Leviticus 8:9 - De Beebaa Dabu

⁹ Gai ia ga dugu ange de goobai malo gi honga dono biho, ga nnoa ange talaa baalanga goolo gi ma te goobai laa, go de hau goolo dabu, bei de hai a Tagi Maolunga gu tala ange ai gi Moses.

Leviticus 8:9 Iomraidhean Croise

Exodus 28:4

Aanei malo alaadeu e hai: e dahi mee e dau i hadahada, e dahi ephod, e dahi malo laa daha, e dahi malo belee, e dahi goobai malo, aama e dahi mee e nnoa ai lo te ungaalodo. Gilaadeu gi haia malo o doo daina go Aaron ma ana dama daane, e hai hegau mai gi de au i hegau a de gau haimeedabu.

Exodus 29:6

gai koe ga dugu ange de goobai malo gi honga dono biho, aama de nnoa ange de hau dabu goolo laa gi de goobai malo.

Exodus 40:16

Gai Moses ne hai ga bei muna alodahi a Tagi Maolunga ne tala ange gi de ia.

Leviticus 8:21

Gai ia ga hhui denga dae ma denga vae i vai, gai Moses ga dudu ssiibi daane laa alodahi i honga de mommee o ssigidaumaha, e hai ai ssigidaumaha dudu, se mee nnamu kala e hai i de ahi ange gi Tagi Maolunga, bei de hai a Tagi Maolunga gu tala ange ai laa gi Moses.

Leviticus 8:36

Gai Aaron ma ana dama daane ne hai donu ga bei mee alodahi a Tagi Maolunga gu tala ange gi Moses.

Zechariah 3:5

Gai au ne hai ange, “Dugua ange de goobai malo gilimalali gi honga dono biho.” Gai gilaadeu ga dugu ange de goobai malo gi honga dono biho ma de hakahu ange ia i hanu malo, gai tangada de langi o Tagi Maolunga e duu i ono gaogao.