Lamentations 1:3 - De Beebaa Dabu

³ Judah gu gaavee gi dahi henua gee, i dua dono vaivai haia ma de hai hegau hagaduasala ina. Ia e noho i magavaa o denga huaahenua; ia tee gidee dahi mommee e hagammabu ai. Gilaadeu alodahi ne doolohia ia gu daea adu ia, i dono masavaa e hai ngadaa ai.

Lamentations 1:3 Iomraidhean Croise

2 Kings 25:11

Gai Nebuzaradan, tagi o de gau hagaloosi, ne noonooa dangada alodahi e doe i de aduhale, ma dangada ne hagabuni ange laa gi de hodooligi o Babylon, aama dangada alodahi, ga kave gee mai i de henua.

2 Kings 25:21

Gai de hodooligi o Babylon ne daa gilaadeu gu maakau i Riblah, i de henua go Hamath. Deenei de hai o dangada o Judah ne gaavee gee mai i delaadeu henua.

2 Kings 25:4

Gai de buibui o de aduhale gu oha ga masaavava, gai denga daane alodahi gu saavini ga hulo, gai gilaadeu ne ssao ga hulo i de haitoga i magavaa luu buibui i gaogao de veelenga a de hodooligi, i de masavaa a de gau Babylon e duuli ai luu baasi de aduhale. Gai gilaadeu ne ssao ga hulo i de haiava e hano laa gi Arabah.

2 Kings 25:5

Aagai de hagabuulinga hebagi o Babylon ne doolohi de hodooligi ga poo ia i lo te duu malaelae o Jericho, gai ono daane hebagi alodahi gu mavaevae saele.

Jeremiah 13:19

Denga aduhale i ngaage e pono naa, gai e deai naa donu dangada e huugea. Dangada o Judah alodahi gu gaavee gee i de henua, gai gu odi alodahi dangada i de gaavee gee.

Jeremiah 16:16

Aagai au e aalu naa de gau haangoda soa, go Tagi Maolunga e hagadaba, gai gilaadeu ga haangoda gilaadeu. Dua mee nei gai au e aalu naa gi loomai de gau dili manu soa, gai gilaadeu ga dilidili gilaadeu i honga mounga alodahi, ma duuduu aama lodo haonga i magavaa hadu.

Jeremiah 24:9

Au e hai naa gilaadeu gi se mee hagamaatagu, ma de kino ai dangada, i denga nohoanga hodooligi alodahi o henua i lalo, gai gi se mee e hakadanga ai ma de pasa ai o dangada, gai gi se muna hagamalaia i henua alodahi, aagu e hai gilaadeu gi hulo aagena.

Jeremiah 39:9

Gai Nebuzaradan, tagi o de gau hagaloosi, ga kave dangada e doe i de aduhale gi Babylon, madali dangada ne dau ange laa gi de ia, aama dangada ange laa.

Jeremiah 52:15

Gai Nebuzaradan, tagi o de gau hagaloosi, ne kave gee mai i de henua hanu dangada hagaau aloha, ma dangada e doe i de aduhale, madali denga labagau e doe, aama dangada ne hagabuni ange laa gi de hodooligi o Babylon.

Jeremiah 52:8

Aagai de hagabuulinga hebagi o Babylon ne doolohi de hodooligi go Zedekiah ga poo i lo te duu malaelae o Jericho, gai ono daane hebagi alodahi gu mavaevae saele.

Lamentations 2:9

Haitoga o de aduhale gu baakuu gi honga de gelegele; gai olaadeu laagau hagamakaga gu hadihadi ma de maoha. De hodooligi ma denga dagi o de henua gu gaavee gi denga huaahenua; gai gu deai donu hainga, gu deai hogi midi e hagaago ange gi denga pelaabisi mai i daho Tagi Maolunga.

Lamentations 4:15

Dangada e oo ma e hai ange gi gilaadeu, “Goodou hulo gee donu! Goodou hulo gee donu! Goodou aude poo mai gi gilaadeu!” Deelaa ai, gilaadeu gu ni dangada e silivaahea saele; gai dangada o denga huaahenua e hagataba, “Gilaadeu e dee maua donu i de nnoho madali gidaadeu.”

Lamentations 5:5

Dangada e dolohia gimaadeu gu dae mai gimaadeu; gimaadeu gu daalea gai gu dee maua i de hagammabu.

Ezekiel 5:12

Gai dahi diba i diba e dolu o oodou dangada e maakau naa i denga mee hagamaakau ma de onge; dahi diba i diba e dolu e daa naa ga maakau i de gadilaasa. Gai au e hai naa dahi diba i diba e dolu gi mavaevae saele i denga baasi alodahi, ma de dolohia gilaadeu ma de gadilaasa.

Deuteronomy 28:48

deenei ai, koe e hai hegau ange naa gi oo hagadaumee, go dangada a Tagi Maolunga e gaamai gi hagadee kii ina goe, i doo hiigai ma doo hieunu ma teai oo malo, aama de hagaau aloha i mee alodahi. Ia e hagauda adu naa de laagau hagahai hegau e hai i baalanga, gi honga doo eu, ga dae ai gi dana daa goe ga maakau.