Lamentations 2:2 - De Beebaa Dabu

² De Ia Aamua tee lodo aloha ange donu gai ne oha mommee nnoho alodahi o Jacob; ia ne oha mommee buibui makaga o tamaa hine o Judah i dono bole. Ia ne oha iho dono nohoanga hodooligi, ma de hai gi dee hagadubulia ono dagi.

Lamentations 2:2 Iomraidhean Croise

De Beebaa go Job 2:3

Gai Tagi Maolunga ne ssili ange gi Satan, “Koe gu gidee naa dagodo o dogu dangada hai hegau go Job? E deai ange donu se dangada e bei ono dagodo i henua i lalo; ia e dee haisala ma de heohi, gai e madagu i de Maadua, ma de kino i de baubau. Gai ia goi duudagi donu huu de hai hegau i de muna abodonu, e dee galemu donu koe gu hai au gi hai baasi ange gi de ia, ma de hagaduasala ia, gai e deai donu hiidinga.”

Psalm 21:9

Koe e hai naa gilaadeu gi bei de mommee iai de ahi ula, i de masavaa oou e hagasula mai ai. Tagi Maolunga e daa naa gilaadeu ga odi i dono bole, gai dana ahi e dudu naa gilaadeu ga odi.

Psalm 74:7

Gilaadeu gu dudu doo mommee dabu ma gu odi iho gi honga de gelegele; gilaadeu gu hai ma gu dee gilimalali de mommee iai doo ingoo.

Isaiah 22:5

De Ia Aamua, Tagi o denga hagabuulinga hebagi gu hagadabena dahi laangi hagalongaa, ma de hagadee kii aama de hagamaatagu, i lo te Geelonga o Midi Hagaago ange, se laangi e oha ai de buibui o de aduhale, ma de oo ai o dangada i lodo mounga.

Isaiah 23:9

De hagatau nei nii Tagi o denga hagabuulinga hebagi gai ia ga oha ai de mahamaha alodahi o Tyre e hagamaolunga ai laa, ma de hai gi hagangadi mee ina gilaadeu alodahi e hagadubulia laa i henua i lalo.

Isaiah 25:12

Gai de Maadua e oha naa doo buibui makaga ga hai gi baguu gi honga de gelegele, ga dagodo ai i lodo gelegele.

Isaiah 26:5

Ia gu hagamaolalo gilaadeu e nnoho i de mommee maolunga, ma de hai gi maolalo de aduhale maolunga; ia e oha iho naa ga hai gi dagodo i honga de gelegele, ma de maga iho gi lo te gelegele.

Isaiah 27:11

De masavaa naa huu o ono laa vaaligi e mmasa ai, gai gu hadihadi, gai denga haahine ga hai ai alaadeu ahi. Gai de huaadangada nei e dee maua donu gi tonu ange, gai de ia ne haia gilaadeu tee lodo aloha i gilaadeu; de ia ne haia gilaadeu tee abodonu ange gi gilaadeu.

Isaiah 43:28

Gai au e hagangadi mee naa denga dagi o doo mommee dabu, ma de hai gi oohaa Jacob, ma de hai gi hagangadi ina Israel.

Isaiah 47:6

Au ne lili i ogu dangada, ga hai gi dee se mee dabu dogu boolonga; au ne dugu adu goe gi hagadee kii ina gilaadeu, gai koe tee lodo aloha ange gi gilaadeu. Koe ne hagahai hegau kona donu hogi de gau madumaatua.

Jeremiah 13:14

Au e hai naa gilaadeu gi bei denga ssaa hadu e hagadau hoohoa laa; go denga damana ma denga dama alodahi, go Tagi Maolunga e hagadaba. Au e dee aloha ange naa donu, be e abodonu ange, aabe e lodo aloha ange gi gilaadeu, ga dee daa ai gilaadeu gi maakau.’ ”

Jeremiah 19:15

“E hagadaba Tagi o denga hagabuulinga hebagi, de Maadua o Israel: Tilo, au e hai naa gi humai gi de aduhale nei ma ono aduhale vaaligiligi alodahi de hai ngadaa aagu gu tala laa bolo e hai ange gi gilaadeu, go hiidinga gilaadeu ne hagamakaga olaadeu lodo, gilaadeu tee llodo e hagallongo mai gi agu muna.”

Jeremiah 21:7

Gai dua naa huu mee nei, go Tagi Maolunga e hagadaba, gai au e dugu ange naa de hodooligi o Judah go Zedekiah, ma ono dagi o de hebagi aama dangada tee maakau laa i de mee hagamaakau, be go de gadilaasa aabe go de onge, gi de hodooligi o Babylon go Nebuchadnezzar, aama olaadeu hagadaumee e nnoho laa e daia gilaadeu gi maakau. Gai ia e daa naa gilaadeu i de gadilaasa; ia e dee damaa aloha ange naa donu gi gilaadeu aabe lodo aloha ange gi gilaadeu.’

