Luke 1:76 - De Beebaa Dabu

⁷⁶ Gai koe, dagu gaagaa, e hagabinga naa bolo se pelaabisi niio de Ia Maolunga Mmao laa; gai koe e hano naa i mada i mua o Tagi Maolunga e hagadabena ai ono haiava;

Luke 1:76 Iomraidhean Croise

Psalm 87:5

Gai dangada e hagataba naa i dagodo o Zion, “Tangada nei ma tangada laa ne haanau i lo te aduhale;” go de Ia Maolunga Mmao laa e hagaduulia gi makaga de aduhale laa.

Malachi 3:1

“Tilo, au e hai gi hano dogu dangada hagailoo, gai ia ga hagadabena ai de haiava i ogu mada i mua. Gai de Ia Aamua oodou e tali naa e daa hagalele naa donu de humai gi dono temple; gai tangada hagailoo o de hagatoo donu hagaheloongoi oodou e malangilangi ai naa e humai naa donu,” go Tagi o denga hagabuulinga hebagi e hagadaba.

Malachi 4:5

Tilo, au e hai gi hanadu de pelaabisi go Elijah gi oodou daha, i mua de dae mai o de laangi maolunga, ma de hagamaatagu o Tagi Maolunga.

Matthew 14:5

Gai Herod ne lodo e daa John gi magau, gai ia ne madagu i dangada, go hiidinga gilaadeu e hagataba bolo John se pelaabisi.

Matthew 21:26

Aagai noo gidaadeu e hai ange, ‘Se mee mai i daho dangada,’ gai gidaadeu e maatagu i hagabuulingaa dangada soa nei, go hiidinga gilaadeu alodahi e hagataba bolo a John se pelaabisi.”

Matthew 3:11

Au e babudaisi goodou i vai i de daahuli oodou lodo, gai de ia e humai i ogu dua e maolunga ange i de au; au e dee bau ange gi de aau ono mee vae. Ia e babudaisi naa goodou i de Hagasaalunga Dabu ma de ahi.

Matthew 3:3

Deenei de ia a de pelaabisi go Isaiah gu tala laa ma e hagadaba, “De leo o dahi e oo i de vao ma e hagadaba, ‘Hagadabena ina de haiava o Tagi Maolunga; hagassoea ono haiava!’ ”

Mark 11:32

Aagai noo gidaadeu e hai ange, ‘Se mee mai i daho dangada’…” (Gai gilaadeu e maatagu i dangada, i hiidinga dangada alodahi e hagataba bolo a John se pelaabisi donu.)

Luke 1:32

Ia e sula naa ga maolunga, gai e hagabinga naa go Tama Daane a de Ia Maolunga Mmao laa. Gai Tagi Maolunga de Maadua e gaavange naa gi de ia de nohoanga hodooligi o dono dubuna go David,

Luke 1:35

Tangada de langi laa ne hai ange gi de ia, “De Hagasaalunga Dabu e humai naa gi oo elunga, gai ssauaa o de Ia Maolunga Mmao laa e haoli naa goe. Deelaa ai, Tama e haanau mai i oo daha e hagabinga naa bolo e dabu, go Tama Daane a de Maadua.

Luke 6:35

Aagai goodou aaloha ange gi oodou hagadaumee, ma de hai ange tanuaa gi gilaadeu, ma de gaavange oodou mee gi dangada, gai e dee maanadu bolo gilaadeu gi suuia adu oodou mee. Gai gi laumalie ai doodou hagaoanga, gai goodou gu hagabinga bolo ni dama nii de Ia Maolunga Mmao laa, go hiidinga ia e abodonu ange gi gilaadeu e dee hagaahe ange de abodonu ma de gau baubau.

John 1:23

Gai ia ne hai ange, “Au go de leo o dahi e oo laa i de vao ma e hagadaba, ‘Hagasoea de haiava o Tagi Maolunga,’ bei de hai a de pelaabisi go Isaiah gu tala ai laa.”

John 1:27

Ia e humai i ogu dua, gai au e dee bau ange i de tala mee e noonoa ai ono mee vae.”

John 3:28

Goodou gu langona dagu tala bolo e dee go au de Klisdo, aagai au ne hai gi humai i ono mada i mua.

Acts 16:17

Aagai tamaa hine laa ne daudali mai i gimaadeu ma Paul, gai ia ne oo ga hagadaba, “Denga daane nei ni dangada hai hegau niio de Maadua Maolunga Mmao laa. Gilaadeu e tala adu doodou hai e hagamouli ai.”