Lamentations 4:2 - De Beebaa Dabu

² Denga dama hagamogomogo o Zion, nogo hagamogomogo laa bei denga goolo, gu bei denga gumedi e hai i bela pigi, a tangada hai gumedi e hai laa i luoono lima!

Lamentations 4:2 Iomraidhean Croise

Isaiah 30:14

Gai e maoha naa bei dahi ssaa hadu ga ssii dagaligiligi; gai e deai naa donu se dalaa mee e doe e maua i de taa age ai hanu maga ahi i de mommee o de ahi, aabe go de asu age ai vai i lo te mee hhao vai.”

Isaiah 51:18

Gai gu deai dangada e dagina ia i magavaa o ana dama ne haanau; aabe go dahi gilaadeu aana ne haele e boogia dono lima ga dagi ai ia.

Jeremiah 19:1

Gai Tagi Maolunga ne hai mai, “Hannoo hagao ina mai dahi ssaa hadu i daho taane hai gumedi hadu. Gai koe ga kave hanu dagi o dangada ma hanu dagi o de gau haimeedabu madali goe,

Jeremiah 19:11

gai koe ga hai ange gi gilaadeu, ‘E hagadaba Tagi o denga hagabuulinga hebagi: Au e oha naa de huaadangada nei ma de aduhale nei bei de ssaa hadu a tangada hai gumedi hadu gu hhoa nei, gai e dee maua naa donu i de hagaahe ange e hai ange. Dangada e danu naa alaadeu dangada maakau i Topheth, ga dae ai gi teai mommee e doe e danu ai dangada.

Jeremiah 22:28

E aha, Jehoiachin se daane e hagangadi mee ina, gai e bei dahi gumedi hadu gu maoha laa, gai se ssaa e deai dangada e llodo ai? Gai gu aha gilaadeu ma ana dama gu gaavee gee ai gi dahi henua alaadeu e dee iloo?

Lamentations 2:21

Denga dama daane ma de gau maatua gu daakodo i lodo gelegele i honga haiava; agu damaa hine ma agu dama daane gu daia ma gu maakau i de gadilaasa. Koe ne daa gilaadeu ga maakau i de laangi oou ne lili ai; koe tee lodo aloha ange gi gilaadeu, aagai ne daa gilaadeu ga maakau.

Lamentations 5:12

Denga dagi gu daudau age i olaadeu lima; denga daane maatua gu dee hagadubulia.

Hosea 8:8

Israel gu oohaa ma gu maoha; ono dangada gu nnoho i denga huaahenua, gilaadeu gu bei de goloa gu deai laa ono haigamaiana.

Zechariah 9:13

Au e hholu naa Judah e hai ai dagu mee hholu; au e hai naa Ephraim go ono dao. Zion, au e hai naa oo daane gi hebagi ange gi Greece, ma de hai goe gi bei de gadilaasa a dahi daane hebagi mmahi.

2 Corinthians 4:7

Aagai de mee hagamogomogo nei e hhao i lodo ssaa e hai i bela pigi, e hagaago mai ai bolo ssauaa e dubu ange laa i mee alodahi se mee mai i daho de Maadua, e dee se mee mai i odaadeu.

2 Timothy 2:20

Lo te hale o tangada lava iai denga goloa goolo ma goloa selevaa, aagai iai hogi goloa e hai i laagau ma bela pigi; hanu ni mee ange gi hegau hagamogomogo, gai hanu ange gi hegau i de laa tubua.