Luke 1:2 - De Beebaa Dabu

² bei de hai ne tala mai ai gi gimaadeu i daho dangada ne gidee de hai mee nei mai i taamada, go gilaadeu ne agoago ina muna nei.

Luke 1:2 Iomraidhean Croise

Mark 1:1

Deenei taamada de longo danuaa o Iesu Klisdo, Tama Daane a de Maadua.

Mark 16:20

Gai ana dangada agoago ne hulo ga agoago i mommee alodahi. Aagai Tagi Maolunga ne hai hegau madali gilaadeu aama de hagadonu alaadeu muna i denga hagailonga alaadeu e hai.]

Mark 4:14

Tangada hai veelenga e doo muna a de Maadua.

Luke 24:48

Gai go goodou de gau tala hagadonu o mee nei.

John 15:27

Gai goodou ga tala hagadonu ai hogi ogu dagodo, go hiidinga goodou gu nnoho mai huu madali au i taamada.

John 16:4

Au gu tala adu de mee nei gi goodou, gi manadua ai e goodou i de dae mai de masavaa laa, bolo au gu tala adu mee nei gi goodou. Au tee tala adu de mee nei i taamada age, go hiidinga au goi noho huu i oodou daha.

Acts 1:3

Ia ne hagaago ange gi gilaadeu i hanonga lagolago bolo ia gu mouli age abodonu, i dua dono hagaduasala, ma de hakide ange gi gilaadeu i e madahaa laangi, ga agoago ange gilaadeu i dagodo o de nohoanga hodooligi o de Maadua.

Acts 1:8

Aagai goodou e kave naa ssauaa i dua de hano iho o de Hagasaalunga Dabu gi oodou elunga; gai goodou e hai naa ga ni dangada e daalaa hagadonu ogu dagodo i Jerusalem, ma Judea alodahi, aama Samaria, ga dae ai loo gi de bido laa o henua i lalo.”

Acts 14:25

Gai ga lava huu i delaau agoago muna a de Maadua i Perga, gai gilaau ga loiho gi Attalia.

Acts 16:6

Gai gilaadeu ne hagadaga hogi i mommee i Phrygia ma Galatia, go hiidinga de Hagasaalunga Dabu tee dugu ange gilaadeu gi agoago ina de longo danuaa i Asia.

Acts 17:11

Gai de gau Ssuu i de mommee laa e kii ange de maalama olaadeu lodo i de gau Ssuu i Thessalonica, gilaadeu ne malangilangi donu i de hagallongo muna laa. Gai gilaadeu ne dau de Beebaa Dabu i laangi alodahi ga tilo ai be muna a Paul ni muna abodonu be deai.

Acts 26:16

Aagai koe hidi duu gi lunga. Go hiidinga au ne hakide adu gi de goe e hili ai goe gi se dangada hai hegau gai gi se dangada e daalaa hagadonu mee aau gu gidee, aama mee aagu gu dai hagaago adu gi de goe.

Acts 4:20

Go hiidinga gimaau e dee maua donu i tee tala mee amaau gu lava i de gide aama de langona.”

Acts 8:4

Gai dangada ne mavaevae saele laa ne hulo ga agoago muna a de Maadua.

Romans 15:16

go dogu hai ga se dangada hai hegau niio Klisdo Iesu ange gi denga Gentile. Ia gu gaamai gi de au tuuhanga hegau o tangada haimeedabu, gai au ga tala de longo danuaa a de Maadua, gi maua ai i de hai denga Gentile gi se ssigidaumaha e hagamalangilangi ina de Maadua, gu hagadabu i daho de Hagasaalunga Dabu.

1 Corinthians 4:1

Gai tangada gi iloo de mee nei, gimaau ni dangada hai hegau niio Klisdo, gai ni dangada gu dugu ange aagena mee a de Maadua e dee iloo laa.

Hebrews 2:3

gai dee hee ai taadeu hai e hagaola ai gidaadeu, noo gidaadeu e hagangadi mee de hagamouli maolunga nei? De hagamouli nei ne tala i mua i daho Tagi Maolunga, gai dangada ne langona ne tala hagadonu mai gi gidaadeu.

1 Peter 5:1

Au e hagakana ange denga dagi o de nohoanga dabu i oodou magavaa, i hiidinga au gu se dagi hogi bei olaadeu dagodo, gai se dangada ne gidee de hagaduasala o Klisdo, gai e kave naa hogi de mahamaha gu dai hagaago mai laa:

2 Peter 1:16

Gai gimaadeu tee tala adu hanu ngadi daalanga, i de masavaa amaadeu ne tala adu ai dagodo o ssauaa ma de ahe mai o taadeu Dagi Maolunga go Iesu Klisdo, aagai gimaadeu ne gidee donu dagodo o dono mahamaha.