Leviticus 13:6 - De Beebaa Dabu

⁶ Gai tangada haimeedabu gi ahe ange gi diiloo mee laa i dua e hidu laangi, gai noo gu hagadaga ange de mahu, gai teai ange mee ne ssomo age i de gili o tangada, gai ia gi hagadaba bolo tangada laa gu gilimalali; de mee laa se damaa mangeo donu huu. Gai tangada laa gi daia ono malo, gai ia gu gilimalali.

Leviticus 13:6 Iomraidhean Croise

1 Kings 8:38

gai de masavaa naa huu o dahi oo dangada go de gau Israel e dalodalo ai ma de dangidangi, i de duasala ono lodo, gai ia ga huli ga haalo mai luoono lima gi de hale nei,

1 Kings 8:45

gai koe hagalaangona mai i de langi delaadeu dalodalo ma delaadeu dangidangi ga bale ange gilaadeu.

Psalm 19:12

Goai e maua gi iloo ono haisala? Koe gi degi mai gi ogu haisala e dee iloo laa.

Proverbs 20:9

Goai e maua i de hagadaba, “Au e gilimalali ogu lodo; au e gilimalali, au e dee haisala donu”?

Ecclesiastes 7:20

Ni muna abodonu, e deai donu se dangada heohi i henua i lalo e haia de mee heohi e dee haisala.

Isaiah 42:3

Ia e dee hhadi naa donu de aalege gu dai hadi laa, aabe diinei de wick gu dai made laa. Gai ia e hagamodu muna i de mee abodonu.

Leviticus 11:25

Gai tangada e dagidagina dahi manu magau i mee nei, e taa ono malo, gai ia e dee gilimalali ga dae ai gi de ahiahi.

Leviticus 11:28

gai tangada e sabaia manu maakau bee nei gi daia ono malo, gai ia e dee gilimalali ga dae ai gi de ahiahi. Manu bee nei e dee gilimalali adu gi goodou.

Leviticus 11:40

Gai tangada e gaina kano o de manu magau laa gi daia ono malo, gai ia gu dee gilimalali ga dae ai gi de ahiahi. Gai tangada ne sabaia laa de manu magau nei gi daia hogi ono malo, gai ia gu dee gilimalali hogi ga dae ai gi de ahiahi.

Leviticus 13:2

“De masavaa naa huu e dahi ai mee e hua, be se mangeo i de gili, aabe se mee augaua i de angaanga o tangada, bei dagodo o de magi lebelaa, gai gaamai ia gi daho tangada haimeedabu go Aaron, aabe go daho dahi ono hagadiilinga, gu hai laa gi se dangada haimeedabu.

Leviticus 13:5

Gai tangada haimeedabu gi ahe ange gi diiloo mee laa, i dua de hidu laangi, gai noo ia e gidee bolo go tagodo mau donu huu, tigi dolo gi daha, gai ia gi vaaea gee tangada laa mai i daho dangada i e hidu ange langi.

Leviticus 13:7

Aagai noo mangeo laa gu dolo gi daha, i dua dana hagaago ange gi tangada haimeedabu, e hagadonu ai bolo ia gu gilimalali, gai ia gi ahe mai ange gi daho tangada haimeedabu;

Leviticus 14:8

Gai tangada gu ieiangi laa gi daia ono malo, mage dahia ono ngaangaaulu alodahi, ga gaugau i vai, gai ia gu gilimalali. Gai dua naa huu mee nei gai ia gu maua i de ahe mai gi de mommee nnoho gaainga, gai ia gi dee ulu i dono hale i e hidu laangi.

Romans 14:1

Goodou abodonu ange gi tangada e baageaa i de gai, aagai gi dee hagadaumee i mee e dagodo geegee ai maanadu a dangada.

2 Corinthians 7:1

Denga daina hagamogomogo, go hiidinga denga hagatoo donu nei ni mee mai gi gidaadeu, deenei ai, gidaadeu ga hagagilimalali gidaadeu mai i denga mee alodahi e haia gi dee gilimalali de angaanga ma de hagasaalunga. Gai gidaadeu ga hai gi honu taadeu hai gi dabu gidaadeu i de madagu i de Maadua.

Deuteronomy 32:5

Gilaadeu ne hai hegau ange gi de ia i tee heohi, gilaadeu gu dee ni dama niiana i hiidinga olaadeu baubau; gilaadeu se atangada e hulo gee i de mee heohi ma de hadu muna.

Hebrews 10:22

Deenei ai, gidaadeu ga loomai e hagapaa ange gi de Maadua i de lodo se mee abodonu ma de gai e honu abodonu, gai tagi i odaadeu lodo gu hagagilimalali mai i de baubau, gai odaadeu angaanga gu gaugau i vai gilimalali.

Hebrews 9:10

Gai mee nei ni mee ange donu huu gi denga gai, ma mee unu, aama de hai e hagagilimalali ai. Mee nei alodahi ni hainga ange gi mee e hai ange gi de angaanga ga dae ai gi de masavaa o de hagatau hoou.

James 3:2

E lagolago donu odaadeu mee e haisala ai, gai noo tangada e dee haisala i ana muna e tala, gai ia se dangada gu heohi abodonu, ia gu maua hogi i de dagi dono angaanga alodahi.