Lamentations 2:15 - De Beebaa Dabu

¹⁵ Dangada alodahi e seesee laa oo gaogao e baabaa naa olaadeu lima i de goe; gilaadeu e hagavogivogi ma de geugeu olaadeu biho i hiidinga o tamaa hine o Jerusalem, ga ssili: “Deenei de aduhale e hagaingoo ange laa bolo e mahamaha mmao, gai henua i lalo alodahi e malangilangi ai?”

Lamentations 2:15 Iomraidhean Croise

2 Kings 19:21

Aanei muna a Tagi Maolunga gu tala e hai baasi ange ai gi de ia: ‘De bua moe o Zion e hagangadi mee ma de doo mee i de goe. Tamaa hine o Jerusalem e geugeu dono biho i doo savini e hano gee.

2 Chronicles 7:21

Gai dangada alodahi e seesee i gaogao de hale maolunga nei e llele naa olaadeu mouli, ga ssili, ‘Gu aha Tagi Maolunga gu hai ai nei de henua aama de hale nei bee nei?’

Psalm 109:25

Au gu se mee e kada ai dangada; gilaadeu e geugeu olaadeu biho i delaadeu gide au.

Psalm 22:7

Gilaadeu alodahi e gidee au e doo mee i de au; gilaadeu e hagasomosomo mai olaadeu alelo gi de au, ma de geugeu olaadeu biho:

Psalm 48:2

e mahamaha gai e maolunga, go de mommee e malangilangi ai henua i lalo alodahi, go de mounga go Zion, e duu laa i baasi ngaiho, go de aduhale o de Hodooligi maolunga.

Psalm 48:3

De Maadua gu noho i ono hale buibui makaga, ia gu hagaago mai bolo go ia de mommee buibui makaga.

Psalm 50:2

De maalama o de Maadua e hagaago mai i Zion, go de aduhale e honu abodonu dono mahamaha.

Psalm 64:8

Ia e hai naa alaadeu muna donu gi hai baasi ange gi gilaadeu, gai ia ga oha ai gilaadeu; dangada alodahi e gidee gilaadeu e geugeu naa olaadeu biho.

Isaiah 28:21

Tagi Maolunga e hidi age naa bei dono hidi age i de mounga go Perazim; ia e bole naa bei dono bole i de geelonga o Gibeon, ga hai ana hegau, go ana hegau hagalele mouli, ma de hagassula ana hegau, go ana hegau e dagodo gee.

Isaiah 37:22

aanei muna a Tagi Maolunga e hai baasi ange ai gi de ia: De bua moe o Zion e hagangadi mee ma de doo mee i de goe. Tamaa hine o Jerusalem e geugeu dono biho i doo savini e hano gee.

Isaiah 64:11

Demaadeu temple dabu ma de mahamaha, go de mommee omaadeu maadua ne tuhi ai goe, gu dudu i de ahi; gai omaadeu goloa hagamogomogo alodahi gu maoha ma e daakodo ai.

Jeremiah 18:16

Gai delaadeu henua e hai naa ga se mee hagamaatagu, gai se mommee e hagavogivogi ai dangada i de lele olaadeu mouli ga hano ai; gai dangada alodahi e seesee laa kilaa e geugeu naa olaadeu biho i delaadeu llele olaadeu mouli i ono dagodo.

Jeremiah 19:8

Gai au e hai naa de aduhale nei gi se mee hagamaatagu, ma de llele ai mouli o dangada. Dangada alodahi e seesee mai laa kilaa e llele mouli naa ga hagavogi i de maoha o de mommee laa.

Jeremiah 25:18

go Jerusalem ma aduhale alodahi o Judah, ma denga hodooligi ma dagi i kilaa, gai ia ga oha ai mommee nei ga hai gi ngadi daakodo, ma de hai gi ni mommee hagamaatagu, ma de llele ai mouli o dangada aama de hagamalaia, bei delaadeu hai gu daakodo ai anailaa nei;

Jeremiah 25:9

tilo, au e aalu naa gi loomai denga huaadangada alodahi i ngaiho, ma dogu dangada hai hegau go Nebuchadnezzar, go de hodooligi o Babylon, go Tagi Maolunga e hagadaba. Au e gaamai naa gilaadeu gi hebagi ange gi de henua nei, ma dangada e nnoho ai, aama denga huaahenua i luu baasi doodou henua. Gai au e hagailonga naa de mommee nei e oha gi odi, ma de hai gi se mee hagamaatagu, ma de llele ai mouli o dangada, gai e ngadi daakodo naa ga hano ai.

Jeremiah 26:6

gai au e hai naa de temple nei gi bei dagodo o Shiloh, gai de aduhale nei gi se muna hagamalaia i daho denga huaahenua alodahi o henua i lalo.’ ”

Jeremiah 29:18

Au e doolohi naa gilaadeu i de gadilaasa, ma de onge aama de mee hagamaakau, ma de hai gilaadeu gi se mee hagamaatagu ange gi denga nohoanga hodooligi alodahi o henua i lalo, gai gi se mee hagamalaia, aama de mee hagamaatagu, ma de llele ai mouli o dangada, ma de hagangadi mee ina i daho denga huaahenua aagu e hai gilaadeu gi hulo aagena.

