Luke 1:53 - De Beebaa Dabu

⁵³ Ia gu haangai gilaadeu e hiikai i mee danuaa, gai gu hai gi ngadi hulo gilaadeu e lava teai alaadeu mee.

Luke 1:53 Iomraidhean Croise

Psalm 146:7

Ia e hagamodu muna o olaadeu e vaivai haia i de heohi; ma de gaavange gai a dangada e hiikai. Tagi Maolunga e hagassao mai gilaadeu i lo te hale pono;

Psalm 34:10

Denga laiono mmahi e duasala ma de hiikai; aagai gilaadeu e saalaa Tagi Maolunga e dee duasala donu i dahi mee daudahi.

Ezekiel 34:29

Gai au e hai naa delaadeu henua gi se mommee ssomo danuaa ai denga manu, gu deai ange dangada i honga de henua e maakau i de onge, gai gilaadeu gu dee hagangadi mee ina i daho denga huaahenua ange laa.

Matthew 5:6

E manuuia gilaadeu e hiikai ma de hieunu ange gi de heohi; gilaadeu e hai naa ga boobosu!

Luke 1:54

Ia gu bale ange dono dangada hai hegau go Israel, i dana maanadu dono lodo aloha,

Luke 6:21

E manuuia goodou e hiikai iainei; goodou e hai naa ga boobosu! E manuuia goodou e tangi iainei; goodou e kada naa!

Luke 6:24

Aagai e vakaa naa goodou e lava; goodou gu lava i de kave doodou hagaaneane!

John 6:35

Iesu ne hai ange gi gilaadeu, “Go au de pelaoaa o de mouli; tangada e humai gi de au e dee haihai donu ga hiigai, gai tangada e hagadonu au e dee haihai naa donu ga hieunu.

1 Corinthians 1:26

Denga daina, goodou manadua oodou dagodo i mua doodou hagahia i daho de Maadua, e sogoisi donu huu goodou e dau bolo ni dangada heiangi i daho dangada, e sogoisi hogi goodou e dau bolo e mmahi, gai e sogoisi hogi goodou ni dangada mai i hanu huaabodu o de gau aamua.

1 Corinthians 4:8

Goodou gu kave donu mee alodahi oodou e llodo ai! Gai goodou gu ni dangada donu e lava! Gimaadeu e dee ni hodooligi, gai goodou ni hodooligi donu! Mee naa goodou gi ni hodooligi abodonu, gi maua ai hogi e gimaadeu i de hodooligi madali goodou!

1 Samuel 2:5

Gilaadeu nogo boobosu gu hai hegau e hai ai alaadeu gai, aagai gilaadeu e hiikai gu dee hiikai. De hine dee hua gu haanau e dogohidu dama daane, aagai de hine e soa ana dama gu noho sogosogo.