Lamentations 1:17 - De Beebaa Dabu

¹⁷ Zion ne dangidangi i dahi bale, gai teai se dangada ne hagaaneane ina ange ia. Tagi Maolunga gu hagamodu dagodo o Jacob, bolo dangada i ono gaogao gi kino i de ia; Jerusalem gu bei dahi mee hakino gee i daho dangada alodahi.

Lamentations 1:17 Iomraidhean Croise

1 Kings 8:22

Gai Solomon ne duu i gaogao de mommee o ssigidaumaha a Tagi Maolunga, i madamada o de hagabuulingaa dangada o Israel, gai ia ga haalo luoono lima gi lunga,

1 Kings 8:38

gai de masavaa naa huu o dahi oo dangada go de gau Israel e dalodalo ai ma de dangidangi, i de duasala ono lodo, gai ia ga huli ga haalo mai luoono lima gi de hale nei,

2 Kings 25:1

Gai ssiva ngadau huu o Zedekiah ne hodooligi ai, i de madaangahulu laangi o de madaangahulu malama, gai Nebuchadnezzar, de hodooligi o Babylon ma dono hagabuulinga hebagi alodahi ne loomai e hebagi ange gi Jerusalem. Gai gilaadeu ga duuli luu baasi de aduhale ga hagatuu denga mee e oha ai de buibui o de aduhale.

Ecclesiastes 4:1

Gai au ne ahe ange hogi ga tilo de vaivai haia o dangada i lalo de laa. Au ne gidee loimada o dangada e vaivai haia, gai e deai dangada e hagaaneane ina gilaadeu. Ssauaa gu gaavange gi gilaadeu e vaivai haia dangada; gai e deai donu se dangada e balea ange gilaadeu.

Isaiah 1:15

De masavaa oodou e hhola ai oodou lima ga dalodalo ai, gai au e hagammuni naa luoogu mada i goodou; gai ga dalodalo mai naa donu goodou i hanonga lagolago, gai au e dee hagallongo donu oodou dalodalo. Oodou lima e hoohonu i dodo;

Isaiah 54:11

De aduhale gu hagaduasala ina, ma de oohaa i de madangi, gai tee hagaaneane ina, tilo, au e ahe ange naa e bae age goe i hadu hagamogomogo, ma de hagadagodo oo dagelo i denga sapphire.

Jeremiah 12:9

E aha, dogu boolonga gu bei nei de haonga o de hyena, gai denga manu llele e gaina laa manu maakau gu duuli ia e hai baasi ange? Goodou hulo hagabaa ina mai denga manu alasala gi gaina gilaadeu.

Jeremiah 15:5

Jerusalem, goai naa e aloha adu gi de goe, gai goai naa e dangi i oo hiidinga? Gai goai naa e humai e siilia be aahee oo dagodo?

Jeremiah 16:6

De gau maolunga ma de gau maolalo alodahi e maakau naa i de henua nei. Gai gilaadeu e dee danu naa donu, e deai naa hogi dangada e tangi i gilaadeu, be duuduu olaadeu angaanga aabe e dahi olaadeu biho i olaadeu hiidinga.

Jeremiah 34:22

Gai au e tala naa dahi hagailoo, go Tagi Maolunga e hagadaba, gai au ga hagaahe mai ai gilaadeu gi de aduhale nei. Gai gilaadeu e hebagi ange naa ga hagadee kii de aduhale nei ga dudu i de ahi. Au e hai naa denga aduhale o Judah gi se mommee e ngadi daakodo, gai gi deai dangada e nnoho ai.”

Jeremiah 4:31

Au e langona leo bei de dangi o de hine e dangi i de masavaa o ono hagalangona, ia e gonogono i de masavaa e haanau ai dana dama madua — go de leo o tamaa hine o Zion e ssala ai dana madangi, ma de haalo luoono lima ga hagadaba, “Gu vakaa loo au! Au gu dai ssili mada i dogu madagu i de gau daa dangada.”

Jeremiah 6:3

De gau hagaloosi ma alaadeu ssiibi e loomai naa e hebagi ange gi de aduhale; gilaadeu e hagatuu naa olaadeu hale malo i luu baasi, dahi ma dahi e hagaloosi naa i dono mommee.”

Jeremiah 8:18

Dogu hinangalosaa gu dee maua gi ui, gai ogu lodo gu baageaa.

Lamentations 1:16

“Au gu dangi i hiidinga o mee nei, luoogu mada gu honu malingilingi i denga loimada; go hiidinga gu deai e hagaaneane ina mai au, ma de hagammahi ina mai ogu lodo. Agu dama gu silivaahea saele, gai de hagadaumee gu hagadee kii au.”

Lamentations 1:19

Au ne hagahi gilaadeu e balea mai au, gai gilaadeu ne hadu muna mai gi de au. De gau haimeedabu ma denga daane maatua gu daia ma gu maakau i lo te aduhale, i de masavaa alaadeu e ssala ai hanu gai gi dee maakau ai gilaadeu.

Lamentations 1:2

De aduhale laa e kona mmao de dangi i de boo, ono loimada gu ssali iho gi luoono galaahuu; gu deai se dangada i magavaa o ono soa e hagaaneane ina ia. Ono soa alodahi gu vaivai daakodo ange gi de ia, gilaadeu gu ni hagadaumee niiona.

Lamentations 1:21

Dangada gu langona dogu gonogono, aagai e deai donu se dangada e hagaaneane ina ogu lodo. Ogu hagadaumee alodahi gu langona dogu hai ngadaa; gilaadeu gu malangilangi i au mee gu hai mai gi de au. Haia gi moolau de dae mai de laangi aau gu lava laa i de hagailoo, gi bei ai gilaadeu ogu dagodo.

Lamentations 1:8

Jerusalem gu kona mmao de haisala, gai de aduhale gu dee gilimalali. Dangada alodahi nogo hagadubu ina laa ia gu kino i de ia, go hiidinga gilaadeu gu gidee dono gilisau; gai de aduhale gu gonogono, ma de huli gee luoono mada.

Lamentations 1:9

Ono magi haahine gu pigi ange gi ono malo; gai ia gu dee anga ange donu gi ono dagodo i ngadau e loomai. Dono hagadee kii ina ne hagalele mouli mmao, gai teai donu se dangada ne hagaaneane ina ia. “Tagi Maolunga, galo mai diiloo dogu duasala go hiidinga dogu hagadaumee gu kii i de au.”

Lamentations 4:15

Dangada e oo ma e hai ange gi gilaadeu, “Goodou hulo gee donu! Goodou hulo gee donu! Goodou aude poo mai gi gilaadeu!” Deelaa ai, gilaadeu gu ni dangada e silivaahea saele; gai dangada o denga huaahenua e hagataba, “Gilaadeu e dee maua donu i de nnoho madali gidaadeu.”

Ezekiel 36:17

“Tama a tangada, de masavaa o de gau Israel nogo nnoho ai i delaadeu henua, gai gilaadeu e hai ga hakino gee de henua i alaadeu hegau ma dahulinga baubau. Alaadeu hegau e bei de hine gu hakino gee laa i ono magi haahine i mada luoogu mada.

Hosea 8:8

Israel gu oohaa ma gu maoha; ono dangada gu nnoho i denga huaahenua, gilaadeu gu bei de goloa gu deai laa ono haigamaiana.