Lamentations 4:7 - De Beebaa Dabu

⁷ Olaadeu dagi e gilimalali ange i denga snow, ma de tea ange i denga vai uu; olaadeu angaanga e mmea ange i denga ruby, gai olaadeu hoolinga e bei denga sapphire.

Lamentations 4:7 Iomraidhean Croise

De Beebaa go Job 28:16

Dono hagamogomogo e dee bei goolo o Ophir, aabe go de hadu hagamogomogo go de onyx aabe go de sapphire.

De Beebaa go Job 28:18

Manu mangamanga ma crystal e dee maua hogi i de tala olaau dagodo; gai de hagaoanga o de heiangi e laumalie ange i de hagaoanga o denga ango.

Psalm 144:12

Gai amaadeu dama daane gi bei dagodo o denga manu e ssomo danuaa laa, gai amaadeu damaa hine gi bei dagodo o denga duludulu gu daadaa laa e hagaduu ai de hale o de hodooligi.

Psalm 51:7

Hagagilimalali ina au i de hyssop, gi gilimalali ai au; hakaugau ina mai au, gi tea ange ai au i denga snow.

Exodus 24:10

gai gilaadeu ne gidee de Maadua o Israel: de mommee i lalo luoono vae e bei dagodo o de mommee e hai i sapphire, gai e masalaba bei dagodo o lo te langi i lunga.

Song of Songs 5:10

Dogu dau soa e mahamaha ma de mmahi, ono dagodo e dubu ange i denga daane e dahisemada.

Song of Songs 5:15

Luoono vae e bei denga duludulu marble e hagatuu laa i honga denga dagelo goolo. Dono angaanga alodahi e bei de mounga go Lebanon, ma ono cedar danuaa hugadoo.

Daniel 1:15

Gai ga odi huu de madaangahulu laangi laa, gai ia gu gidee bolo denga dama daane laa e kii ange de ssomo danuaa ma de pedi i denga dama daane alodahi e gaimee laa i gai a de hodooligi.

Luke 1:15

go hiidinga ia e maolunga naa i mada luu mada o Tagi Maolunga, gai ia e dee alaange de unu uvaini ma mee mmahi, gai de Hagasaalunga Dabu e noho naa i ono daha, mai i de masavaa oona i lo te dinae ai o dono dinana.

Judges 13:5

Gai tilo, koe e hai dama naa ga haanau dahi dama daane. Gai ngaangaaulu o dono biho e dee tuu donu, go hiidinga tama daane naa se Nazirite, ia gu vvae gee ange gi de Maadua mai i dono haanau, gai ia e daamada naa de hagaola Israel mai i ssauaa o de gau Philistia.”

Judges 13:7

Aagai ia ne hai mai gi de au, ‘Tilo, koe e hai dama naa ga haanau dahi dama daane. Gai koe e dee unu uvaini aabe go mee vii, koe e dee gai hogi denga gai dee gilimalali, go hiidinga tama daane naa se Nazirite niio de Maadua mai i dono haanau ga dae ai gi dono magau.’ ”

Judges 16:17

Gai ia ga tala ange de muna abodonu gi de hine laa, ga hai ange, “Tigi ai donu se tuu ngaangaaulu o dogu biho i de leesaa, go hiidinga au se Nazirite gu hagadabu ange gi de Maadua, mai i dogu haanau. Gai noo gu tuu ngaangaaulu o dogu biho, gai ogu mahi gu hulo gee mai i ogu daha, gai au gu baageaa bei denga daane ange laa.”

1 Samuel 16:12

Gai Jesse ne aalu ga gaamai tama daane laa. Gai tama daane laa e somo mmahi dono angaanga, ma de mahamaha luoono mada ma dono angaanga. Gai Tagi Maolunga ga hai ange, “Hidi age hagadabu ina ia i de lolo; deenei tama aagu gu hili.”