Lamentations 4:6 - De Beebaa Dabu

⁶ De hagaduasala o ogu dangada gu kii ange i de hagaduasala o Sodom, go de aduhale ne moolau laa donu huu de oha, gai tee se dangada donu ne oohaa.

Lamentations 4:6 Iomraidhean Croise

Genesis 19:24

Gai Tagi Maolunga ga hagamalili iho gi honga o Sodom ma Gomorrah denga maga ahi kaa ma de ahi mai i de langi.

Genesis 19:25

Gai ia ga oha denga aduhale laa ma mommee alodahi e soe ai de henua aama dangada alodahi e nnoho i denga aduhale laa, aama manu e ssomo i honga de gelegele.

Isaiah 24:2

Gai e dagodo daudahi naa donu: tangada haimeedabu e bei naa dangada, tangada aamua e bei naa tangada hai hegau, de haahine aamua e bei naa de hine hai hegau, tangada hagao goloa e bei naa tangada e hagao ina goloa, tangada e gaavee sseene e bei naa tangada e gaavange sseene gi de ia, tangada e muli e bei naa tangada oona e muli ange aagena.

Jeremiah 20:16

Tangada laa gi bei denga aduhale a Tagi Maolunga e oha laa, ia e dee lodo aloha ange donu aagena; ia gi langona de hevaalogi o dangada i taiao, gai ia gi langona longo o de hebagi i de madohi lua o de laangi,

Jeremiah 23:14

Au gu gidee hogi dahi mee baubau mmao i magavaa o denga pelaabisi o Jerusalem: gilaadeu e dagodo haisala ma de hadu muna. Gilaadeu e bale ange dangada e haia de baubau, deelaa ai, gu deai donu se dangada daahuli gee i de baubau. Gai au gu gidee bolo gilaadeu gu bei donu dagodo o Sodom; gai dangada o Jerusalem gu bei dangada o Gomorrah.”

Lamentations 4:9

Dangada gu daia laa ma gu maakau i de gadilaasa e danuaa ange i gilaadeu e maakau laa i delaadeu saalohia; gilaadeu e kona de hiikai, gai gu panga, i hiidinga teai gai i honga denga veelenga.

Daniel 8:25

Gai ia e hai naa ga laumalie de hadu muna i de masavaa oona e hagadagadaga age ai, gai ia e maanadu naa bolo ia e maolunga. Gai de masavaa naa huu olaadeu gu nnoho paba ai, gai ia ga daa gu maakau dangada soa, ma de hebagi ange gi Tagi o denga dagi. Aagai ia e daa naa ga magau, gai e dee se dangada e daia ia.

Daniel 9:12

De Maadua ne hagassula ana muna gu tala laa, e hai baasi mai ai gi gimaadeu ma omaadeu dagi, ne dagina gimaadeu, i dana gaamai dahi hai ngadaa laumalie gi gimaadeu. Gai tigi ai ange donu se hegau bee nei ne hai i lalo de langi, bei mee gu hai ange gi Jerusalem.

Matthew 24:21

Go hiidinga e kona naa donu de vaivai haia o dangada i de masavaa laa, gai tigi ai ange donu se masavaa bee nei, mai i taamada age o henua i lalo ga dae mai ai gi iainei, gai e deai ange naa hogi se masavaa bee nei i muli mai.

Luke 10:12

Au e hai adu gi goodou: Sodom e danuaa ange i de aduhale laa i de laangi hagamodu muna.

Luke 12:47

Tangada hai hegau e iloo laa e ia mee o dono dangada aamua e lodo ai, aagai ia e dee hagadabena ange aagena aabe e hai gi bei lodo o dono dangada aamua e hagailiili naa donu i hanonga lagolago.