Luke 1:57 - De Beebaa Dabu

⁵⁷ Aagai ga dae mai huu de masavaa o Elizabeth e haanau ai, gai ia ne haanau dahi dama daane.

Luke 1:57 Iomraidhean Croise

Numbers 23:19

de Maadua e dee se dangada, gai ia ga hadu muna ai, ia e dee bei dagodo o dangada, gai ia ga sui ai dana maanadu. E aha, ia gu basa, gai ia e dee hai naa gi bei? E aha, ia gu tala de muna, gai ia e dee hagasula?

Luke 1:13

Gai tangada de langi laa ga hai ange gi de ia, “Zechariah, aude madagu! De Maadua gu langona au dalodalo, gai doo bodu go Elizabeth e haanau naa dahi dama daane, gai koe ga hagaingoo ange ia go John.

Luke 1:5

De masavaa o Herod e hodooligi ai i Judea, gai e dahi daane haimeedabu i kilaa, dono ingoo go Zechariah. Ia se daane e dau i de hagabuulinga o Abijah, gai ia ne hai bodu ange gi dahi damaa hine mai i de aamuli o Aaron, dono ingoo go Elizabeth.

Luke 1:56

Gai Mary ne noho i daho Elizabeth i e dolu malama, muli mai gai ia ne ahe gi dono hale.

Luke 1:58

Gai dangada e paa ange gi de ia aama dangada i dono huaabodu gu langona bolo Tagi Maolunga gu lodo aloha ange gi de ia, gai gilaadeu gu malangilangi madali ia.