Leviticus 16:2 - De Beebaa Dabu

² Gai Tagi Maolunga ne hai ange gi Moses, “Daalaa ange gi doo daina go Aaron, ia gi dee humai gi lo te Aabi Dabu mmao, i lo te malo buibui i mada i mua o de pono o de tala haisala i honga de ngavesi o te hainga, i de masavaa aana e hilihili, gi dee magau ai ia. Go hiidinga au e hagasula mai i lo te hagausinga i honga de pono laa.

Leviticus 16:2 Iomraidhean Croise

1 Kings 6:16

Ia ne hai baabaa cedar ga hagaduu ai dahi mommee e madalua sugilima de looloa, i de bido gi tua o de hale, denga baabaa laa e hagatuu age i honga tagelo ga loage ai ga tuu gi denga ssanga, e hai ai dahi aabi e mua gi lodo i lo te hale dabu, go de Aabi Dabu mmao.

1 Kings 8:6

Gai de gau haimeedabu ne gaamai de ngavesi o de hagatoo donu hagaheloongoi a Tagi Maolunga ga dugu i dono duulanga, i lo te aabi e mua gi lodo i de temple, go de Aabi Dabu mmao, i lalo bakau o luu cherubim laa.

2 Chronicles 5:14

Gai de gau haimeedabu gu dee maua i de tuu i kilaa e hai ai alaadeu hegau i de hagausinga laa, go hiidinga de mahamaha o Tagi Maolunga gu hhao ma gu honu de hale o de Maadua.

Exodus 30:10

Dahi hanonga i de ngadau, gai Aaron e hagagilimalali hanga o de mommee o ssigidaumaha o mee maanongi, i dodo o ssigidaumaha e tala ai laa haisala. De mee nei e hai, i ngadau alodahi ange gi denga atangada e loomai. De mommee nei e dabu mmao ange gi Tagi Maolunga.”

Leviticus 16:13

Gai ia gi dugu ange mee maanongi laa gi honga denga maga ahi laa i mada luu mada o Tagi Maolunga, gi buu age ai de useahi o mee maanongi laa, gi honga de pono o de tala haisala, i honga ngavesi o de tala hagadonu, gi dee magau ai ia.

Leviticus 16:34

Deenei de hainga gu hagasauaa adu gi goodou ga hano ai, gai de tala ai haisala e hai ange gi de gau Israel i e dahi hanonga i de ngadau.” Gai Moses ne hai mee laa, bei de hai a Tagi Maolunga gu tala ange gi de ia.

Leviticus 23:27

“De madaangahulu laangi o de hidu malama nei, go de Laangi o de Tala Haisala. Gai se masavaa hagabuni dabu niiodou, gai goodou ga hagahiikai, ma de hai dahi sigidaumaha i de ahi ange gi Tagi Maolunga.

Leviticus 8:35

Gai goodou nnoho saele donu huu i gaogao de haitoga o de hale malo hagabuni i e hidu laangi ma e hidu boo, ga hai ai hegau a Tagi Maolunga gu tala adu gi goodou, gi dee maakau ai goodou; go hiidinga gu lava i de tala mai au gi daalaa adu gi goodou.”

Numbers 17:10

Gai Tagi Maolunga ga hai ange gi Moses, “Hagaahea togo o Aaron dugua i ma te ngavesi o de tala hagadonu, e hai ai dahi hagailonga ange gi gilaadeu e hai baasi mai gi de au. De mee nei e hai gi dee aahe ange gilaadeu gi nnanu i de au, gi dee maakau ai gilaadeu.”

Numbers 18:7

Gai goodou ma au dama daane e hai hegau a tangada haimeedabu, i de mommee o ssigidaumaha ma lo te Aabi Dabu mmao. Au gu gaavadu gi goodou hegau a tangada haimeedabu. Aagai be goai ange naa huu e humai e hagapaa ange gi de mommee dabu, gai e daa donu gi magau.”

Numbers 4:19

Aagai deenei dau hai e hai ai gilaadeu, gi dee maakau ai gilaadeu, i delaadeu loomai e hagapaa ange gi goloa dabu mmao laa: Aaron ma ana dana daane gi ulu gi lodo, gi vaevae ange hegau a dahi ma dahi aama ana mee e saabai.

Numbers 4:5

De masavaa naa huu o dangada i de mommee nnoho gaainga e ngaalue ai e hulo, gai Aaron ma ana dama daane gi dugua iho de malo buibui, ga haoli ai de ngavesi o de tala hagadonu.

Matthew 27:51

Gai tilo, de malo buibui i lo te temple gu masae iho i lunga ga sao i lalo. Gai gu ngalungalue de henua ma de mahangahanga denga hadu,

Hebrews 6:19

De tali hagalodolodo nei e dee haisala donu gai e dee ngalungalue, gai go de ataula e hagamakaga ange aagena odaadeu lodo, gai e hano ga ulu gi lo te aabi e mua gi lodo, i baasi lodo o de malo buibui,

Hebrews 9:25

Ia tee hanage hogi gi de langi e gaavange ia e hai ai ssigidaumaha i hanonga lagolago, bei de hai a tangada haimeedabu maolunga e kave ai laa hanu dodo e ulu ai i de Aabi Dabu mmao laa i ngadau alodahi, gai dodo laa e dee niiona donu.

Hebrews 9:3

Gai de baasi laa o de lua malo buibui go de aabi e hagaingoo ange laa go de Aabi Dabu mmao,

Hebrews 9:5

Gai ono elunga iai luu cherubim o de mahamaha, olaau bakau e doha ange gi honga de pono o de tala haisala. Aagai gidaadeu e dee maua i de pasa i dagodo alodahi o mee nei.

Revelation 15:8

Gai de useahi o de mahamaha o de Maadua ma dono sauaa gu hhao lo te hale dabu, gai gu deai donu dangada e maua i de ulu gi lo te hale dabu, ga dae ai gi de odi i de hai denga mee hagamaakau e hidu a denga dangada de langi dogohidu laa.