Lamentations 2:7 - De Beebaa Dabu

⁷ De Ia Aamua gu hagangadi mee dono mommee o ssigidaumaha, ma de tili dono mommee dabu. Ia gu dugu ange de hagadaumee gi oohaa denga buibui o ono hale danuaa; gilaadeu gu hagalongaa i lo te hale o Tagi Maolunga, bei mee e hai i laangi o dahi daonga gu hagailonga laa.

Lamentations 2:7 Iomraidhean Croise

2 Kings 25:9

Gai ia ne dudu de hale o Tagi Maolunga, ma de hale o de hodooligi, aama denga hale alodahi i Jerusalem. Ia ne dudu hogi denga hale hagamogomogo alodahi i kilaa.

2 Chronicles 36:19

Gai gilaadeu ne dudu de hale o de Maadua, ma de oha de buibui o Jerusalem; gilaadeu e dudu naa denga hale danuaa alodahi ma de oha denga goloa hagamogomogo alodahi i kilaa.

Psalm 89:39

Koe gu oha dau hagatoo donu hagaheloongoi ange gi doo dangada hai hegau; gai koe gu maga dono hau hodooligi gi lo te gelegele.

Isaiah 64:9

Tagi Maolunga, koe gi dee lili i gimaadeu; koe gi dee manadua omaadeu baubau ga hano ai. Gimaadeu e dangidangi adu, galo mai gi gimaadeu, gimaadeu alodahi go oo dangada.

Jeremiah 21:4

‘E hagadaba Iahweh, de Maadua o Israel: Tilo, au gu dai hai baasi adu naa gi goodou i goloa hebagi, oodou e hebagi ange ai naa gi de hodooligi o Babylon, ma de gau Babylon, i tua de buibui o de aduhale. Gai au e hagabuni mai naa gilaadeu gi lo te aduhale nei.

Jeremiah 26:18

“Micah taane Moresheth ne tala pelaabisi i de masavaa o Hezekiah, de hodooligi o Judah. Ia ne tala ange gi dangada alodahi o Judah, ga hai ange, ‘E hagadaba Tagi o denga hagabuulinga hebagi: Zion e hagabalabala naa bei de veelenga; Jerusalem e bei naa de hagabuudungaa mee maoha, gai tuuduu iai laa de temple e hai naa ga se lodo mee muimui.’

Jeremiah 26:6

gai au e hai naa de temple nei gi bei dagodo o Shiloh, gai de aduhale nei gi se muna hagamalaia i daho denga huaahenua alodahi o henua i lalo.’ ”

Jeremiah 32:29

Gai de gau Babylon e hebagi ange nei gi de aduhale nei e ulu mai naa ga dudu de aduhale i de ahi, madali denga hale a dangada e dudu ai laa mee maanongi ange gi Baal i tua olaadeu hale, aama de sigidaumaha ange mee unu gi denga diinonga ga hidi mai ai dogu bole.

Jeremiah 39:8

Gai de gau Babylon ne dudu de hale o de hodooligi ma hale o dangada, ma de oha iho de buibui o Jerusalem.

Jeremiah 4:26

Au ne galo ange ga tilo, gai de henua iai hua lagolago gu se ngadi mommee; ono aduhale alodahi gu oha ma gu maoha i mada luu mada o Tagi Maolunga ma dono bole laumalie.

Jeremiah 4:27

E hagadaba Tagi Maolunga, “De henua alodahi e maoha naa ga ngadi dagodo, gai au e dee oha naa donu gi odi.

Jeremiah 50:28

Hagalaangona adu leo o dangada e silivaahea saele ma gilaadeu ne saavini ga hulo gee mai i Babylon, ma gi hagailoo ina i Zion de hai a Tagi Maolunga, taadeu Maadua, ne sui ange ai mee ne hai ange gi dono temple.

Jeremiah 52:13

Gai ia ne dudu de hale o Tagi Maolunga, ma de hale o de hodooligi, aama hale alodahi i Jerusalem. Ia ne dudu hogi denga hale hagamogomogo alodahi i kilaa.

Lamentations 1:4

Denga haiava e hulo laa gi Zion gu hinangalosaa, go hiidinga gu deai dangada e loomai gi denga daonga gu hagailonga laa. Haitoga alodahi o de aduhale gu deai dangada iai, ono gau haimeedabu gu tangi; denga bua mmoe gu daemaha olaadeu lodo, gai Zion gu duasala mmao.

Lamentations 2:1

De Ia Aamua gu haoli tamaa hine o Zion i de hagausinga o dono lili! Ia ne tili iho mai i de langi gi henua i lalo de mahamaha o Israel; ia tee manadua donu de mommee e dugu ange aagena luoono vae, i de laangi oona ne lili ai.

Lamentations 2:5

De Ia Aamua gu bei dagodo o de hagadaumee; ia gu oha ma de holo Israel. Ia ne holo ono hale danuaa alodahi, ma de oha ono mommee buibui makaga. Ia gu hai gi laumalie de hinangalosaa ma de dangi o tamaa hine o Judah.

Ezekiel 24:21

‘Hai ange gi de gau Israel: E hagadaba de Ia Aamua go Iahweh: Tilo, au e hai naa gi hakino gee dogu mommee dabu, go de hale buibui makaga oodou e tuhi naa, ma de llodo ai mmao, aama de malangilangi ai, gai oodou dama daane ma damaa hine e doe e daia naa ga maakau i de gadilaasa.

Ezekiel 7:24

Gai au e gaamai naa de gau baubau hugadoo i denga huaahenua gi gaavee olaadeu hale gi nnoho ai; gai au e hai naa gi deai se hagamaolunga o olaadeu daane mmahi, ma de hai gi dee gilimalali olaadeu mommee daumaha.

Leviticus 26:31

Au e oha naa gi maoha oodou aduhale, gai ni mommee dabu gi ngadi daakodo, gai au e dee hagadungu naa donu oodou sigidaumaha nnamu kala.

Leviticus 26:44

Aagai e dee galemu naa donu delaadeu hai mee nei alodahi, gai de masavaa naa huu olaadeu e nnoho ai i de henua o olaadeu hagadaumee, gai au e dee tili donu i gilaadeu, be e kino i gilaadeu, aabe daa gilaadeu gi odi i de maakau, ga oha ai dagu hagatoo donu hagaheloongoi ne hai madali gilaadeu. Go au donu go Iahweh delaadeu Maadua.

Amos 2:5

Au e gaamai naa de ahi e dudu ai Judah gai e dudu naa donu gi deai mommee buibui makaga o Jerusalem.”

Micah 3:12

Deenei ai, Zion e hagabalabala ina naa bei de veelenga i oodou hiidinga. Jerusalem e bei naa dahi hagabuudungaa mee maoha, gai tuuduu iai laa de temple e hai naa ga se lodo mee muimui.

Matthew 24:2

Aagai ia ga hai ange gi gilaadeu, “Goodou gu gidee mee nei alodahi? Ni muna abodonu aagu e hai adu nei gi goodou: e deai naa donu se hadu daudahi e dagodo i honga dahi hadu. Gai e odi naa donu i de tili iho.”