Leviticus 21:5 - De Beebaa Dabu

⁵ De gau haimeedabu e dee duuduu ngaangaaulu i olaadeu biho, be gi duuduudia gi podo huluhulu i olaadeu gumigumi, aabe gi seleselea olaadeu angaanga ⌊i delaadeu hinangalosaa⌋.

Leviticus 21:5 Iomraidhean Croise

Isaiah 15:2

Dangada o Dibon gu loage gi dono hale daumaha, ma ono mommee daumaha e tangi ai; de gau Moab gu tangi i hiidinga Nebo ma Medeba. Dangada alodahi gu dahi olaadeu biho, gai gu duuduu olaadeu gumigumi.

Isaiah 22:12

Gai de Ia Aamua, Tagi o denga hagabuulinga hebagi ne hagahi naa goodou i de laangi laa gi tangi ma de tangi see ma de dahi gi malali oodou biho, aama de kahu i malo daladala.

Jeremiah 16:6

De gau maolunga ma de gau maolalo alodahi e maakau naa i de henua nei. Gai gilaadeu e dee danu naa donu, e deai naa hogi dangada e tangi i gilaadeu, be duuduu olaadeu angaanga aabe e dahi olaadeu biho i olaadeu hiidinga.

Jeremiah 48:37

Biho o dangada alodahi gu dahi, gumigumi alodahi gu dahi hogi; lima alodahi gu selesele ma gu lagolagohia, gai daogubu alodahi gu haoli i malo daladala.

Ezekiel 44:20

Gilaadeu e dee dahi gi malali olaadeu biho, aabe e dugu gi lloa ngaangaaulu o olaadeu biho, aagai gilaadeu e duuduu donu huu sugi olaadeu ngaangaaulu gi dee kona ai de lloa.

Ezekiel 5:1

“Gai koe, tama a tangada, gaavee dahi gadilaasa kangi ma gi haia bei de leesaa a tangada duu biho, ma gi dahia ai doo biho ma doo gumigumi. Gai koe ga kave de mee hagahidi ga hagahidi ai oo ngaangaaulu, ga vvae denga ngaangaaulu.

Leviticus 10:6

Gai Moses ga hai ange gi Aaron, ma luaana dama daane go Eleazar aama Ithamar, “Goodou e dee hai gi lausamua oodou biho, be e saesae oodou malo gi dee maakau ai goodou, gai dae mai ai de lili o Tagi Maolunga gi honga o de huaadangada. Gai oodou daina go de gau Israel alodahi e tangi naa i hiidinga o dangada a Tagi Maolunga ne daa ga maakau i de ahi.

Leviticus 21:4

Gai ia e dee maua i de hai ia gi dee gilimalali i de gau maakau o dangada o dono bodu, ga hai ai ga hakino gee ia.

Amos 8:10

Au e sui naa oodou laangi daonga gi ni laangi niiodou e tangi ai, gai oodou daahili alodahi e sui gi ni daahili hagahinangalosaa. Au e hai naa goodou gi kahu i malo daladala, ma de dahi gi malali oodou biho. Au e hai naa goodou gi tangi bei tangada e dangi laa i hiidinga de magau o dana dama dagidahi, gai de hagaodi o de laangi laa gi bei dahi laangi mmala.

Micah 1:16

Dangada o Judah, dahia gi malali oodou biho i doodou hinangalosaa i oodou dama e malangilangi ai. Haia gi malali oodou biho bei de igele gu deai laa ono hulu manu, go hiidinga gilaadeu e hulo gee naa i oodou daha ga hulo gi dahi henua gee.

Deuteronomy 14:1

Goodou ni dama donu nii Tagi Maolunga doodou Maadua. Goodou aude duuduudia oodou angaanga aabe gi dahia gi malali oodou biho i de magau o dahi dangada.