Leviticus 23:5 - De Beebaa Dabu

⁵ De ahiahi o de madaangahulu ma haa laangi i tahi malama go Taonga Hagasili a Tagi Maolunga.

Leviticus 23:5 Iomraidhean Croise

Exodus 23:15

Koe haia Taonga o Pelaoaa Dee Hagahua, bei dagu hai gu tala adu ai gi goodou, gai koe ga gai pelaoaa dee hagahua i de masavaa gu hagailonga i e hidu laangi i de malama go Abib, go hiidinga deenei de malama oodou ne ssao mai ai i Egypt. Gai e deai donu se goodou e ngadi humai gi ogu mada i mua.

Ezekiel 45:21

Gai de madaangahulu ma haa naa huu laangi o tahi malama, gai goodou ga dao Taonga Hagasili i e hidu laangi, gai goodou e gai pelaoaa e dee hagahua i denga laangi laa.

Matthew 26:17

Gai tahi laangi huu o Taonga o Pelaoaa Dee Hagahua, gai dangada agoago a Iesu ne loomai ga ssili ange gi de ia, “Go hee aau e lodo gimaadeu gi hagadabena ina ai Taonga Hagasili e gaimee ai goe?”

Mark 14:12

Gai tahi laangi huu o Taonga o Pelaoaa Dee Hagahua, go de laangi alaadeu e daa ai ssiibi o Taonga Hagasili, gai ana dangada agoago ga ssili ange gi de ia, “Go hee aau e lodo gimaadeu gi hagadabena ina ai Taonga Hagasili e gaimee ai goe?”

Luke 22:7

Gai ga dae mai huu de laangi o Taonga o Pelaoaa Dee Hagahua, go de laangi e daa ai ssiibi o Taonga Hagasili.

Joshua 5:10

Gai de masavaa o de gau Israel ne nnoho gaainga ai i Gilgal, gai gilaadeu ne hai Taonga Hagasili i de ahiahi o de madaangahulu ma haa laangi o de malama laa i de mommee soe o Jericho.