Leviticus 20:3 - De Beebaa Dabu

³ Au e hai baasi ange gi tangada bee nei, ma de vvae gee ia mai i daho ono dangada, i hiidinga ia gu sigidaumaha ange dahi ana dama gi Molek; ia gu hai ma gu hakino gee dogu mommee dabu, aama de hagangadi mee dogu ingoo dabu.

Leviticus 20:3 Iomraidhean Croise

Exodus 30:33

Gai be goai naa huu e hilo ina dahi lolo bee nei, be hulu ai dahi dangada gee, gai ia e vvae gee donu mai i daho de gau Israel.’ ”

Ezekiel 20:39

Gai oodou dagodo, dangada o Israel, go de Ia Aamua go Iahweh e hagadaba: Dahi ma dahi gi hano gi daumaha ange gi ono diinonga! Aagai dua naa huu mee nei, gai goodou e hagallongo mai gi de au; goodou gu dee hagangadi mee dogu ingoo dabu i oodou mee ngadi gaavange ma oodou diinonga.

Ezekiel 5:11

Deenei ai, au e hagatoo donu i dogu mouli, go de Ia Aamua go Iahweh e hagadaba, go hiidinga goodou gu hai gi hakino gee dogu mommee dabu i oodou diinonga hakino gee lagolago, ma oodou hegau hakino gee alodahi, au e tili naa goodou; au e dee lodo aloha adu naa gi goodou aabe hagaola goodou.

Leviticus 15:31

Deenei dooluu hai e vvae gee ai de gau Israel i denga mee dee gilimalali, gi dee maakau ai gilaadeu i delaadeu hai ga dee gilimalali dogu mommee e noho ai i oodou daha.’ ”

Leviticus 17:10

Noo dahi dangada Israel be se dangada henua gee i oodou magavaa e gai kano manu iai dodo — gai au e hai baasi ange donu gi tangada e gaina kano iai dodo, ga vvae gee ia mai i daho ono dangada.

Leviticus 18:21

Aude gaavange dahi au dama e sigidaumaha ange gi tiinonga go Molek, ga hagangadi mee ai de ingoo o doo Maadua. Go au donu go Iahweh.

Leviticus 19:12

Goodou aude hagatoo donu i dogu ingoo i de hadu muna, aabe gi hagangadi mee ina de ingoo o doodou Maadua. Go au donu go Iahweh.

Leviticus 20:4

Gai noo dangada i de henua e dee anga ange gi tangada, e sigidaumaha ina ange laa dahi ana dama gi Molek, gai e dee daa hogi ia gi magau,

Leviticus 21:6

Gilaadeu gi dabu ange gi delaadeu Maadua, gai gi dee hagangadi mee ina de ingoo o delaadeu Maadua. Gilaadeu e haia denga sigidaumaha a Tagi Maolunga e hai i de ahi, go gai a delaadeu Maadua; deelaa ai, gilaadeu gi dabu.

Leviticus 7:20

Aagai tangada e gaina kano o ssigidaumaha hagadanuaa magavaa a Tagi Maolunga gai e hanu mee e dee gilimalali i de ia, tangada bee nei e vvae gee donu mai i daho ono dangada.

Leviticus 7:21

Noo tangada gu poo ange gi hanu mee dee gilimalali — e dee hilihili be go mee hakino gee o dangada, be go dahi manu hakino gee, aabe go dahi mee dee gilimalali e tolo i honga de gelegele — gai ia ga gai kano o de manu ne hai ai ssigidaumaha hagadanuaa magavaa a Tagi Maolunga, gai ia e vvae gee donu mai i daho ono dangada.’ ”

Numbers 19:13

Gai be goai e poo ange gi de angaanga o dahi dangada magau, gai e dee hagagilimalali ia, gai ia e hai gi dee gilimalali de tabernacle o Tagi Maolunga, tangada laa e vvae gee donu mai i daho de gau Israel. Go hiidinga denga vai hagagilimalali laa tigi hagatoo madaua ange gi de ia, gai ia goi dee gilimalali donu huu.

Numbers 19:20

Aagai noo tangada gu dee gilimalali laa e dee hagagilimalali ia, gai ia e vvae gee donu mai i daho de hagabuulingaa dangada, i hiidinga ia gu hai ma gu dee gilimalali de mommee dabu o Tagi Maolunga. Ia tigi gilimalali, i hiidinga vai o de hagagilimalali tigi hagatoo madaua ange gi de ia.

2 Corinthians 6:16

Gai e maua gi heloongoi de temple o de Maadua ma denga diinonga? Gidaadeu go de temple o de Maadua e mouli laa; gai de Maadua gu hagadaba, “Au e noho i olaadeu lodo ma de seesee i olaadeu magavaa. Au e hai naa go delaadeu Maadua gai gilaadeu go ogu dangada.

1 Peter 3:12

Go hiidinga Tagi Maolunga e daumada gilaadeu e heohi, gai luoono dalinga e hagallongo alaadeu dalodalo; aagai luu mada o Tagi Maolunga e hai baasi ange gi dangada e haia de baubau.”