Jeremiah 5:10

Hannoo laa lodo ana veelengaa grape ga oohaa ai, aagai e dee oha gi odi. Aaua gi odi iho ono laa, go hiidinga gilaadeu e dee nii Tagi Maolunga.

Lamentations 2:17

Tagi Maolunga gu hai gi bei dana hagatau, gai gu hagassula ana muna, go ana muna gu hagasauaa madagidagi loo. Ia gu oha de aduhale, ia tee lodo aloha ange donu aagena; ia gu hai de hagadaumee gi malangilangi i mee gu hai adu gi de goe, ma de hai oo hagadaumee gi mmahi ange i de goe.

Lamentations 2:21

Denga dama daane ma de gau maatua gu daakodo i lodo gelegele i honga haiava; agu damaa hine ma agu dama daane gu daia ma gu maakau i de gadilaasa. Koe ne daa gilaadeu ga maakau i de laangi oou ne lili ai; koe tee lodo aloha ange gi gilaadeu, aagai ne daa gilaadeu ga maakau.

Lamentations 2:5

De Ia Aamua gu bei dagodo o de hagadaumee; ia gu oha ma de holo Israel. Ia ne holo ono hale danuaa alodahi, ma de oha ono mommee buibui makaga. Ia gu hai gi laumalie de hinangalosaa ma de dangi o tamaa hine o Judah.

Lamentations 3:43

Koe ne saabini goe i doo lili ga doolohi ai gimaadeu; koe ne daa gimaadeu ga maakau, koe tee lodo aloha mai donu.

Ezekiel 5:11

Deenei ai, au e hagatoo donu i dogu mouli, go de Ia Aamua go Iahweh e hagadaba, go hiidinga goodou gu hai gi hakino gee dogu mommee dabu i oodou diinonga hakino gee lagolago, ma oodou hegau hakino gee alodahi, au e tili naa goodou; au e dee lodo aloha adu naa gi goodou aabe hagaola goodou.

Ezekiel 7:4

Gai au e dee lodo aloha adu naa donu gi goodou aabe hagaola goodou; au e hagaduasala naa donu i hiidinga oodou hegau baubau, ma denga dahulinga hakino gee e hai i oodou magavaa. Gai gi iloo ai e goodou bolo go au donu go Iahweh.

Ezekiel 7:9

Au e dee lodo aloha adu naa donu gi goodou aabe hagaola goodou; gai au e sui adu naa donu gi bei dagodo o oodou hegau ma oodou dahulinga hakino gee. Gai gi iloo ai e goodou bolo go au donu go Iahweh, ne hagailia goodou.

Ezekiel 8:18

Deenei ai, au e hagaduasala naa gilaadeu i dogu bole; au e dee lodo aloha ange naa donu gi gilaadeu aabe hagaola gilaadeu. Gai ga kona naa donu delaadeu oo mai gi lodo luoogu dalinga, gai au e dee hagallongo donu gilaadeu.”

Ezekiel 9:10

Gai au e dee lodo aloha ange naa donu gi gilaadeu aabe hagaola gilaadeu, aagai au e hagaduasala naa donu gilaadeu i hiidinga alaadeu hegau.”

Micah 5:14

Au e unuunusi age naa duludulu laagau o Asherah ga aau gee mai i oo daha, ma de oha oo aduhale.

Malachi 1:4

Gai ga hagataba naa donu de gau Edom, “Demaadeu henua gu oohaa, gai gimaadeu e hagaduu age ange naa,” aagai e hagadaba Tagi o denga hagabuulinga hebagi: “Gilaadeu e hagaduu age naa, aagai au e oha iho naa donu. Gai gilaadeu e hagaingoo ange naa go de Henua Baubau, gai se huaadangada e nnoho i lalo de bole o Tagi Maolunga ga hano ai.

Matthew 18:33

gai tee danuaa hogi doo degi ange gi doo soa hai hegau, bei dagu hai ne degi adu ai laa gi de goe?’

2 Corinthians 10:4

Gai odaadeu goloa hebagi e dee ni mee niio henua i lalo, aagai go ssauaa o de Maadua e oha ai laa denga buibui makaga o de hagadaumee.

Deuteronomy 28:52

Gai gilaadeu e loomai naa ga duuli oo aduhale alodahi, ga dae ai gi delaadeu oha denga aduhale buibui i honga doo henua alodahi, aau e tali hagalodolodo ange naa aagena. Gilaadeu e duuli naa goe gi dee maua i de ssao mai i lodo aduhale, i de henua alodahi a Tagi Maolunga doo Maadua e gaavadu gi de goe.

Deuteronomy 32:22

Gai de ahi gu hakaa i hiidinga o dogu lili, gai e ula ga hano gi de mommee o de gau maakau, gai e dudu naa honga de henua ma mee alodahi e ssomo ai, ma de haula ga kaa daahido o denga mounga.