Lamentations 5:6 - De Beebaa Dabu

⁶ Gimaadeu ne dugu ange gimaadeu gi Egypt ma Assyria, gi hanu ai amaadeu gai.

Lamentations 5:6 Iomraidhean Croise

Genesis 24:2

Gai Abraham ne hai ange gi dono daane hai hegau hugadoo e madua, go taane e diiloo ange ana mee alodahi, “Dugua ange doo lima gi lalo dogu bido i lalo,

2 Kings 10:15

De masavaa huu o Jehu ne hano gee ai i kilaa, gai Jehonadab, tama daane a Recab gu humai e hedae ange gi de ia. Gai Jehu ga hagaboo ange gi de ia, ga ssili ange, “Koe e dau mai naa gi dogu baasi, bei dogu hai e dau adu ai nei gi doo baasi?” Jehonadab ne hai ange, “Uaa, au e dau adu gi doo baasi.” Gai Jehu ga hai ange, “Noo koe e dau mai, gai koe haalo ina mai doo lima.” Gai Jehonadab ga haalo ange dono lima, gai Jehu ga hakage age ia gi lo tono hada hebagi.

Isaiah 57:9

Goodou ne hulo gi daho Molek ma denga lolo olive ma de hai gi lagolago oodou vai hagamaanongi. Goodou ne hai gi hulo oodou dangada sui gi tae gi denga mommee mmao, ma de hai gi loiho hanu gi tae gi de mommee o de gau maakau.

Jeremiah 2:18

Aagai gu aha gu hano ai goe gi Egypt e unu ai vai o de Nile? Gai gu aha gu hano ai goe gi Assyria, e unu ai vai o Euphrates?

Jeremiah 2:36

Gu aha gu ngadi aheahe saele ai naa goe, ma tee modu de sui oo haiava? Egypt e hagadogaa naa goe bei de hai a Assyria ne hai ai laa goe.

Jeremiah 50:15

Goodou hevaalogi i doodou masavaa e holiage ai de aduhale! De aduhale gu magulu, ono hale buibui makaga gu maoha, dono buibui gu oha iho. Go hiidinga deenei de hai a Tagi Maolunga e sui ange ai ana hegau: hai baasi ange gi de ia; suuia ange gi bei dagodo o ana mee gu hai.

Lamentations 4:17

Gimaadeu gu daalea i de tali, i teai donu se bale e humai; gimaadeu ne dagitilo mai i omaadeu hale hagaloosi maolunga be e dahi laa huaahenua e maua i de hagaola gimaadeu.

Ezekiel 17:18

Ia ne hagangadi mee de hagatoo donu i dana oha de hagatoo donu hagaheloongoi laa. Gai tilo, ia ne hagatoo donu aagai ia ne hai mee nei alodahi; deelaa ai, ia e dee ola naa donu.

Hosea 12:1

Ephraim e gai de madangi, ma de doolohi de madangi mai i dua i taiao ga boo ai. Gilaadeu e dee modu de hadu muna ma de vaivai hai dangada; gilaadeu e hai dahi hagatoo donu hagaheloongoi madali Assyria, ma de kave denga lolo gi Egypt.

Hosea 5:13

Gai de masavaa a Ephraim ne gidee ai dono magi, gai Judah ne gidee hogi dono maanuga, gai Ephraim ne hano gi Assyria e ssala ai dahi bale, ia ne hai hanu gi hulo gi de hodooligi maolunga laa. Aagai ia tee maua i de hagaieiangi ia, aabe go de hai gi mmahu ono maanuga.

Hosea 7:11

Ephraim gu bei dahi manu kono e lodo senga laa ma teai ana maanadu danuaa; ia e hagahi ange Egypt ma de hano gi Assyria.

Hosea 9:3

Gilaadeu e dee nnoho naa donu i de henua o Tagi Maolunga; Ephraim e ahe naa gi Egypt, ma de gai mee dee gilimalali i Assyria.