Leviticus 19:3 - De Beebaa Dabu

³ Tangada gi hagadubu ina dono dinana ma dono damana, ma de daohi agu Sabbath. Go au donu go Iahweh doodou Maadua.

Leviticus 19:3 Iomraidhean Croise

Genesis 48:12

Gai Joseph ga aau gee gilaau mai i honga luu vae o dono damana, gai ia ga ino gu baa luoono mada gi honga de gelegele.

Nehemiah 9:14

Koe ne hai gi iloo e gilaadeu dau Sabbath dabu, ma de gaavange gi gilaadeu au muna, ma au mee gu hagasauaa, ma au hainga mai i daho doo dangada hai hegau go Moses.

Exodus 16:29

Goodou gi iloo bolo Tagi Maolunga gu gaavadu gi goodou Sabbath; deelaa ai, ia gu gaavadu gi goodou oodou gai e gaimee ai i e lua laangi i de ono laangi; gai e deai donu se goodou e sao gi haho i de hidu laangi.”

Exodus 20:12

Hagadubu ina doo damana ma doo dinana, gi daulooloa ai doo mouli i honga de henua, a Tagi Maolunga doo Maadua e gaavadu gi de goe.

Exodus 20:8

Manadua de laangi o Sabbath ma gi haia gi dabu.

Exodus 21:15

Gai be goai e hagailihia dono damana, aabe go dono dinana, gai ia e daa donu gi magau.

Exodus 21:17

Be goai e basa hagamalaia ina dono damana aabe go dono dinana, gai ia e daa donu gi magau.

Proverbs 1:8

Dagu dama, hagalaangona muna a doo damana e hagaheohi adu ai goe, gai aude dilia agoago a doo dinana.

Proverbs 23:22

Hagallongo ange gi doo damana ne hagadili ina goe, gai koe gi dee hagangadi mee ina doo dinana i dono masavaa gu madumadua ai.

Proverbs 30:11

E hanu dangada e hagamalaia olaadeu damana gai e dee hagamanuuia olaadeu dinana.

Proverbs 30:17

Tangada e hakadanga i dono damana ma de kino i de hagallongo ange gi dono dinana e naonao ina naa luoono hadu mada i denga raven o de geelonga, ma de gaina i denga vulture.

Isaiah 58:13

Noo koe e dee oha Sabbath, ma tee hai oo mee e lodo ai i dogu laangi dabu, ma de hagabinga Sabbath bolo se laangi hagamalangilangi, ma de hagaingoo ange de laangi dabu o Tagi Maolunga bolo se laangi hagadubu, gai noo koe e hagadubu de laangi laa ga dee hai donu huu au hegau, ma de hagamalangilangi donu huu goe, aama tee tala ai hanu ngadi muna,

Ezekiel 20:12

Gai au ne gaavange hogi gi gilaadeu agu Sabbath, se hagailonga i omaadeu magavaa, gi iloo ai e gilaadeu bolo go au donu go Iahweh ne vaea gee laa gilaadeu ga hai gi dabu.

Leviticus 11:44

Go au go Tagi Maolunga doodou Maadua; goodou vaaea gee goodou ma de hai gi dabu goodou, go hiidinga au e dabu. Goodou e dee hai gi dee gilimalali goodou i hanu manu e tolo i honga de gelegele.

Leviticus 19:25

Aagai de lima ngadau naa huu, gai goodou gu maua i de gai hua oodou e hagihagi. Mee nei se hai gi hhua lagolago ai oodou manu. Go au donu go Iahweh doodou Maadua.

Leviticus 19:30

Goodou gi daohia agu Sabbath ma de hagadubu dogu mommee dabu. Go au go Iahweh.

Leviticus 19:31

Aude hano gi denga hilohilo ma eidu, be saalaa ange gilaadeu e pasa ange gi hagasaalunga o de gau maakau, gai gilaadeu ga hai ai ga dee gilimalali goodou. Go au go Iahweh doo Maadua.

Leviticus 19:34

Gai haia tangada henua gee e noho i oodou daha gi bei dagodo o tangada de henua donu, gai goodou aaloha i de ia bei doodou aaloha donu i goodou; i hiidinga goodou ni dangada henua gee i de masavaa oodou nogo nnoho ai i de henua go Egypt. Go au donu go Iahweh doodou Maadua.

Leviticus 23:3

“ ‘E ono laangi oodou e hai ai oodou hegau; gai de hidu go de laangi o Sabbath e hagammabu ai goodou, gai se laangi hagabuni dabu niiodou. Goodou e dee hai ai hanu hegau; de laangi nei go Sabbath a Tagi Maolunga adu gi goodou, i mommee alodahi oodou e nnoho ai.

Leviticus 26:2

Goodou dao ina agu Sabbath ma de hagadubu dogu mommee dabu. Go au donu go Iahweh.

Malachi 1:6

Tagi o denga hagabuulinga hebagi e hai adu gi goodou, “Tama e hagadubu dono damana, gai tangada hai hegau e hagadubu dono dangada aamua. Gai noo go au doodou damana, gai gu aha gu deai ai naa soodou hagadubu au? Gai noo go au doodou dangada aamua, gai gu aha goodou gu hagangadi mee ai naa au? Go goodou ogu dangada haimeedabu e hagangadi mee ina naa dogu ingoo. Aagai goodou e ssili, ‘Dee hee demaadeu hai ne hagangadi mee ai doo ingoo?’

Deuteronomy 27:16

“E malaia tangada e dee hagadubu ina dono damana ma dono dinana.” Gai dangada alodahi gi hai ange, “Amen!”

Deuteronomy 5:16

Hagadubu ina doo damana ma doo dinana, bei de hai a Tagi Maolunga doo Maadua gu tala adu ai gi de goe, gi daulooloa ai doo mouli, ma doo noho baba i honga de henua a Tagi Maolunga doo Maadua e gaavadu gi de goe.

Hebrews 12:9

E dahi ange mee: odaadeu damana donu e haele gidaadeu, gai gidaadeu e hagadubu gilaadeu. Gai e kii ange mmao de hagamogomogo taadeu hagallongo ange, gi Tamana o denga hagasaalunga gi mouli ai gidaadeu!