Leviticus 18:9 - De Beebaa Dabu

⁹ Aude dagodo haisala ma doo daina hahine, tamaa hine a doo damana, aabe go tamaa hine a doo dinana, e dee hilihili ia ne haanau i doo hale aabe go dahi mommee gee.

Leviticus 18:9 Iomraidhean Croise

Leviticus 20:17

Noo dahi daane e hai bodu ange gi dono daina hahine, e dee hilihili be gilaau se damana daudahi aabe se dinana daudahi, gai gilaau gu hagahebaa, de mee nei se hegau donu hagadookaa. Gai gilaau ngaadahi e vvae gee donu mai i daho olaau dangada. Taane laa tee hagadubu dono daina hahine, gai dono hagaduasala e dau ange donu gi de ia.

Ezekiel 22:11

E dahi dangada i oo daha e dagodo haisala ma de bodu o tangada e baa ange gi de ia, dahi dangada e dagodo haisala ma dono saulaba, gai dahi e dagodo haisala ma dono daina hahine, go tamaa hine a dono damana donu.

Deuteronomy 27:22

“E malaia tangada e dagodo haisala ma dono daina hahine, se damana daudahi aabe se dinana daudahi olaau.” Gai dangada alodahi gi hai ange, “Amen!”

Leviticus 18:11

Aude dagodo haisala ma tamaa hine ne hagadili i daho doo damana; ia se daina niiou.

Leviticus 18:10

Aude dagodo haisala ma tama daane a dau damaa hine, aabe go tamaa hine a dau damaa hine, e bei donu koe e hagangadi mee donu huu goe.