Luke 1:32 - De Beebaa Dabu

³² Ia e sula naa ga maolunga, gai e hagabinga naa go Tama Daane a de Ia Maolunga Mmao laa. Gai Tagi Maolunga de Maadua e gaavange naa gi de ia de nohoanga hodooligi o dono dubuna go David,

Luke 1:32 Iomraidhean Croise

2 Samuel 7:16

Gai au e hai naa gi dee llilo doo aamuli ma doo nohoanga hodooligi; gai doo nohoanga hodooligi e dagodo naa ga hano ai.’ ”

Psalm 132:11

Tagi Maolunga ne hagatoo donu ange gi David i de muna abodonu, gai ia e dee sui naa donu dana hagatoo donu: “Au e hai naa dahi oo hagadiilinga gi noho i honga doo nohoanga hodooligi.

Psalm 132:12

Noo au dama e daohi dagu hagatoo donu hagaheloongoi, ma muna aagu e agoago ange gi gilaadeu, gai alaadeu dama e dagi naa i doo nohoanga ga hano ai e dee ngado mai.”

Isaiah 16:5

De nohoanga hodooligi e hagaduu naa i de lodo aloha; gai dahi mai i de hale o David e noho naa ga hodooligi ai, gai ia e hai hegau i de muna abodonu. Ia e ssala naa de hagamodu muna i de heohi gai e moolau dana hagasula de mee heohi.

Jeremiah 17:25

gai denga hodooligi e nnoho i honga de nohoanga hodooligi o David, e ulu mai naa ma de ssao ga hulo i denga haitoga o de aduhale nei madali olaadeu dangada hai hegau. Gilaadeu ma olaadeu dangada hai hegau e kage naa i honga denga hada ma honga hoosa ga loomai ai, madali denga daane o Judah aama dangada e nnoho i Jerusalem, gai de aduhale nei e nnoho ai dangada ga hano ai.

Jeremiah 22:2

‘Goodou hagalaangona muna a Tagi Maolunga, de hodooligi o Judah, e noho i honga de nohoanga hodooligi o David, ma ono dangada hai hegau aama dangada alodahi e ulu mai i denga haitoga nei.

Daniel 2:44

Gai laangi naa huu o denga hodooligi laa, gai de Maadua o de langi e hagaduu age naa dahi nohoanga hodooligi e dee maua laa i de oha, aabe e gaavange gi hanu dangada gee. Gai de nohoanga hodooligi laa e oha naa ma de hagallilo denga nohoanga hodooligi ange laa, aagai e dagodo naa donu huu ga hano ai.

Matthew 1:1

De beebaa e sisi ai ingoo o dubuna madagidagi o Iesu Klisdo, de hagadiilinga o David, de mogobuna o Abraham:

Matthew 12:42

De hine hodooligi mai i Ngaage e hidi age naa ga hagabaubau de atangada nei i de laangi hagamodu muna, go hiidinga ia ne humai i de bido laa o henua i lalo e hagallongo dagodo de heiangi o Solomon; gai tilo, dahi e maolunga ange i Solomon gu i kinei!

Matthew 28:18

Aagai Iesu ne humai ga basa ange gi gilaadeu, ga hai ange, “Ssauaa alodahi i de langi ma henua i lalo gu gaamai gi de au.

Matthew 3:11

Au e babudaisi goodou i vai i de daahuli oodou lodo, gai de ia e humai i ogu dua e maolunga ange i de au; au e dee bau ange gi de aau ono mee vae. Ia e babudaisi naa goodou i de Hagasaalunga Dabu ma de ahi.

Mark 14:61

Aagai Iesu tee muu ange aabe ne basa ange. Gai tangada haimeedabu maolunga ne ssili ange hogi, “Go koe de Klisdo, Tama Daane a de Ia Maolunga laa?”

Mark 5:7

ma de oo ga hai ange gi de ia, “Ni aha oou e lodo ai i ogu daha, Iesu Tama Daane a de Maadua Maolunga Mmao laa? Au e hai adu gi de goe i de ingoo o de Maadua, aude hagaduasala ina loo au!”