Jeremiah 48:27

E aha, koe tee hakadanga laa i Israel? E aha, ia ne gidee mai laa i magavaa o de gau gaiaa, gai koe ga hagammae manava ai ia i de masavaa aau e basa ai i de ia?

Jeremiah 51:37

Gai Babylon e bei naa dahi hagabuudungaa mee maoha, gai se mommee e nnoho ai denga jackal, se mommee hagamaatagu, ma de llele ai mouli o dangada, gai se mommee gu deai dangada e noho ai.

Lamentations 1:21

Dangada gu langona dogu gonogono, aagai e deai donu se dangada e hagaaneane ina ogu lodo. Ogu hagadaumee alodahi gu langona dogu hai ngadaa; gilaadeu gu malangilangi i au mee gu hai mai gi de au. Haia gi moolau de dae mai de laangi aau gu lava laa i de hagailoo, gi bei ai gilaadeu ogu dagodo.

Lamentations 1:8

Jerusalem gu kona mmao de haisala, gai de aduhale gu dee gilimalali. Dangada alodahi nogo hagadubu ina laa ia gu kino i de ia, go hiidinga gilaadeu gu gidee dono gilisau; gai de aduhale gu gonogono, ma de huli gee luoono mada.

Lamentations 2:16

Oo hagadaumee alodahi e hai baasi adu naa gi de goe i alaadeu muna; gilaadeu e hagavogivogi, ma de kadi adu olaadeu gauvae gi de goe, gilaadeu ne hagataba, “Gimaadeu gu oha de aduhale laa! Deenei donu demaadeu laangi nogo tali laa, gai iainei gu dae mai ma gu gidee e gimaadeu!”

Lamentations 2:6

Ia gu oha dono baasi hale bei dagodo o dahi veelenga; ia gu oha dono mommee hagabuni. Tagi Maolunga gu hai Zion gi ngalo denga daonga ma denga Sabbath, ia ne hagangadi mee de hodooligi ma tangada haimeedabu i hiidinga de kona dono lili.

Ezekiel 16:13

Gai koe ne hagalaagii i goolo ma selevaa; gai oo malo ne hai i linen danuaa, ma siliga, gai gu maaga. Gai koe ne gai denga pelaoaa danuaa ma hooni aama lolo. Gai koe gu mahamaha mmao, gai ne hai ga se hine hodooligi.

Ezekiel 16:14

Gai oo longo gu dele i magavaa o denga huaahenua i hiidinga o doo mahamaha, gai e honu danuaa i hiidinga go au ne gaavadu doo mahamaha, go de Ia Aamua go Iahweh e hagadaba.

Ezekiel 23:32

E hagadaba de Ia Aamua go Iahweh, Koe e unu naa hogi i de ubu a doo daina hahine, se ubu laumalie ma de gelo; dangada e kada naa ma de hagammae manava goe, go hiidinga de ubu laa e honu malingilingi.

Ezekiel 25:6

Deenei ai, e hagadaba de Ia Aamua go Iahweh: Go hiidinga goodou ne baabaa oodou lima ma de llele gi lunga ma lalo ga malangilangi i hiidinga doodou kino i de henua go Israel,

Ezekiel 5:15

Koe e hagangadi mee ina naa ma de tala hakadanga i daho dangada, gai se mee hagamaatagu ange gi denga huaahenua e paa adu gi de goe, i de masavaa aagu e hagaduasala ai goe i dogu lili ma de bole aama de kona dagu hagasee goe — go au donu go Iahweh e hagadaba —

Daniel 9:16

De Ia Aamua, au e dangidangi adu, hagahelui ina doo lili ma doo bole i doo aduhale go Jerusalem, go doo mounga dabu, i hiidinga o omaadeu haisala ma baubau o omaadeu dubuna, gi bei dagodo o au hegau heohi alodahi. Jerusalem ma doo huaadangada gu se mee e hakadanga ai dangada alodahi e paa mai gi gimaadeu.

Micah 6:16

Koe ne kana ange ga daohi hainga a Omri, ma hegau alodahi a de huaabodu o Ahab; goodou e daudali i alaadeu hagasaele. Deelaa ai, au e hai naa goe gi ngadi dagodo, gai oo dangada e hai naa ga llele mouli o dangada, ma de hagangadi mee ina daho dangada.”

Nahum 3:19

Gai gu deai donu mee e hagaieiangi ina goe; doo maanuga gu se mee hagamaakau. Dangada alodahi e langona oo longo e baabaa naa olaadeu lima. Go hiidinga goai tee langona iho tuasala i au hegau alasala ne hai?

Zephaniah 2:15

Deenei de aduhale nogo duuhia laa ono dagodo, ma de noho baba i mua, ma de hagadaba i ono lodo, “Go au tahi, gai e deai ange donu e bei ogu dagodo.” Iainei de aduhale laa gu maoha ma e dagodo ai, gai gu se mommee e nnoho ai denga manu aada! Alodahi e seesee laa ono gaogao e doo mee naa ma de tugi ange olaadeu lima.

Matthew 27:39

Gai dangada ne loomai laa kilaa ne hagammae manava ia ma de geugeu olaadeu biho,

Mark 15:29

Dangada ne loomai laa kilaa ne hagammae manava ia, ma de geugeu olaadeu biho, ga hai ange, “Aha! Go koe ne hagadaba bolo koe e oha de temple gai ga hagaduu age ange i e dolu donu huu laangi,