Lamentations 4:11 - De Beebaa Dabu

¹¹ Tagi Maolunga gu bole mmao, ia gu hagahai hegau dono lili, Ia gu dahu dahi ahi i Zion e dudu ai de aduhale alodahi.

Lamentations 4:11 Iomraidhean Croise

Isaiah 51:20

Au dama gu deai olaadeu mahi; gilaadeu e daakodo saele i dege o denga haiava bei de antelope gu lave laa i lo te galauna. Gilaadeu gu langona iho de bole o Tagi Maolunga, ma de hagasee a doodou Maadua gilaadeu.

Jeremiah 13:14

Au e hai naa gilaadeu gi bei denga ssaa hadu e hagadau hoohoa laa; go denga damana ma denga dama alodahi, go Tagi Maolunga e hagadaba. Au e dee aloha ange naa donu, be e abodonu ange, aabe e lodo aloha ange gi gilaadeu, ga dee daa ai gilaadeu gi maakau.’ ”

Jeremiah 17:27

Aagai noo goodou e dee hagallongo mai, goodou e dee hai gi dabu de laangi o Sabbath, ga dee hagauda mai mee laa lodo haitoga o Jerusalem i de laangi o Sabbath, gai au e dudu naa denga haitoga o Jerusalem aama ono hale danuaa, gai e dee maua naa donu i de diinei.’ ”

Jeremiah 21:14

Au e hagaduasala naa goodou gi bei hua o oodou hegau, go Tagi Maolunga e hagadaba. Au e haula naa dahi ahi i lodo henua i doo henua ga dudu ai mee alodahi i luu baasi.”

Jeremiah 36:7

Agu made gilaadeu e dalodalo ange naa gi Tagi Maolunga, gai gilaadeu alodahi e tili naa alaadeu hegau baubau, go hiidinga Tagi Maolunga gu kona mmao de lili ma de bole ma de hagatau e hai baasi ange gi de huaadangada nei.”

Jeremiah 7:20

Deenei ai, e hagadaba de Ia Aamua go Iahweh: Au e hai naa gi humai dogu lili aama dogu bole gi honga de mommee nei, ma honga o dangada ma manu dolodolo, ma honga manu ssomo ma hua o de gelegele. Mee nei e dudu naa, gai e dee maua naa donu i de diinei.”

Lamentations 2:1

De Ia Aamua gu haoli tamaa hine o Zion i de hagausinga o dono lili! Ia ne tili iho mai i de langi gi henua i lalo de mahamaha o Israel; ia tee manadua donu de mommee e dugu ange aagena luoono vae, i de laangi oona ne lili ai.

Lamentations 2:17

Tagi Maolunga gu hai gi bei dana hagatau, gai gu hagassula ana muna, go ana muna gu hagasauaa madagidagi loo. Ia gu oha de aduhale, ia tee lodo aloha ange donu aagena; ia gu hai de hagadaumee gi malangilangi i mee gu hai adu gi de goe, ma de hai oo hagadaumee gi mmahi ange i de goe.

Lamentations 2:3

Ia ne hai gi deai mahi o Israel i hiidinga de kona dono lili. Ia ne aau dono lima sauaa e buibui ai laa gilaadeu, i de masavaa o olaadeu hagadaumee ne loomai ai. Ia ne hai baasi ange gi Jacob bei dagodo o de ahi, ga hagallilo mee alodahi i kilaa.

Lamentations 2:4

Ia ne dada dana mee hholu bei hegau a de hagadaumee; gai dono lima madau gu baba donu. Ia ne daa ga maakau gilaadeu alodahi e tilo danuaa, bei hegau a de hagadaumee; ia ne llingi iho dono bole bei de ahi gi honga de hale malo o tamaa hine o Zion.

Lamentations 2:8

Tagi Maolunga gu baba ange e oha de buibui o tamaa hine o Zion. Ia gu dagi de uga haide e haide ai, gai tee hagaahe donu dono lima e oha ai laa. Ia ne hai denga mee hagamakaga i tua de buibui ma denga buibui gi hagaaloha olaadeu dagodo; gai mee nei alodahi gu maoha ma gu daakodo ai.

Lamentations 4:22

Tamaa hine o Zion, gu lava doo hagaduasala, i hiidinga oo baubau; ia e dee tili donu goe i denga henua gee. Aagai goodou de gau Edom, ia e hagaduasala naa goodou i hiidinga o oodou baubau, ma de hagaago mai oodou haisala.

Ezekiel 22:31

Deenei ai, au e hagaduasala donu gilaadeu i dogu lili, ma de hagallilo gilaadeu i dogu bole bei dagodo o de ahi. Au e sui ange naa donu alaadeu hegau, go de Ia Aamua go Iahweh e hagadaba.”

Ezekiel 36:18

Gai au ne hagaduasala gilaadeu i dogu bole i hiidinga gilaadeu ne daa ga maakau dangada i de henua, gai gilaadeu ne hai ga hakino gee de henua i olaadeu diinonga.

Ezekiel 6:12

Tangada i de mommee mmao e magau naa i denga mee hagamaakau, tangada i de mommee e baa mai e daia naa ga magau i de gadilaasa, gai tangada e ola mai i mee nei e magau naa i de onge. Gai au e hagaduasala naa gilaadeu i dogu lili.

Daniel 9:12

De Maadua ne hagassula ana muna gu tala laa, e hai baasi mai ai gi gimaadeu ma omaadeu dagi, ne dagina gimaadeu, i dana gaamai dahi hai ngadaa laumalie gi gimaadeu. Gai tigi ai ange donu se hegau bee nei ne hai i lalo de langi, bei mee gu hai ange gi Jerusalem.

Leviticus 26:28

gai au e hai baasi adu naa gi goodou i dogu lili, ma de hagaduasala goodou gi hidu hanonga e kii ange ai i hiidinga oodou haisala.

Zephaniah 2:2

i mua de dae mai o de masavaa gu hagasauaa laa, i mua de laangi o denga gili grain e ilihia laa ga gaavee, i mua de dae mai gi goodou de lili laumalie o Tagi Maolunga, i mua de dae mai gi goodou de laangi o de bole o Tagi Maolunga.

Zechariah 1:6

Aagai agu muna ma agu hainga ne hagasauaa gu tala ange gi ogu dangada hai hegau go denga pelaabisi, tee tuu ange laa gi oodou dubuna madagidagi? Gai gilaadeu ne daahuli olaadeu lodo ga hagataba, ‘Tagi o denga hagabuulinga hebagi ne hagaduasala gimaadeu gi bei dagodo o adaadeu hegau aama dahulinga, bei dana hai gu hagatau ai laa.’ ”

Luke 21:22

Gai aanei laangi o de hagaduasala e hagassula ai mee alodahi gu lava laa i de sisi.