Lamentations 2:3 - De Beebaa Dabu

³ Ia ne hai gi deai mahi o Israel i hiidinga de kona dono lili. Ia ne aau dono lima sauaa e buibui ai laa gilaadeu, i de masavaa o olaadeu hagadaumee ne loomai ai. Ia ne hai baasi ange gi Jacob bei dagodo o de ahi, ga hagallilo mee alodahi i kilaa.

Lamentations 2:3 Iomraidhean Croise

2 Chronicles 34:25

Gilaadeu gu tili au gai gu sigidaumaha ange mee maanongi gi denga diinonga, ga hagadaemaha ogu lodo i alaadeu hegau alodahi gu hai. Deenei ai, au e hai baasi ange gi de mommee nei i dogu lili, gai e dee maua donu i de haganoho.’

De Beebaa go Job 16:15

Au gu dui malo daladala e haoli ai dogu angaanga, au gu danu dogu hanga i lo te gelegele.

Psalm 132:17

Au e hagasula age naa dahi hagadiilinga o David gi hodooligi i kilaa; ma de hagaduu age dahi laama ange gi de ia aagu e hagadabu i de lolo.

Psalm 74:11

Gu aha gu dee hagaabo ai naa doo lima, doo lima madau? Gai gu aha gu dee aau mai ai naa doo lima i oo hadahada e daa ai gilaadeu?

Psalm 75:10

Au e hai naa donu gi deai mahi o de gau baubau alodahi, aagai au e hai naa gi hagadagadaga age mahi olaadeu e heohi.

Psalm 75:5

aude hagamaolunga gi hai baasi ange ai gi de langi, aude basa hagamaolunga i de hagamakaga oo lodo.’ ”

Psalm 79:5

Tagi Maolunga, dee hee maa taulooloa? Koe ga duudagi naa donu huu doo lili i gimaadeu ga hano ai? Dee hee maa taulooloa de kona doo maagoda bei de ahi ula?

Psalm 89:24

Au e hai hegau ange gi de ia i de mee abodonu ma de aloha, gai au e hagaamua naa ia i ssauaa o dogu ingoo.

Psalm 89:46

Tagi Maolunga, dee hee maa taulooloa? Koe ga mmuni naa donu i gimaadeu ga hano ai? Dee hee maa taulooloa doo bole bei de ahi mmahi?

Isaiah 1:31

Taane mmahi e bei dahi deleisi, gai ana hegau e bei dahi galo ahi; luu mee nei ngaadahi e dudu naa, gai e deai donu se dangada e maua i de diinei.

Isaiah 42:25

Deelaa ai, ia ne gaamai gi de ia de hagaduasala i de kona dono lili, ma de hebagi laumalie. Gai ne duuli luoono baasi i de ahi ula, aagai ia tee donu ange aagena; de ahi ne dudu ia, aagai gilaadeu tee maanadu dagodo o mee laa.

Jeremiah 21:14

Au e hagaduasala naa goodou gi bei hua o oodou hegau, go Tagi Maolunga e hagadaba. Au e haula naa dahi ahi i lodo henua i doo henua ga dudu ai mee alodahi i luu baasi.”

Jeremiah 4:4

Goodou gi tuu dagaholiage ange gi Tagi Maolunga, gai tuu dagaholiage ina oodou lodo, goodou e dangada o Judah ma dangada o Jerusalem; kana humai dogu bole bei de ahi ula e dee maua laa i de diinei, i hiidinga o oodou hegau baubau.

Jeremiah 48:25

De hanga o Moab gu tuu ma gu doo; gai dono lima gu hadi, go Tagi Maolunga e hagadaba.

Jeremiah 7:20

Deenei ai, e hagadaba de Ia Aamua go Iahweh: Au e hai naa gi humai dogu lili aama dogu bole gi honga de mommee nei, ma honga o dangada ma manu dolodolo, ma honga manu ssomo ma hua o de gelegele. Mee nei e dudu naa, gai e dee maua naa donu i de diinei.”

Lamentations 1:13

Ia ne hai gi hano iho de ahi i de mommee maolunga, gi duungia lodo ogu ivi. Ia ne hhola dahi galauna e buulou ai luoogu vae; gai ia ga hagaahe dua ai au. Ia ne tili au gi noho sogosogo, ma teai ogu mahi mai i taiao ga boo ai.

Lamentations 4:11

Tagi Maolunga gu bole mmao, ia gu hagahai hegau dono lili, Ia gu dahu dahi ahi i Zion e dudu ai de aduhale alodahi.

Ezekiel 13:13

Deenei ai, e hagadaba de Ia Aamua go Iahweh: Au e hai naa gi ssau mai de madangi mmahi i dogu bole, ma de hai gi pala iho de langi maadolu madali denga duudangaa haisi ga oha ai de buibui laa.

Ezekiel 7:14

Gai ga ili naa donu gilaadeu de trumpet ma de hagadabena mee alodahi, aagai e deai donu dangada e hulo i de hebagi, go hiidinga dogu bole gu i honga de hagabuulingaa dangada laa.

Nahum 1:6

Goai e bau ange gi dono bole? Goai e maua gi ola noo e kona dono lili? Dono bole e humai bei de ahi ula, denga hadu e mahangahanga i ono mada i mua.

Malachi 4:1

“Gai tilo, e dae mai naa de laangi o de ahi ula, bei de ahi i lo te mommee dao mee. Gai de gau hagamaolunga ma dangada alodahi e haia de baubau, e dudu naa i de ahi, bei denga lau manu mmasa, go Tagi o denga hagabuulinga hebagi e hagadaba, gai e deai naa donu se aga aabe se laa daudahi e doe.

Luke 1:69

ia gu gaamai gi gidaadeu dahi Ia Hagaola mmahi, mai i de aamuli o dono dangada hai hegau go David,

Luke 3:17

Ia e poo i dono lima dana laagau nonu grain, gai ia ga hagamalaelae ai dana mommee hili huamanu, gai ga hagabudu denga grain i lo tana mommee doange grain, aagai ia ga dudu denga gili i de ahi e dee maua laa i de diinei.”

Deuteronomy 32:22

Gai de ahi gu hakaa i hiidinga o dogu lili, gai e ula ga hano gi de mommee o de gau maakau, gai e dudu naa honga de henua ma mee alodahi e ssomo ai, ma de haula ga kaa daahido o denga mounga.