Lamentations 3:9 - De Beebaa Dabu

⁹ Ia ne buibui dogu haiava i duudangaa hadu, ia ne hai gi pigo ogu haiava.

Lamentations 3:9 Iomraidhean Croise

De Beebaa go Job 19:8

De Maadua gu buibui dogu haiava, gi dee maua ai e au i de hano gi ui; ia gu haoli ogu haiava alodahi i de gohu.

Isaiah 30:28

Gai de madangi o dana manava e bei de mee mmilo, e hanage laa ga dae age gi de ua. Ia e luuluu naa denga huaahenua i lo te mee nonu e oohaa mee, ia e velo ange naa gi lodo ngudu o denga huaadangada de baalanga, ga dagi ai gilaadeu i de haiava dee heohi.

Isaiah 63:17

Tagi Maolunga, gu aha gu dugu mai ai naa goe gimaadeu gi hulo gee i oo haiava ma de hagamakaga omaadeu lodo, gimaadeu gu dee maatagu i de goe? Ahe mai i hiidinga o oo dangada hai hegau, go denga aamuli gu bolo adu gi de goe.

Lamentations 3:10

Ia e bei dagodo o de bea e noho laa ma e tali ai au, ma de laiono e mmuni laa ma e dagitilo ai.

Lamentations 3:11

Ia ne dada mai au i ssaelenga ga hangahanga dogu angaanga ma de tili au i kilaa, teai se dangada ne balea mai au.

Hosea 2:6

Deenei ai, au e pono naa dono haiava i denga manu daladala, ma de buibui ia gi dee gidee ai e ia dono haiava.