Leviticus 19:10 - De Beebaa Dabu

¹⁰ Gai koe e dee hagihagia gi odi hua o au veelengaa grape, ma de ogo gi odi grape gu malili laa; aagai dugua ange mee nei maa de gau hagaau aloha, ma de gau henua gee. Go au donu go Iahweh doodou Maadua.

Leviticus 19:10 Iomraidhean Croise

Isaiah 17:6

Aagai e hanu hua e doe ai, bei de olive gu hagailiili iho laa ono hua, gai e lua be dolu hua e doe i denga laa i de ulu, aabe haa be lima hua i denga laa ange laa,” go Tagi Maolunga, de Maadua o Israel e hagadaba.

Isaiah 24:13

De masavaa naa huu e hai ai mee nei i honga de henua ma daho dangada, gai de henua gu bei de olive gu lava laa i de luuluu ma gu malili ono hua, ma de grape gu sogoisi laa hua e doe ai i dua de masavaa o de hagihagi.

Jeremiah 49:9

E aha, noo de gau hagihagi e loomai e hagihagi denga grape i oo daha, gai gilaadeu e dee dugu naa hanu grape? Gai noo de gau gaiaa e loomai i de boo, gilaadeu e dee kave naa donu huu olaadeu mee e llodo ai?

Leviticus 11:44

Go au go Tagi Maolunga doodou Maadua; goodou vaaea gee goodou ma de hai gi dabu goodou, go hiidinga au e dabu. Goodou e dee hai gi dee gilimalali goodou i hanu manu e tolo i honga de gelegele.

Leviticus 19:11

Goodou aude gaiaa. Goodou aude hadu muna. Goodou aude hagadau daahanga ina goodou.

Leviticus 19:25

Aagai de lima ngadau naa huu, gai goodou gu maua i de gai hua oodou e hagihagi. Mee nei se hai gi hhua lagolago ai oodou manu. Go au donu go Iahweh doodou Maadua.

Leviticus 19:9

De masavaa naa huu oodou e hagihagi ai hua o oodou veelenga, gai goodou e dee hagihagi gi dae gi denga dege alodahi, aabe e ogo gi odi mee gu duuduu laa.

Leviticus 23:22

Gai de masavaa naa huu oodou e hagihagi ai hua i honga oodou gelegele, gai goodou aude hagihagia gi odi, aabe e hagabudu gi odi mee alodahi oodou gu hagihagi; gai dugua ange gi de gau hagaau aloha ma de gau henua gee. Go au donu go Iahweh doodou Maadua.’ ”

Leviticus 25:6

Gai goodou ma oodou daane ma haahine hai hegau, ma de gau hai hegau oodou e hagao, aama de gau henua gee e nnoho i oodou daha, e maua i de gai mee e hua mai i denga manu i de ngadau o Sabbath,

Obadiah 1:5

Noo de gau gaiaa gu loomai, noo de gau daa dangada gu loomai i de boo — gai se hai ngadaa laumalie e duu i de goe! — e aha, gilaadeu e dee gaiaa naa donu huu alaadeu mee e llodo ai? Noo de gau hagihagi grape gu loomai, e aha, gilaadeu e dee dugu naa hanu momo grape?

Micah 7:1

Gu vakaa loo au! Au gu bei tangada e hagihagia laa huamanu lleu, ma de ogo i dua de hagihagi o de veelengaa grape; gu deai donu gau looloa grape aagu e gai, gai gu deai hogi hua fig lleu aagu e hiigaina laa.

Deuteronomy 24:19

De masavaa naa huu e hagihagi ai hua o dau veelenga, gai koe ne ngalo i de kave dahi noodangaa grain, aagai koe aude aahe gi gaamai. Gai dugua ange maa de gau henua gee, ma denga gauligi gu deai olaadeu damana, aama denga haahine gu maakau olaadeu bodu. Gai Tagi Maolunga doo Maadua ga hagamanuuia ai au hegau alodahi.

Deuteronomy 24:20

De masavaa naa huu aau e hagailiili iho ai hua o au olive, i de masavaa o de hagihagi, gai e dahi donu huu au hanonga e hagailiili iho olaadeu hua. Gai koe dugua ange hua e doe gi de gau henua gee, ma denga gauligi gu deai olaadeu damana, aama denga haahine gu maakau olaadeu bodu.

Deuteronomy 24:21

De masavaa naa huu aau e hagihagi ai denga hua o dau veelengaa grape, gai koe aude ahe ange gi hagihagia mee e doe i de lua hanonga. Gai koe dugua ange mee e doe gi de gau henua gee, ma denga gauligi gu deai olaadeu damana, aama denga haahine gu maakau olaadeu bodu.

Judges 8:2

Aagai Gideon ga hai ange gi gilaadeu, “Agu mee gu hai tigi daea donu oodou mee gu hai! Gai denga momo hua o de veelengaa grape o Ephraim e danuaa ange i denga hua veelengaa grape alodahi o Abiezer!

Ruth 2:2

Dahi laangi gai a Ruth, de hine Moab, ne hai ange gi Naomi, “Au ga hano nei e tilo be goai e abodonu mai gi de au i de mommee iai denga veelenga, gai au ga ogo ai denga huamanu e malili i olaadeu dua.” Gai Naomi ga hai ange gi de ia, “Dagu damaa hine, hannoo!”