Luke 1:15

go hiidinga ia e maolunga naa i mada luu mada o Tagi Maolunga, gai ia e dee alaange de unu uvaini ma mee mmahi, gai de Hagasaalunga Dabu e noho naa i ono daha, mai i de masavaa oona i lo te dinae ai o dono dinana.

Luke 1:35

Tangada de langi laa ne hai ange gi de ia, “De Hagasaalunga Dabu e humai naa gi oo elunga, gai ssauaa o de Ia Maolunga Mmao laa e haoli naa goe. Deelaa ai, Tama e haanau mai i oo daha e hagabinga naa bolo e dabu, go Tama Daane a de Maadua.

Luke 1:76

Gai koe, dagu gaagaa, e hagabinga naa bolo se pelaabisi niio de Ia Maolunga Mmao laa; gai koe e hano naa i mada i mua o Tagi Maolunga e hagadabena ai ono haiava;

Luke 3:16

Gai a John ne hai ange gi gilaadeu alodahi, “Au e babudaisi goodou i de vai, gai e dahi naa dangada e humai i ogu dua; ia e maolunga ange i de au, gai au e dee bau ange i de tala mee e noonooa ai ono mee vae. Ia e babudaisi naa goodou i de Hagasaalunga Dabu ma de ahi.

Luke 6:35

Aagai goodou aaloha ange gi oodou hagadaumee, ma de hai ange tanuaa gi gilaadeu, ma de gaavange oodou mee gi dangada, gai e dee maanadu bolo gilaadeu gi suuia adu oodou mee. Gai gi laumalie ai doodou hagaoanga, gai goodou gu hagabinga bolo ni dama nii de Ia Maolunga Mmao laa, go hiidinga ia e abodonu ange gi gilaadeu e dee hagaahe ange de abodonu ma de gau baubau.

John 12:34

Dangada ne hai ange gi de ia, “Gimaadeu gu langona mai i de hainga bolo de Klisdo e mouli naa donu huu ga hano ai. Gai dee hee dau hai e tala mai ai naa bolo Tama a Tangada e hagaduu age? Goai Tama a tangada oou e basa ai naa?”

John 6:69

Gimaadeu gu hagadonusia ma de iloo bolo go koe donu de Ia Dabu a de Maadua.”

Acts 16:17

Aagai tamaa hine laa ne daudali mai i gimaadeu ma Paul, gai ia ne oo ga hagadaba, “Denga daane nei ni dangada hai hegau niio de Maadua Maolunga Mmao laa. Gilaadeu e tala adu doodou hai e hagamouli ai.”

Acts 2:30

Gai ia se pelaabisi, deenei ai, ia ne iloo bolo de Maadua gu lava i de hagatoo donu bolo ia e hai naa dahi dangada mai i dono aamuli gi noho i honga dono nohoanga hodooligi.

Acts 2:36

Deenei ai, de gau Israel alodahi gi tonu ange gi de mee nei: de Maadua gu hai Iesu go Tagi Maolunga ma de Klisdo, deenei donu Iesu oodou ne daudau laa i de laagau lui.”

Acts 7:48

Gai de Ia Maolunga Mmao laa e dee noho i hale a dangada e hagatuu, bei de hai a de pelaabisi gu tala ai laa,

Romans 1:4

gai gu hagaago mai bolo ia go Tama Daane a de Maadua i ssauaa o de Hagasaalunga Dabu, i hiidinga dono mouli age mai i de magau: deenei, go Iesu Klisdo taadeu Dagi Maolunga.

Revelation 3:7

“Gai siia ange muna nei gi tangada de langi o de nohoanga dabu i Philadelphia: Aanei muna a de ia dabu laa, go de ia e hai hegau laa i de muna abodonu, go de ia e daohia de gii a David; dana mee e hhuge e deai donu e maua i de pono, gai dana mee e pono e deai donu e maua i de hhuge.