Lamentations 4:4 - De Beebaa Dabu

⁴ De alelo ma de ngudu o de gaagaa gu mmasa gee i dono hieunu; denga gauligi vaaligiligi gu dangidangi i hanu gai, gai gu deai donu se dangada e haangai ina ange gilaadeu.

Lamentations 4:4 Iomraidhean Croise

2 Kings 18:27

Aagai de Rabshakeh ne hai ange, “Dogu dangada aamua tee hai donu huu au gi humai gi daalaa adu muna nei gi goodou ma doodou dangada aamua, gai e tala ange hogi gi dangada alodahi e nnoho i honga de buibui o de aduhale — go dangada gu dai gai olaadeu duudae ma de unu olaadeu hagassui, bei oodou dagodo.”

2 Kings 25:3

Gai ssiva laangi huu o de haa malama o de ngadau laa, gai gu kona de onge i lo te aduhale, gu deai donu gai a dangada.

Psalm 137:6

Gai dogu alelo gi lau, noo au gu dee manadua goe, noo au e dee hai Jerusalem go dogu mee e malangilangi mmao ai.

Psalm 22:15

Ogu mahi gu masa bei de gumedi hadu, gai dogu ua gu buni; koe gu danu au i lo te gelegele o de magau.

Isaiah 5:13

Deelaa ai, ogu dangada e gaavee naa gi denga henua gee, go hiidinga teai selaadeu iloo mee; olaadeu daane maolunga e maakau naa i de hiikai, gai olaadeu hagabuulinga soa e maakau naa i de hieunu.

Jeremiah 14:3

De gau aamua gu hai olaadeu dangada hai hegau gi hulo gi asu vai; gilaadeu ne hulo gi de vai i lo te baba, aagai teai alaadeu vai ne gide. Gilaadeu ne aahe mai ma alaadeu ngadi manu vai; gilaadeu gu dookaa ma de ssenga ange, gilaadeu gu haoli olaadeu biho.

Lamentations 1:11

Ono dangada alodahi gu duasala i delaadeu hulo ga ssala alaadeu gai. Gilaadeu ne hagahesuihagi olaadeu goloa hagamogomogo i hanu gai, gi dee maakau ai gilaadeu. “Tagi Maolunga, galo mai diiloo dagodo o dogu hagangadi mee ina.”

Luke 10:11

‘Gimaadeu e luuluu donu hogi denga gelegele o doodou aduhale gu pigi mai laa gi omaadeu vae, e hai baasi adu ai gi goodou; gai goodou gi iloo bolo de nohoanga hodooligi o de Maadua gu baa mai donu!’

Deuteronomy 28:48

deenei ai, koe e hai hegau ange naa gi oo hagadaumee, go dangada a Tagi Maolunga e gaamai gi hagadee kii ina goe, i doo hiigai ma doo hieunu ma teai oo malo, aama de hagaau aloha i mee alodahi. Ia e hagauda adu naa de laagau hagahai hegau e hai i baalanga, gi honga doo eu, ga dae ai gi dana daa goe ga maakau.

Deuteronomy 32:24

Gilaadeu e hiikai naa i de onge laumalie, ma de vvela olaadeu angaanga i de magi, ma de mee hagamaakau. Au e hai naa gi loomai denga manu alasala gi gadigadia gilaadeu, ma labodo hagammau e tolo i honga de gelegele.