuhia ai e dangada gidaadeu, gai gi dee mavaevae saele ai gidaadeu i henua i lalo.”

Isaiah 5:14

Deelaa ai, de mommee o de gau maakau gu hhanga dono ngudu ma gu laumalie, e holo ai de gau maolunga o Jerusalem ma ono hagabuulinga soa, aama alodahi e daonga ma de hagalongaa i kilaa.

Jeremiah 51:53

Gai ga dae age naa donu Babylon gi de langi, ma de hai ga makaga dono mommee buibui maolunga iai, aagai au e hai naa gi loomai de gau oha gi hebagi ange gi de ia, go Tagi Maolunga e hagadaba.

Ezekiel 26:20

gai au e tili iho naa goe madali gilaadeu e loiho laa, gi de mommee o de gau maakau, go de mommee o de gau madagidagi iai. Au e hai naa goe gi noho i lalo de henua, i denga mommee gu maoha laa madagidagi, madali gilaadeu gu loiho laa gi lo te geelonga. Gai e deai naa donu dangada e nnoho i doo henua, gai koe e dee ahe mai naa donu, aabe e kave dahi mommee i de henua madali dangada e mouli laa.

Ezekiel 31:18

Gai gu dahi ange laa manu somo o Eden, e bei dagodo o doo mahamaha aama doo maolunga? Koe e hano iho naa donu madali denga manu ssomo o Eden, gi de mommee o de gau maakau; koe e dagodo naa madali dangada tigi tuu dagaholiage, ma gilaadeu ne daia laa ga maakau i de gadilaasa. Aanei dagodo o Pharaoh ma ono hagabuulinga hebagi soa, go de Ia Aamua go Iahweh e hagadaba.”

Ezekiel 32:18

“Tama a tangada, oo ma gi dangi i hiidinga o dangada soa o Egypt, haia ono dangada gi hulo gi de mommee o de gau maakau, madali dangada i denga huaahenua mmahi; gilaadeu gi hulo gi daho dangada gu loiho laa gi lo te geelonga laa:

Ezekiel 32:20

Gilaadeu gu maakau naa madali dangada gu daia ga maakau i de gadilaasa. De gadilaasa gu hagaabo; dugua ia gi gaavee madali ono dangada soa alodahi.

Ezekiel 32:27

E aha, gilaadeu e tee danu madali denga daane hebagi tee tuu dagaholiage, gilaadeu ne danu ma olaadeu goloa hebagi, gai e ulunga ange gi alaadeu gadilaasa? Gai olaadeu haisala e haoli olaadeu ivi; e dee galemu donu denga daane hebagi nei ne hagamaatagu hogi de henua o dangada e mouli laa.

Obadiah 1:4

Gai e dee galemu naa donu doo lele ga maolunga bei de igele, ma de hai doo hoohanga i magavaa o denga heduu, gai au e tili iho naa donu goe gi lalo, go Tagi Maolunga e hagadaba.

Matthew 10:28

Goodou gi dee maatagu i gilaadeu e daia ga magau de angaanga nei, aagai e dee maua e gilaadeu i de daa gi magau de hagasaalunga. Gai goodou gi maatagu i de Maadua, go de ia e maua i de daa ngaadahi de hagasaalunga ma de angaanga i de ahi.

Matthew 11:23

Gai koe, Capernaum, koe e hai naa gi maolunga goe bei de maolunga o de langi? Gai koe e tili iho naa donu gi Hades! Go hiidinga noo denga sauaa ne hai i oo daha ne hai i Sodom, gai goi duu donu huu ga dae mai ai gi anailaa nei.

Matthew 4:13

Ia ne hano gee hogi i Nazareth ga noho i Capernaum, se aduhale i gaogao de vai, i de vaaenga o Zebulun ma Naphtali,

Luke 13:28

Gai goodou e tangi naa ma de hagaida oodou gauvae, i doodou gide Abraham, ma Isaac, ma Jacob, aama denga pelaabisi alodahi e nnoho i de nohoanga hodooligi o de Maadua, gai goodou gu tili gi duaahaho!

Luke 16:23

aagai ia ne galo age i lo te ahi, i de masavaa oona e hagammae ai, gai ia gu gidee Abraham i de mommee mmao ma Lazarus i dono gaogao.

Deuteronomy 1:28

Gai go hee odaadeu e hulo aagena? Odaadeu daina gu hai gi manavasaa odaadeu lodo, i delaadeu hai mai, ‘Dangada i kilaa e mmahi ange ma de lloa ange i gidaadeu, gai olaadeu aduhale e nnui, gai buibui o olaadeu aduhale e hulo ma e tae gi de langi. Gimaadeu ne gidee hogi de gau Anak i kilaa.’ ”

2 Peter 2:4

Gai noo de Maadua tee hagaola de gau de langi i de masavaa olaadeu ne haisala ai, aagai ne tili ange gilaadeu gi lo te ahi o Gehenna, ma de noonooa gilaadeu ga dugu i lo te geelonga gohu ga dae mai ai de masavaa hagamodu muna;