Luke 1:7 - De Beebaa Dabu

⁷ Aagai e deai selaau dama, go hiidinga Elizabeth se hine dee hua, gai gilaau ngaadahi gu madumaatua.

Luke 1:7 Iomraidhean Croise

Genesis 17:17

Gai Abraham ga ino gu baa luoono mada gi honga de gelegele; gai ia ne gadagada ga hagadaba i ono lodo, “E maua e taane gu lau ono ngadau i de hagadili dahi gauligi? Gai e maua e Sarah, de hine gu massiva laa ono ngadau i de haanau dahi dama?”

Genesis 18:11

De masavaa laa gai Abraham ma Sarah gu madumaatua. Gai Sarah gu ui ono masavaa e hai ai magi o denga haahine.

Genesis 25:21

Gai Isaac ne dalodalo ange gi Tagi Maolunga i dagodo o dono bodu, i hiidinga tigi ai ana dama; gai Tagi Maolunga ga basa ange gi dana dalodalo, gai Rebekah gu hai dama.

Genesis 30:1

De masavaa huu a Rachel ne gidee ai, bolo tigi ai ana dama ange gi Jacob, gai ia gu lodo gaiaa ange gi dono daina hahine. Gai ia ga hai ange gi Jacob, “Haia gi hanu agu dama, kana magau naa huu au!”

1 Kings 1:1

De masavaa o de hodooligi go David ne madumadua ai, gai ia gu dee maua gi mahanahana danuaa, i de masavaa e haolia ange ai ia i denga malo.

2 Kings 4:14

Gai Elisha ne ssili ange hogi, “Gai se aha naa donu adaau e hai ange maa de hine nei?” Gehazi ne hai ange, “De hine nei e deai donu sana dama daane, gai dono bodu gu madumadua.”

Luke 1:5

De masavaa o Herod e hodooligi ai i Judea, gai e dahi daane haimeedabu i kilaa, dono ingoo go Zechariah. Ia se daane e dau i de hagabuulinga o Abijah, gai ia ne hai bodu ange gi dahi damaa hine mai i de aamuli o Aaron, dono ingoo go Elizabeth.

Luke 1:6

Gilaau ni dangada e heohi abodonu i mada luu mada o de Maadua, gai e honu delaau daudali i muna alodahi ma hainga a Tagi Maolunga gu hagasauaa.

Luke 1:8

Gai de masavaa a Zechariah e hai ai hegau a tangada haimeedabu i mada luu mada o de Maadua, i laangi o dono hagabuulinga e hai hegau ai,

Romans 4:19

Gai Abraham tee baageaa donu dono gai i dana maanadu dagodo o dono angaanga gu dai magau laa, i hiidinga ia gu lau ono ngadau, aabe go dana maanadu bolo Sarah se hine e dee maua i de hagadili.

Hebrews 11:11

De gai o Sarah ne hai ga maua e ia i de haanau hanu dama, e dee galemu donu gu ui dono masavaa e maua ai gi hai dama, go hiidinga ia ne hagadaba bolo de ia ne haia de hagatoo donu laa, e hai hegau i de muna abodonu.

1 Samuel 1:2

Ia e dogolua ono bodu; de ingoo o dahi go Hannah, gai de ingoo o de hine ange laa go Peninnah. Peninnah e hanu ana dama, aagai Hannah e deai donu ana dama.