Luke 1:8 - De Beebaa Dabu

⁸ Gai de masavaa a Zechariah e hai ai hegau a tangada haimeedabu i mada luu mada o de Maadua, i laangi o dono hagabuulinga e hai hegau ai,

Luke 1:8 Iomraidhean Croise

1 Chronicles 24:19

Aanei olaadeu hagabuulinga hai hegau i de masavaa olaadeu e ulu ai i de hale o Tagi Maolunga, bei dagodo o denga hainga gu hagamodu ange ai gi gilaadeu i daho delaadeu dubuna go Aaron, bei de hai a Tagi Maolunga, de Maadua o Israel gu tala ange ai gi de ia.

1 Chronicles 24:2

Aagai Nadab ma Abihu ne maakau i mua o delaau damana, gai teai donu alaau dama daane; gai Eleazar ma Ithamar ne sui gilaau ga hai ai hegau a de gau haimeedabu.

2 Chronicles 11:14

Gai dangada de aamuli o Levi ne tili olaadeu mommee iai helii ma olaadeu gelegele, ga loomai ga nnoho i Judah ma Jerusalem, go hiidinga Jeroboam ma ana dama daane tee dugu ange gilaadeu gi haia hegau a de gau haimeedabu o Tagi Maolunga,

2 Chronicles 31:19

Gai de gau haimeedabu, go hagadiilinga o Aaron gu nnoho laa i mommee iai veelenga i luu baasi olaadeu aduhale, ma denga aduhale ange laa, ni daane gu hili gi duuhaa ange gai a denga daane alodahi i olaadeu magavaa, aama gilaadeu alodahi gu sisi olaadeu ingoo madali denga atangada o de aamuli o Levi.

2 Chronicles 31:2

Gai Hezekiah ga hili denga hagabuulinga o de gau haimeedabu ma de aamuli o Levi — go gilaadeu e haia hegau a de gau haimeedabu ma hegau a denga daane de aamuli o Levi — e hai ai denga sigidaumaha dudu ma sigidaumaha hagadanuaa magavaa, ma de hai alaadeu hegau, ma de daahili ga hagaahe ange de abodonu aama de tuhi i de mommee noho gaainga o Tagi Maolunga.

2 Chronicles 8:14

Ia ne hili hogi denga hagabuulinga o de gau haimeedabu gi haia alaadeu hegau, bei dagodo muna a dono damana go David, gai denga daane de aamuli o Levi gi haia denga daahili, ma de bale ange de gau haimeedabu i hegau e hai i de laa tubua. Ia ne hili hogi denga hagabuulinga e hagaloosi ina denga haitoga, go hiidinga deelaa de hai a David taane o de Maadua gu tala ange ai.

Ezra 6:18

Gai gilaadeu ne vaevae de gau haimeedabu ma de aamuli o Levi i olaadeu hagabuulinga, ange gi hegau a de Maadua i Jerusalem, bei de hai gu sisi ai laa i lodo beebaa a Moses.

Exodus 28:1

“Gai koe ga gaamai doo daina go Aaron ma ana dama daane, go Nadab, ma Abihu, ma Eleazar, aama Ithamar; ga vvae gee gilaadeu mai i de gau Israel, ga hai gilaadeu gi ni gau haimeedabu e hai hegau mai ai gi de au.

Exodus 28:41

Gai koe ga hakahu ange doo daina go Aaron ma ana dama daane, ga hagasulu gilaadeu i de lolo ma de hagadabu gilaadeu e hai ai de gau haimeedabu, gai gilaadeu ga hai hegau mai ai gi de au i hegau a de gau haimeedabu.

Exodus 29:1

“Gai deenei dau hai e hagadabu ai gilaadeu e haia hegau a de gau haimeedabu. Gaavee dahi kaau daane ma e lua ssiibi daane e deai mee baubau i olaadeu angaanga,

Exodus 29:44

Gai au ga hagadabu ai de hale malo hagabuni ma de mommee o ssigidaumaha, ma de hagadabu ai Aaron ma ana dama daane gi ni dangada haimeedabu, gai gilaadeu ga hai hegau mai gi de au.

Exodus 29:9

ga noonooa olaadeu ungaalodo i mee noonooa, ma de noonooa ange denga goobai gi honga olaadeu biho. Gai gilaadeu ga hai ai hegau a tangada haimeedabu ga hano ai. Deenei dau hai e hagadabu ai Aaron ma ana dama daane.

Exodus 30:30

Gai koe ga hagasulu Aaron ma ana dama daane i de lolo, ga hagadabu gilaadeu, gai gilaadeu ga hai hegau mai ai gi de au i hegau a de gau haimeedabu.

Numbers 18:7

Gai goodou ma au dama daane e hai hegau a tangada haimeedabu, i de mommee o ssigidaumaha ma lo te Aabi Dabu mmao. Au gu gaavadu gi goodou hegau a tangada haimeedabu. Aagai be goai ange naa huu e humai e hagapaa ange gi de mommee dabu, gai e daa donu gi magau.”

Luke 1:5

De masavaa o Herod e hodooligi ai i Judea, gai e dahi daane haimeedabu i kilaa, dono ingoo go Zechariah. Ia se daane e dau i de hagabuulinga o Abijah, gai ia ne hai bodu ange gi dahi damaa hine mai i de aamuli o Aaron, dono ingoo go Elizabeth.

Luke 1:7

Aagai e deai selaau dama, go hiidinga Elizabeth se hine dee hua, gai gilaau ngaadahi gu madumaatua.