Luke 1:15 - De Beebaa Dabu

¹⁵ go hiidinga ia e maolunga naa i mada luu mada o Tagi Maolunga, gai ia e dee alaange de unu uvaini ma mee mmahi, gai de Hagasaalunga Dabu e noho naa i ono daha, mai i de masavaa oona i lo te dinae ai o dono dinana.

Luke 1:15 Iomraidhean Croise

Genesis 12:2

Gai au e hai naa goe gi se huaahenua soa mmao, au e hagamanuuia naa goe; au e hai naa doo ingoo gi maolunga, gai koe e hai naa gi se mee e manuuia ai dangada.

Genesis 48:19

Aagai dono damana e dee lodo, ga hai ange, “Dagu dama, au e iloo. Ia e hai naa ga se huaadangada soa, ia e sula naa hogi ga maolunga. Aagai dono daina gauligi e maolunga ange naa i de ia, gai ono hagadiilinga e hai ai naa ga ni huaahenua soa.”

1 Chronicles 17:8

Gai au ne noho madali goe i mommee alodahi oou ne hano aagena, ma de dugu adu goe gi hagadee kii ina oo hagadaumee alodahi. Gai au e hai naa goe gi se dangada maolunga, bei dagodo o de gau maolunga o henua i lalo.

1 Chronicles 29:12

De lava ma de hagadubu ni mee mai i oo daha, gai go koe tagi o dangada alodahi. Doo lima iai ssauaa ma de mmahi, e hagaamua ai dahi ma de gaavange ai de mmahi gi dangada alodahi.

Psalm 22:9

Aagai go koe ne hagasao ina mai au i de mommee o denga dama; koe ne hai au gi hagadonusia goe i de masavaa oogu e unuunu ai i de gaanuunu o dogu dinana.

Jeremiah 1:5

“I mua dagu hai goe i de mommee o denga dama, gai au gu iloo huu goe, gai i mua doo haanau, gai au ne vvae gee goe ga hagadabu; au ne hili goe e hai ai de pelaabisi o denga huaahenua.”

Jeremiah 35:6

Aagai gilaadeu ne hai mai, “Gimaadeu e dee unu uvaini, go hiidinga demaadeu dubuna go Jonadab, tama daane o Recab, ne hai mai gi gimaadeu, ‘Goodou ma oodou hagadiilinga e dee unu donu uvaini ga hano ai.

Leviticus 10:9

“Goodou ma au dama daane e dee unu uvaini ma mee vii, i de masavaa oodou e ulu ai gi lo te hale malo hagabuni, gi dee maakau ai goodou. De mee nei se hainga gu hagasauaa adu gi goodou ma oodou atangada alodahi ga hano ai.

Zechariah 9:15

gai Tagi o denga hagabuulinga hebagi e buibui naa gilaadeu. Gilaadeu e daa naa dangada ma de hagadee kii gilaadeu i denga buada. Gilaadeu e unu naa ma de hevaalogi bei dagodo o dangada gu ssenga i de unu uvaini; gilaadeu gu hoohonu bei de gumedi iai laa dodo e hagassii ange laa gi dege o de mommee o ssigidaumaha.

Luke 1:14

Ia e hai naa goe ga malangilangi ma de lodo danuaa; gai e soa naa dangada e malangilangi i hiidinga dono haanau,

Luke 7:28

Au e hai adu gi goodou, e deai ange donu se dangada ne haanau i daho denga haahine e maolunga ange i John. Aagai de ia e maolalo i de nohoanga hodooligi o de Maadua e maolunga ange i de ia.”

Luke 7:33

Go hiidinga John taane Babudaisi ne humai, gai ia tee gai pelaoaa aabe ne unu uvaini, gai goodou ne hagataba, ‘De hagasaalunga baubau e noho i ono daha.’

John 5:35

A John e bei de laama ula e hagamaalama ai laa, gai goodou ne malangilangi i dono maalama i dahi damaa masavaa.

Acts 2:4

Gai gilaadeu alodahi gu hoohonu i de Hagasaalunga Dabu, gai gilaadeu gu pasa i muna o denga henua gee i ssauaa o de Hagasaalunga ⌊Dabu⌋.

Galatians 1:15

Aagai de masavaa huu a de ia ne vaaea gee au i mua dogu haanau, ma de hagahi au i dono abodonu,

Ephesians 5:18

Goodou gi dee unu gi ssenga i uvaini, go hiidinga e oha oodou mouli; aagai gi hoohonu i de Hagasaalunga ⌊Dabu⌋.

Joshua 3:7

Gai Tagi Maolunga ga hai ange gi Joshua, “Ailaa nei, gai au e hai naa goe gi maolunga i madamada o de gau Israel alodahi, gi iloo ai e gilaadeu bolo au e noho donu hogi i oo daha bei dogu hai ne noho ai laa hogi i daho Moses.

Joshua 4:14

De laangi laa gai Tagi Maolunga ne hagaamua Joshua i madamada o de gau Israel alodahi; gai gilaadeu ne hagadubu ia i taulooloa dono mouli, bei delaadeu hai ne hagadubu ai laa hogi i Moses.