Lamentations 4:16 - De Beebaa Dabu

¹⁶ Tagi Maolunga ne hai gi mavaevae saele gilaadeu, ia gu dee anga ange donu gi gilaadeu; de gau haimeedabu gu dee hagadubulia, gai dangada gu dee abodonu ange gi denga dagi.

Lamentations 4:16 Iomraidhean Croise

Genesis 49:7

Delaau llili gi hagamalaia, i hiidinga delaau llili e kona mmao, i delaau vaivai hai dangada! Au e hai naa olaau hagadiilinga gi mavaevae saele i magavaa o dangada o Jacob ma magavaa o dangada o Israel.

2 Chronicles 36:17

Tagi Maolunga ne hai hogi gi humai de hodooligi o de gau Babylon gi hai baasi ange gi gilaadeu, gai ia ne daa ga maakau alaadeu dama daane i de gadilaasa i lo te laadeu mommee dabu, ia tee lodo aloha ange donu gi dahi alaadeu dama daane, be se damaa hine, be se daane maadua, aabe se daane madumadua. Gai de Maadua ne dugu ange ia gi hagadee kii ina gilaadeu.

Psalm 106:27

ma de hai olaadeu hagadiilinga gi nnoho saele i daho denga huaahenua, aama de hai gi mavaevae saele gilaadeu gi denga henua gee.

Psalm 106:44

Gai ia ne galo ange ga tilo delaadeu duasala, i de masavaa aana ne langona ai delaadeu tangi.

Isaiah 24:2

Gai e dagodo daudahi naa donu: tangada haimeedabu e bei naa dangada, tangada aamua e bei naa tangada hai hegau, de haahine aamua e bei naa de hine hai hegau, tangada hagao goloa e bei naa tangada e hagao ina goloa, tangada e gaavee sseene e bei naa tangada e gaavange sseene gi de ia, tangada e muli e bei naa tangada oona e muli ange aagena.

Isaiah 47:6

Au ne lili i ogu dangada, ga hai gi dee se mee dabu dogu boolonga; au ne dugu adu goe gi hagadee kii ina gilaadeu, gai koe tee lodo aloha ange gi gilaadeu. Koe ne hagahai hegau kona donu hogi de gau madumaatua.

Jeremiah 15:4

Gai au e hai naa denga nohoanga hodooligi alodahi o henua i lalo gi maatagu i olaadeu dagodo, i hiidinga hegau a Manasseh tama daane a Hezekiah, de hodooligi o Judah ne hai i Jerusalem.

Jeremiah 24:9

Au e hai naa gilaadeu gi se mee hagamaatagu, ma de kino ai dangada, i denga nohoanga hodooligi alodahi o henua i lalo, gai gi se mee e hakadanga ai ma de pasa ai o dangada, gai gi se muna hagamalaia i henua alodahi, aagu e hai gilaadeu gi hulo aagena.

Jeremiah 52:24

Gai tagi o de gau hagaloosi ne kave tangada haimeedabu maolunga go Seraiah, ma Zephaniah dono dogolua, aama e dogodolu daane e hagaloosia ange de haitoga o de hale daumaha.

Lamentations 2:20

Tagi Maolunga, galo ange diiloo! Goai ange aau gu hai ange mee nei aagena? E heohi nei de gai a denga haahine alaadeu dama ne haanau, go alaadeu dama nogo tilo danuaa ange? E heohi nei de daa gi maakau o de gau haimeedabu ma denga pelaabisi i lo te mommee dabu o de Ia Aamua?

Lamentations 2:6

Ia gu oha dono baasi hale bei dagodo o dahi veelenga; ia gu oha dono mommee hagabuni. Tagi Maolunga gu hai Zion gi ngalo denga daonga ma denga Sabbath, ia ne hagangadi mee de hodooligi ma tangada haimeedabu i hiidinga de kona dono lili.

Lamentations 5:12

Denga dagi gu daudau age i olaadeu lima; denga daane maatua gu dee hagadubulia.

Ezekiel 5:10

Denga damana e gai naa alaadeu dama daane i oodou magavaa, gai denga dama daane e gai naa olaadeu damana; gai au e hagamodu naa oodou muna, ga hai gi mavaevae saele dangada e doe gi mommee o henua i lalo alodahi.

Deuteronomy 28:25

Gai Tagi Maolunga e hai naa gi dee kii goe i oo hagadaumee; koe e hano naa e hebagi ange gi gilaadeu i dahi haiava, gai oo dangada e saavini naa ga hulo gee mai i gilaadeu i e hidu haiava. Gai denga huaahenua e llele naa olaadeu mouli i delaadeu gidee mee e hai adu gi de goe.

Deuteronomy 32:26

Au ne hagadaba, ‘Au e hai naa gilaadeu gi mavaevae saele, ma de hai gi deai dangada e manadua gilaadeu;’

Hebrews 8:9

gai e dee bei donu dagu hagatoo donu hagaheloongoi ne hai madali olaadeu dubuna madagidagi, i dagu laangi ne poo ai olaadeu lima ga hagassao mai gilaadeu i de henua go Egypt, gai gilaadeu tee duudagi de daohi dagu hagatoo donu hagaheloongoi, deelaa ai, au tee anga ange gi gilaadeu, go Tagi Maolunga e hagadaba.